"انا ومَزْوُنْ"

الفصل الثامن " جابر المذنب"

صلي على مٌحَمد....

كلما ضاقت تذكر ..
كيف ابحر نوح بالسفينة فى موج كالجبال ..
وكيف سلم إبراهيم من النار..
وكيف نجا يونس من بطن الحوت..
وكيف شق موسى البحر بعصاه..
أجمل ما فى فرج الله..
انه يأتي بعد أن تنقطع كل الأسباب.
ولا يبقى فى قلب العبد إلا الله.

# منقول من كتاب رسائل من القرآن .

************************

ضعيف لأجلها ، وقويّ لكل من يمسّها بسوء ...

انتهى مازن من سماع بعض الدروس على الإنترنت، والتى كانت مثل القوة الدافعة له ، فقام وتوضئ ، وصلى ركعتين بنية التوبة ، فنتهى من صلاته ، واقترب من سريره وبدء يفكر فى حياته مع الله وكيف يريد أن يصلحها ، ثم غلبه النوم ونام فى ثبات .

على الجهة الاخرى فى قصر آل عمران ، ترك الجميع غرفة جدتهم ، وصار الجميع فى صمت ، اثر حديث جدتهم ثم قال جابر منفعلا " بقولكم ايه ال حصل ده انا مش هسكت عليه ويلا اتفضلوا من غير مطرود ".

رمقه مدحت بابتسامة بارده ثم قال وهو يضع يديه في جيبه " نتفضل فين يا جبجيرو انت مسمعتش فؤئية هانم ستك قالت ايه البيت هيتكتب لينا انا واخواتي يعني لو حد فينا هيتفضل يبقى روحك بس لاسف انا ابن أصول ومش هخليك تتفضل فروح يا قلبى اغسل سنانك ونام ".

قبض جابر على يده بغضب محاولا إخفاء حالته الهسترية، ثم نظر لعمه علاء الذى أوم له برأسه كمعنى أنه سيسيطر على الأمر ثم قال " بصو يولاد اخويا انتو طبعا عارفين الأصول ومتردوش بالظلم وده حقي وحق اخواتي وانتو ليكم نصيب فيه ونصيبكم هتخدوا طبعا لكن الكلام ال اتقال فوق ده ميرضيش ربنا واكيد ميرضكمش ".

" لا يرضينا وخليك برها انت وبعدين من امتى وانت بتفهم فى الأصول ما بقالك خمس سنين واكل مال ال يتيم ال هو احنا ف متكلمش الله يرضى عليك " تحدث مدحت بسخرية وهو ينظر لعمه بشمزاز .

كان علاء على وشك الحديث فاوقفه أُنيس وهو يقول بنبرة هادئة " انا بقول نتكلم الصبح يا عمي بكره احنا اجازه ونحل الموضوع مع ستي دلوقتى نرتاح وبكره ربنا يحلها ".

علقت فريدة موافقة الرأئ قائلة "معك حق يا بني وانتم يا ولاد اوضكم لسه زي ما هي في دور التالت وانا خليت ام محمد تنضفها يلا يا حبايبي ارتاحوا وبكره ربنا يحلها ويلا احنا كمان يلا يا ذكرى ".

وافق الجميع على حديثها ثم توجهوا لغرفهم ، وبعد خمس دقائق ، كانوا يقفون أمام غرفهم ، ثم نظر الجميع تجاه مدحت بغضب اثر حديثه من قليل ، فبتلع هو ريقه ثم اجاب " طبعا الكلام ال انا قولته ده اي كلام انا بس اضايقت من البئف ده ".