جروة خاتون

مقدمة

                          『✦﷽✦』

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ

روايـــة:
جروة خاتون

بقلمي:
نــعــنــاعة🌿

『••✎••』

             

قصة حقيقية
من الطراز القديم
تدور أحداثها
حول فتاة ..

هل هي فتاة؟
لا اظن ..
بل عاصفة قوية
الناس تستعيذ منها
من شدة الرعب
الذي زرعته فيهم..

شعور جميل أن تعلم ..؟!
منذ ولادتك  أحد ما احبك ..؟!
هذه نعمة ربما لم تدركها في الوقت الحالي..
لكن فيما بعد تقدس تلك الذكريات ..
عاصفة سوداء  ..
مرافقة لـــ
صرخات طفلة تصارع البقاء ..
فرس جامحة قاتمة السواد ..
كلاهما احتل هذا العالم ..
في هذا اليوم !
في هذه الساعة !
في هذه اللحظات !
أصبح ارتباطهن وثيق لأحد ما ؟!
هل يستطيع حماية واحتواء الأثنان ..؟!
ام للقدر رأي آخر ..؟!
ربما هو  الخــيــال
من يتخلى عن كلا العاصفتين ..؟!
بالمختصر المفيد
" ليست كل النعم دائمة "

_____________________

# اقتباس

يجدة راح احجيلج گصتي بس أريد منج تذكرين حجاية وحدة وتظل ترجيه بأذنج :-

شكد ما تكدرين لا تظلمين
لأن عقاب الظالم يشوفه بالدنيا گبل الأخرة
ويردلج وجع المظلوم نفسه .

               ____________________

الكثير منا يا سادة
يقف وقفة الجندي المستعد للحرب
يكذب يغتاب يذم
يمدح نفسه بكل الطرق
انا كذا كذا وكذا
لكن بالحقيقة هو أنسان
يفتقر لشعور الأطمئنان
يحاول ويحاول
لكن النتيجة
لا جدوى
دعوني أسدِ لكم نصيحة
الاطمئنان لا يستوطن الروح
الا بذكر الله
بذلك
نستطيع القول
رفعت الجلسة

استناداً إلى الأية

(أَلَا بِذِكْرِ اللَّهِ تَطْمَئِنُّ الْقُلُوبُ )

#مشهد

الطول متره ونص مدري أقل ، كصيره متروسه لحم ، الوجه ازرك ، العيون سود كبار ، الخشم جبير محروك من الشمس ، والشعر سيم مال اماعين .. مثل أي بنية عاجبتها رويحتها بداية شبابها ..

شايلة الجرة على جتفي واتمندل رايحة من الصبح أجيب مي من النهر اترس الحب علمود نشرب منا ماي ، هاي بعد ما حصلت المقسوم من أمي اكتلتني بالنعال وصاحت بيه اروح قبل لا يكعدون خواني مثل خوش آدمية سويت الگالته أمي لأن إذا عارضت هم انگتل مرة ثانية ..
ومنين من حزام ظهري ؟؟
اخوتي الله لا يشوفج الگتله من أيدهم المچان اليضربوني بي يصير ازرك ..

هناك وإني بدرب الروحه ..شفت ابن عمي شلتاغ شلخه البين وضربه عصاتين اموت منه عبنا مو راحة اكره حتى ذكر اسمه ..
طنشته وكملت دربي للنهر ..

ويه ما دنچت اترس الجرة مي اندفعت من ظهري وجيتت بالنهر والجرة فخار فلتت من ايدي وراحت بالمي ..
التفتت .. رفعت رأسي شفته الغضب شلتاغ واگف على حافة النهر ويعايني بشماته ..

ردت أعلي صوتي وأصيح بس خفت يلتمون عليه الوادم .. يلگوني ويه شلتاغ غير العرب كلها تگوم تحجي بشرفي ..

اخرسيت حاولت أطلع ما كدرت اهدومي تبللن والچرقد (حجاب النسوان الكبار يصير مثل الشال ويلفنه بدنبوس ) انفتح ..عدلت هدومي..
طلبت من شلتاغ يساعدني اطلع من النهر ..
هو كيف عبن ترجيته يطلعني ..
المهم مشيت على مايه جر ايدي وگدرت اخلي رجلي على حافة النهر ..
دنجت عود اعدل بهدومي گدامه ..هو واكف يدردم ومنشنش على الوضع ..
بساع ترست أدي طين من جوا رجلي ..
شلته وشمرته بوجهه..
عيونه نعمت من الطين .. جفي جبير وكمية الطين هواي گام ما يشوف دربه منين بس يصيح ويغلط عليه ..
جان انطي دفعه بظهره ..شمرته بنص النهر ..عفته وانهزمت للبيت .
بگيت بحيرة شأگول لأمي على ماي ..انوب حتى الجرة ماكو شيخلصني منها شلت هم ..
هدومي مبللة مي شأگول شحجي بحظك وبختك شلتاغ الغثة ..

تنوية هام !!!

ابطال هذه الرواية الكبار متوفين
لمن يهمه الامر 💔💔

................................................

تاريخ النشر
2024/6/6

أنتم ما تاريخ القراءة ؟

واهلا وسهلا بكم
أنتم ايها القراء

ل

طفاً لا تنسون التصويت ومتابعة الحساب