جروة خاتون

الجزء الرابع

『✦﷽✦』

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ

روايـــة:
جروة خاتون

بقلمي:
نــعــنــاعة🌿

✿『  خسرنا اول خسارة
وكلنه تتعوض
وخسرنا الثانيه
وكلنه العتب عالحظ
ما ظلت بعد حجه ؟
شبعد يا روحي نترجه
هاي الثالثه وبيها السكوت افرض
💔💔💔 』✿

『••✎••』

جروة

فاتن خاتون صيحت خلاف شلتاغ رادت ما رد عليها أخذ الخيل البرة الدير وطلع ..

اشتعلت غضب منها .. ردت اطلع أكتلها بس خفت على شلتاغ حذرني أگرب صوبها حتى لو سوت شيء مو زين ..عبن صارت نوبة وشلتاغ خلصها من گتله ايدي ..

-يبه جروة اريد منج تسمعين حجيي ..
لا تگربين صوب فاتن خاتون ..

لو تگتليها ترى محد يتأذى غيري عبن تعمين علينا واحنه چاعدين نزل يمهم ..

ضميت غضبي منها .. ورديت للحجرة ..
ورى شواي دگت الباب وطلعتلها شنيف ..
أنا ضليت ورى الباب اسمعن التحجي ..

هددت لما نگظت شنيف فقيرة ما ردت عليها ..
دورت عليه ما طلعت كوه على روحي مصبرتها ما اطلع .. بطني جبيرة .. الحمل أخذ كل حيلي ..

انتظرت شلتاغ يرد وافتهم منه ..
ادري بشلتاغ مستحيل يباوع على حرمة أعداي ..
هي بس شنيف وكسرو رگبتها ويه شلتاغ لا حول ولا قوة ..

بيومها ما رد شلتاغ الليل كله اناطر ورى الباب ..
ليش شلتاغ ما رديت امشي واحجي ويه روحي ؟

لوجه الصبح يله رد شلتاغ ..احجي وياه ساكت ..

شلتاغ عرفت شنهي السالفة سمعتك بدير انت والخاتون .

چعد حاني ظهره .. ماكو حجي جروة ينحجي ..
حضرن رواحج نرد لأهلي ..

نلم هديماتنه ونهل بالدمع ..
ويه ما صعدنا العربة رادين لديرتنا ..
من بعيد شفنا الخاتون والأفندي ..
حدر شلتاغ يحجي ويه الأفندي لأخر نوبة ..
ماقبل على طلعتنا .. هدد شلتاغ بموتنا أن رفض شلتاغ طلباته ..
شلتاغ ما سكت .. بس حكم الگوي ..