ما وراء الكواليس

7

سبع ايام على التوالي ؟ استحق جايزة الاستمرارية

*ما قبل مشهد الحلم*
شينسو : و دلوقتي وقت مشهد الحلم بتاعك
ايتن : حلم ؟
شينسو : اه , بصي انتي هتروحي تقفي في الغرفة المعزولة الي هناك دي , اه دي الكروما , و بعدها تثبتي ريأكشن الاستغراب - زي الي على وشك و وش القارئ دلوقتي- و هيبقي حولينك نوعين من المخلوقات , واحد حلو و جميل و التاني شكله بشع
ايتن : و بعدين ؟
شينسو : لا مفيش انتي هتقفي وسطهم و المشهد هياخد مجراه متقلقيش , و قبل ما انسى خدي * بيديها كيس فيه اكتر من شريط برشام*
ايتن: دا علاجك ؟
شينسو : دا ليكي عشان تكملي المشهد , خدي منهم و يلا عشان هنصور
ايتن : ليه
شينسو : هتحتاجيهم اسمعي مني
ايتن اخدتهم و راحت تستعد للمشهد
شينسو : She has no idea
*مشهد الحلم*
ايتن واقفة وسط الكروما و فجاءة اتحول المشهد حوليها لمكان معركة و هي في النص بين المخلوقات الي شينسو حكالها عنهم
ايتن في نفسها : شينسو صارف في الجرافيك و تحس ان كل دا حقيقي
و في وسط ما ايتن سرحانة في مية البطيخ قرب منها واحد من المخلوقات دي و خلع عينها و حط عين تانيه غيرها
(نعتذر عن الدموية الي هنا و لكن مكنش هينفع تبقى غير كدا - الكاتب)
ايتن وقعت على الارض و لكن لحسن حظها كانت تحت تأثير المسكنات الي اخدتها من شينسو بس كانت بتصوت و تتلوي من الوجع برضو
شينسو من برا : امال لو مكنتيش واخدة مسكن ؟
(معتقدش ان اقوى مسكن موجود ممكن يخليك متصوتش لما حد يخلع عينك بس عديها - الكاتب)
و بعدها بدأت دروع تظهر على جسم ايتن و كانت زي المخلوقات المنورة (حرفيا) الي هناك دي
وقفت بدأت تتفقد المكان بعينها الجديدة و كانت قادرة تشوف ما بداخل اجسامهم و حتى ارواحهم
ايتن : انا ي بقى عندي قدرات خارقة جديدة ي بحتضر و دي لحظاتي الاخيرة
و لسه بتفكر هتعمل ايه لقت واحد من المخلوقات الوحشة ( النوتي) بيغزها من ظهرها
تسكت؟
لا و غزته برضو
( مش عارف ليه الموضوع كارف على Poke ليه - الكاتب)
*نهاية المشهد*
ايتن صحيت لقت نفسها في الغرفة و حوليها شوية مجسمات للمخلوقات و شينسو بيراقبها من برا
*طلعلته*
ايتن : هو ايه الي حصل بالظبط ؟
شينسو : تقدري تقولي اني خلقت جوا عقلك وهم بالحلم و استخدمت حبوب هلوسة و شوية مؤثرات و نجحت في دا
ايتن : مش فاهمة
شينسو : انا متاكد انك انتي والقارء الي بيشوف الكلام دا دلوقتي مش فاهمين حاجة ف عديها
ايتن : طب المشهد الي بعده امتي؟
شينسو : دلوقتي
*عودة الي بيت ايتن*
شينسو : المشهد دلوقتي انك بتصحي تفطري و تلاقي البيت فاضي ف تروحي تزوري البيت تاني
ايتن : بس كدا ؟ و بعدين ؟
شينسو : افضل اننا نشوف المشهد ممكن يروح لفين من بدايته دي
ايتن : سؤال , هو ليه لازم ازوره تاني يوم مع انه امبارح مكنش موجود و الجيران قالو انه سافر ؟
شينسو : سؤال منطقي الحقيقة و عاش + المؤلف عايز كدا
*المشهد*
ايتن بتصحى و بتفطر و بعد ما تدرك انها لوحدها في البيت بتقرر تروح تزور الشخص الي انقذ اخوها تاني
بتخرج من البيت و بتوقف سواق تاكسي و بتروح معاه *لكن المرة دي شينسو مش موجود*
بتوصل العنوان بعد ساعة تقريبا و لما بتنزل من التاكسي بتلاقي عربية مركونة قدام البيت
*عمرو كان وصل هنا قبل ايتن بكام دقيقة*
ايتن : طالما العربية دي هنا يبقي اكيد رجع البيت
شينسو في الخلفية : انا صح انا صح
و راحت تخبط على الباب و لكن قبل ما تعمل كدا عمرو خرج من العربية و كان متبهدل خالص و حالته صعبة
(معلومة سريعة : شينسو زق عمرو من العربية و هما جايين عشان يبقي متبهدل كدا)
ايتن راحته و سألته
أيتن : انت الي عايش هنا ؟
عمرو : لا انا عمرو و دا بيت خالد صحبي الي اختفي و احنا مخيمين سوا في الصحرا و فضلت ادور عليه لحد ما الشمس طلعت و لما فقدت الامل قررت ارجعله هنا على امل اني الاقيه
ايتن : انت ضيعت صحبك واو
عمرو : انتي مين اصلا
ايتن : انا ايتن و الشخص الي اسمه خالد كان انقذ اخويا الصغير و كنت عايزه اشوفه و اقابله شخصيا عشان اشكره
عمرو : تشرفنا
ايتن : انا عندي فكرة
عمرو : ايه هي فكرتك
ايتن : ممكن نروح هناك تاني و ندور عليه
( المشهد دا ممكن يعمل حرقان للبعض - الكاتب)
(مفيش حنان لاشين هنا...كانت سلختك ع الحركة دي
- احمد)
عمرو : انتي عايزة تعملي كدا ليه برضو
ايتن : سبق و قولتلك اني عايزة اشكره شخصيا
عمرو : تمام روحي البيت استعدي كويس و انا هعدي عليكي
ايتن : بس انت متعرفش عنواني
عمرو : لا عادي ما عدت في الرواية الاساسية مش هندق عليها اوي هنا و المؤلف نسيها
( انا اكتشفت ان كار الكتابة دا مش كاري - الكاتب)
شينسو في الخلفية : انا اهتمامي بالتفاصيل ساعتها كان مضروب بالجزمة بجد
*مروراً بالاحداث لحد ما ايتن شافت عمرو بالعربية من شباك غرفتها*
( دا لو انا قاصد اخليه يجي يتقدملها مش هكتب كدا - الكاتب)
*ايتن ركبت العربية مع عمرو و في طريقهم للمكان الي كانوا فيه*
*شينسو فقد شغفه و نام على الكنبة الي ورا*
*عمرو كان بيحكي ل ايتن عن مغامراته مع خالد طول الطريق*
ايتن : وصلنا اخيرا
عمرو : اه احنا كنا موجودين هنا قبل ما خالد يختفي
شينسو : تمام روحو دورو عليه و انا هنصب الخيم
ايتن : انا متأكدة من أننا هنقدر نلاقيه
*بدأ الاتنين بالبحث عن خالد و لكن بلا اي جدوي*
*اليوم خلص و الشمس بدأت تغرب*
*رجعو ل شينسو الي كان جهزلهم كل حاجة و بدأ الاتنين ياكلو*
عمرو : مفيش فايدة خالد ملوش اي أثر
ايتن : احنا لسه في اول يوم ، انا متأكدة اننا هنلاقيه
شينسو : Huh women ☕
عمرو : انا مش عارف انتي جايبة الثقة دي منين بس يارب نلاقيه
*الاتنين خلصوا كلام و اكل و كل واحد راح لخيمته عشان يناموا*
*ما بعد حلم ايتن لأن الكاتب حاسس انه مش مهم*
*ايتن صحيت من النوم و حست بشعور غريب و مسكت الكتاب و بدأت تجري في الصحرا بعشوائية*
ايتن : اكيد دا بسبب حبوب الهلوسة الي شينسو كان حطها في الاكل
فضلت تجري لحد ما وصلت لمكان مكنش واضح بسبب الإضاءة الضعيفة للقمر و رمت الكتاب
استعادت السيطرة على جسمها و بدأت تتجول في المكان
لقت كتاب بني ملطخ بالدم*و زي اي ممثل في فيلم رعب* مسكت الكتاب و و بدأ جسمها كلو يوجعها
رمت الكتاب بعيد و بتبص وراها لقت الكتاب الابيض منور و مُعلق في الهوا.

و بس اشوفكم بكرا
اه عارف انا قصيت اخر جزء من الفصل
عملت كدا لأن طاقتي خلصت و الفصل الثامن من الرواية الاساسية مفهوش احداث كتير ف دا عشان يسنده
استنو اخبار مهمة قريب بخصوص الرواية الاساسية و دي
باي