جروة خاتون

الجزء السادس

『✦﷽✦』

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ

روايـــة:
جروة خاتون

بقلمي:
نــعــنــاعة🌿

✿『 أنا جروح گلبي نلچمن

وندن قطرة قطرة 💔

والمعضلى

الجمهن مو غريب  』✿

『••✎••』

"حبيتها لأخر نفس بيه بس ما گدرت احميها
خلي سامحني "

جروة

چانت چلمات عادية لأي بشر عابر يسمعها  ..
بس انا أختلف ..؟!
انا التصوبت بنص افادي بيهن ..؟!
أنا النگطع شريان الأبهر بگلبي ..؟!
أنا الما مرت عليه على خير ..؟!

نسيت أنا منهو ؟! وشنهو ؟!
نسيت مسؤوليتي كأم ؟!
نسيت حتى سبب وجودي بهاي الدنيا الفانية ؟!

وگعت على الكاع بعد ما حسيت بوجع ما ينوصف بجهة افادي على إثرها غبت عن الوعي ..

صحيت ورى مادري شكثر ..
أنا بالمستشفى أمي يمي چاعده ..
تصبر بيه وتهون عليه مصيبتي ..
بس هيهات الروح ميته والنفس گوه اجره ..

- يمه ذكري الله واحمدي على كلشي صار وياج .

- يمه عتابي عليج من جيتج وانا حبلة اول بطن وما گلتيلي شيء ..
يمه چان من ذاك الوگت متت وخلصت ..
يمه برگبتي هسه ثمن جهال ..
يمه شسوي بروحي هساع ..

يمه .... صرخت لما تعبت من وجع روحي ..
بعدها مسحت دموعي .. وشلت الحسرة بگلبي ..
مرت فترة طلعوني من المستشفى ..
ضربتني ذبحة من الوجع الحسيته ..
بس عدت وگدرت اوگف على رجلي ..
مو لشيء بس لخاطر جهالي الثمانية ..
الصغير ابني حسين باگي يم أهلي بفترة نومتي بالمستشفى منطي حليب من الهايشة ..
تمرض مثلي لأن حليب صدري جف من القهر ..

رديت لجهالي اخوي حسين تكفل بيه وكفلي وكفة عشيرة ..
بس روحي النطفت ما عاد يدفعني للنفس غير جهالي ..
رديت لبيتي بعد چريب الشهرين ..
لگيت شامل عايش بشهر العسل مزوج من أبن صاحبة خليل ..

بس الشل حالي أكثر مسوي البرأسه ومنطي بتي رعده لحجي خليل وجايب بنته مچعدها بيتي ..

مچان بيه حتى احجي وارد عليه ..
بس حاولت بيه ما بيه اتعارك ..
هددته يروح يجيبها يمنا منا لما تبلغ وتصير مرة عبن كاطعين مهر بعد ما أكدر اغير شيء ..