جروة خاتون

الجزء الاول

『✦﷽✦』

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ

روايـــة:
جروة خاتون

بقلمي:
نــعــنــاعة🌿

✿『 البدايات في معظم الأحيان خداعة 』✿

『••✎••』

- جدة تدرين بيه أحبج .

- اي ادري .

- وتدرين بيه اموت عليج .

- هم ادري.

- أني أريد أطلب منج طلب !

- اي احجيهن بلا لواكه شتردين ؟

- ما جايني نوم احجيلي قصة حياتج .

-يجدة منين تردين ابدي ؟؟ وين انتهي ؟؟
عبن العمر الفات ما منا رجعه لو كطعنا رواحنا من تأنيب الضمير واللوم .

- أول سؤال يجي على بالي دائماً !!
ليش سموج اهلج جروة وهو أسم حيوان ؟

- هاي بعشرينيات القرن الماضي ..
جان يجي مرض وبائي ينصاب بي كل الجهال ..

ماكو لا مستشفيات لا علاج وأهلي بابت عرب عايشين بقرى بعيدة عن المدن ..

بوكتي جاي مرض اسمه الجدري يصير الجسم بي طگع حمرا وصخونة قوية ..

أمي متعلمة من الجدات أهل گبل إذا انصابوا الجهال بهذا المرض يخلوهم بخرابه (غرفة مبنية من الطين ومسكفه بجذوع نخل وطين ) يخلون يمهم موگد ( نار مشتعلة ) ويقفلون عليهم الخرابة إلى أن يطيبون ..

أمي مثل خوش مرة معدلة مخليتنه بالخرابة اني وخواتي اثنين اكبر مني ومسويه مثل ما گايليلها عبن على نياتها ..
وداري بينا علمود نطيب ..
اني جان عمري أمي تكول سنتين ..
رابطتنا أمي مثل الهايشة بالخرابة علمود نطيب من المرض ..

ماتريد نموت كدام خوانا الباقين ورى فترة من هاي الحبسة خواتي اثنينهن ميتات وبقيت بس اني عدلت بعد هاي المدة ..

گبل المايصير عدهم جاهل و الينجي من هذا المرض يسموه اسم مكروه علمود مايموت هيج عقلهم ولهنا يصل ..