ما وراء الكواليس

2

*ما قبل مشهد الجيم*

شينسو: خالد اجهز عشان عندنا طلعة في الجيم
خالد : المشهد الجاي محتاج فورمة ؟
شينسو : لا هنروح نصورلك كام لقطة هناك و هتمثل انك بتتمرن
خالد: بس كدا ؟
شينسو : اه امال انت فاكر ايه
خالد : تمام , كل حاجة جاهزه ؟
شينسو : اه و المفروض هنصور دلوقتي , بص في اوزان هناك فيك هتتمرن بيها و تعمل انك بتبذل مجهود و كدا و في كومبارس مُهمش هيجي ينبهر بيك و يمشي , هو دا كل المشهد
خالد : مفيش اي غدر ؟
شينسو : ثق فيا المرة دي
خالد : مش متطمنلك
*المشهد*
خالد بيتمرن و المشهد كان ماشي كويس لحد ما الكومبارس اتكعبل و دماغه اتخبطت و غرق الدنيا دم
شينسو راح يشيله قبل ما خالد يلاح....
خالد: انت بتعمل ايه , ايه الدم دا كلو , جثة دي؟
شينسو : طبعا لو حلفتلك انه وقع لوحده مش هتصدقني صح؟
خالد: هحاول
شينسو : متبصليش كدا و تعال شيله نرميه برا لحد ما نخلص
خالد : دا لو شاحن الفون بتاعك كنت هتعامله بطريقة احسن
*شينسو و خالد شايلين الكومبارس و بيطلعوه برا*
*خالد لاحظ ان ايد الكومبارس بترعش و فيه الروح و لسه بيقول لشينسو*
خالد: شينسو الراجل دا عا...
*ملحقش يكملها و اتكعبل و اغمي عليه*
شينسو : جبتك يا عبد المعين تعني لقيتك يا عبد المعين عايز تتعان
*شينسو سحب الكومبارس و جابله دكتور و كان مستني يخلص معاه عشان يشوف خالد*
شينسو : انا ممكن اجرب اخبط دماغه خبطه بسيطة ممكن تفوقه
*شينسو راح يجيب الحديدة و غير الاوزان الي خالد كان بيتمرن بيها في طريقه*
*خالد بيفتح عينه لقى شينسو ماسك حديدة مدورة كبيرة و هيوقعها على دماغه , عمرو كان جاي يسأل شينسو على المشهد الي بعد كدا بس غير رأيه لما شاف شينسو ماسك لوح وزن 50 كيلو و هيدشمل دماغ خالد بيه*
عمرو : اجيلك بعدين عشان شكلك مجنون دلوقتي *و جري من المكان*
*خالد نط مكانه و زق شينسو بعيد*
خالد : انت عايز تقتلني ؟
شينسو : انا بحاول افوقك عشان نطمن عليك
خالد: بأنك تكسر جمجمتي بالي في ايدك دي؟
شينسو : الموضوع كان منطقي اكتر و انا بعملها في دماغي
خالد : ....
شينسو : بص للجانب المشرق , انك فوقت اخيرا و ممكن نكمل المشهد
*خالد متمدد و بيستعد عشان يشيل البار*
شينسو لنفسه : he has no idea
*خالد مكنش مستعد للوزن و البار على بعد تكه من انه يكسر رقبته*
شينسو في الخلفية : ليه بس كد بس كدا بس
*عمرو كان معدي بالصدفة و شاف خالد مش قادر يرفع البار و شينسو قاعد بيتفرج عليه و لكن قرر يعمل من بنها*
*الكومبارس التاني ساعد خالد و كملو المشهد*
شينسو : عاش يفنان ابداع , المشهد خلص اخيرا و مفيش حد اتصاب
الكومبارس من اول المشهد :؟؟؟؟
*نهاية المشهد*
خالد: مين الي غير الاوزان دي؟
شينسو : انا , كنت بفكر في ان كدا المشهد هيكون واقعي اكتر
خالد: بس انا كنت هموت
شينسو : الموضوع كان منطقي اكتر في دماغي
خالد : المنطق بتاعك هيعمل حرب نووية قريب
شينسو : ولددد كلو الا المنطق بتاعي , و يلا اجهز عشان المشهد التاني
خالد : يارب يكون مشهد بسيط و مسالم
شينسو : دا مشهد صغنون خالص و مفهوش اي خطر حتي , لكن هنصوره على الطريق برا
خالد : مش ممكن نعمله جرافيك اسرع و احسن؟
شينسو : ولدددد مش انا الي يتقال عليا استسهلت و عملته جرافيك , نولان مش احسن مني في حاجة
خالد : حاضر حاضر يلا
*مشهد الشاحنة و انقاذ الطفل*
*شينسو داخل على خالد معاه طفل في حاجة على بوقه عشان ميتكلمش*
شينسو : بص يا خالد دا يوسف الي هتنقذه
خالد: انت سديت بوقه كدا ليه ؟
شينسو : زن و كلام كتير و انا ضغطي عالي
*طلعو عشان يصورو المشهد برا و الكل كان في موقعة*
*يوسف بيعدي الطريق و خالد واقف مستني عشان ينقذه*
خالد في نفسه : غريب امال شينسو مش بيتابعنا زي عادته؟
*قبل المشهد بخمس دقايق*
شينسو : بص يا خالد السواق هيدوس فرامل قبل ما يملسك و انت تعمل نفسك اتخبطت و تطب ساكت مكانك
خالد : هيحصل ايه لو السواق معملش كدا؟
شينسو : متقلقش انا مأمن كل حاجة و هتبقي في امان
خالد : تمام
*المشهد*
كل شخصية في مكانها و خالد لسه بيحاول يشوف شينسو فين
*شينسو هو الي سايق*
*شينسو مع السواق قبل المشهد بيقنعه ياخد مكانه بعد ما شايف ازاي تسوق اي عربية على النت*
*خالد بيستعد عشان يرمي نفسه و يمثل انه بينقذ يوسف*
شينسو في كون موازي : المفروض بقا ادوس فين لما احب افرمل ؟
*يوسف شاف شينسو من بعيد مش عارف يوقف العربية ف جري بعيد*
خالد: هو دا جري ليه ايه الغباء * بيلف يشوف الي جاي وراه*
*شينسو في العربية جاي ناحية خالد*
خالد: هيقتلني
*خالد حاول ينط بعيد بس شينسو راح وراه وخبطه برضو*
*شينسو نازل يشوف خبط ايه و لقى خالد طب ساكت مكانه*
شينسو : عاش يفنان ادائك عظيم بجد و كمان واقعي اوي
*خالد مش بيرد اكيد*
*لحظة ادراك شينسو انه خبط خالد بجد*
شينسو : اوه , طب يلا حصلخير كدا كدا المشهد الجاي في المستشفي
*عمرو اخد خالد و راح معاه للمستشفي*
*قبل مشهد المستشفي*
شينسو : المشهد الي جاي بتاعك يا عمرو
عمرو: هعمل ايه
شينسو : هتاخد الكتاب دا و الورد و تروح لخالد عشان هو غالبا مش عايز يشوفني بعد الي عملته
عمرو : لا ملوش حق بصراحة , خالد دا قموصة اوي
شينسو : يلا عشان هنصور
*المشهد*
*عمرو و هو داخل على خالد بعد ما الدكتور مشي*
عمرو في نفسه : ياربي يعني بدال ما ادخل عليه بشوية فاكهة ولا اي زيارة ادخل عليه بشوية ورد و كتاب؟
عمرو لخالد : الي واحشنيييي بص جبتلك ايه
خالد : ايه دا امال فين شينسو
عمرو: هو قالي انك مش عايز تشوفه و اداني دول و قالي اجيلك
شينسو : نبيه اوي شينسو دا, حطهم هنا و امشي عشان هنام
*شينسو و عمرو بعد المشهد*
شينسو : عاش يا عمورة المشهد كان عظيم بجد بسببك
عمرو : دا من زوقك يا شينسو تسلم بجد
شينسو : طب يلا لم حاجتك
عمرو : ايه دا في ايه ؟ انا عملت ايه
شينسو : لا متتخضش احنا عندنا سفر قريب

و بس الحلقة خلصت و الفصل الي فات بطريقة ما عجبكم ف هكمل (يصرخ متألما)