"انا ومَزْوُنْ"

الفصل السابع " لعلها توبة "

صلي على مٌحَمد...

السلام عليكم رمضان كريم عليكم وينعاد عليكم بخير ، بعتذر عن تأخير الرواية ولله غصب عني ، الرواية في رمضان هتنزل مرة في الأسبوع بإذن الله ، هتنزل بعد التراويح بعد ما نكون صلينا كل فروضنا والورد اليومي والأذكار ارجو ان رواية مطعطلناش عن العبادة، وكل فصل في درس ديني يفدنى في الأيام ديه ويلا ندخل ف بارت..♡

******************************

ومَا الحُبُّ ...
إِلاَّ أَن تَخَافَ اللهَ فيِمنَ تٌحٍبُ .

وقع الاسم عليه كالصاعقة ، فحاول استيعاب ما تقول ابنة خالته فقال " اخته ازاي يعني يا مي".

"اخته يا مازن في ايه مش هو بس ده فيه تالته غيره مراد ومكرم ومالك وهو " أجابت هي موضحه له .

ظل ينظر بدهشة واستغراب فقالت هي بخبث " مالك يا مازن انت اديقت انها اخته ولاه ايه ".

نظر لها بخيبت امل وقال " الواحد ملوش حظ فحاجه انتي يا مي مش بتقولي حاجه غير لما الواحد نفسه تتسد ".

"يا مازن انت ومزون من مستحيل تكونوا لبعض مش علشان مدحت بس كمان لا علشان هي ملتزمة وانت " .

"انا ايه ما انا بصلي وبصوم الحمدلله مالك في ايه " تحدث هو وهو يرفع حاجبه فقالت هي " ديه كل معلوماتك عن الالتزام بص يا مازن مزون دايما بتقول ان صلاة وصوم وقراءة القرآن فهي واحد اتنين دين وده لأنك مسلم وده طبيعي لكن الالتزام بقى وال هي عايزه شخص بار ب امه وابوه بيصلي كل الفروض فى مسجد وفي معادها بيصوم اتنين وخميس حافظ كتاب الله و وصايا الرسول شخص عنده علم اولدها ينتفعوا بيه حاجات كتير جدا هي كل يوم تقولي الكلام ده شوفت بقى ان في فرق بينك وبينها ازاي مش هتريق بس مازن انت مش بتروح المسجد غير فى صلاة الجمعة مامتك كل يوم بتصحيك الفجر بالعذاب هل بتقراء اذكار ليك ورد يومي حافظ أحاديث هاا".

نظر لها بيأس ثم حرك راسه نافيًا حديثها ثم قال " انا عايزها يمكن ربنا يجعلها توبة نصوحة ليا ".

ابتسمت مي له وقالت " ادعي ربنا وصلح من نفسك علشان نفسك ويمكن ربنا يجعلها من نصيبك يا ميزو يوه ميزو الواحد مش عارف يفرق بينكم ليكم نفس الدلع " ضحك هو عليها ثم صدع صوت والدته تناديهم لتناول العشاء .

على الجهة الاخرى فى قصر آل عمران ، ظل الجميع يتحدثون مع بعضهم البعض وظل مدحت وذكرى يضحكون كثيرا وايضا مزون واشقئها ، حتى أتت الخادمة التى تدعى "ام محمد " فدعتهم للعشاء ، فقام الجميع لغرفة الطعام .