جروة خاتون

الجزء الخامس

『✦﷽✦』

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ

روايـــة:
جروة خاتون

بقلمي:
نــعــنــاعة🌿

✿『 اه شلون أنساك ما تگلي ؟!
بعدهي بروحي تلعب ريحة ثيابك ؟! 』✿

『••✎••』

جروة

ويه طر الفجر چعدني حمادي ..
سد حلكي وگومني بدون ما تحس أمي ..
عرفت چا اليوم الينطيني بي حمادي ..
عدلت هديماتي .. تأكدت من فروة شلتاغ بنصهن
شلتها بين أيدي شميتها ورديتها ..
لميت باگي غريضاتي بالصرة وشديتها حيل ..
صعدني حمادي الزمالة ..
ومشى بيه رايحين للـزلمة ..
سألته شسمه گال شامل ..
سألته إذا مزوج لو لا گال لا ..

شو ما رتاحيت ..
بس عگب الصار والجرى بيه وين جنت يم شلتاغ..؟!
بعد شيصير وشراح تشوف عيني ..؟!

احنه نمشي ومعترضين على قدر ربنا ..
بس ما ندري الله من يسيرنا بشيء ما نريده
بي خير وصلاح النه ..

حدرت من الزمالة بعد ما وصلنا بالدرب يم الزلمة ..
جايب شيخ وزلم اثنين وياه عقدولنا ..
وهاهيا أنطاني حمادي لهذا الزلمة الماعرف بس اسمه ..

نوب رد صعدني على الزمالة الجايبها ومشينا ..
هواي مشت بينا الزمالة يله وصلنا بيوتهم ..
هينة صدمتي جانت بيوتهم مو طين ومسگفه بجذوع نخل لا ..
بيوت من شعر صغار بجولة ..
لا هدان ولا ودان يمهم ..

بجيت من شفت عيشتهم هيج ..
احنه بنص الخير عايشين على عيشتهم هاي ..

تلگتني عمتي بـ هلا و مرحبا..
بس روحي لابت على راعيها شلون چان معيشني
ما چذب من چان يكلي خاتونتي انتِ..
صدك عشت خاتون بجاله وبخيره ..
حتى شغل ما اشتغل وياه ..

تعال تگابل وياي خلي أگلنك ..
وشوف وين صفت بت گلبك ..

للمغرب أنا ما شفت زلمتي .. عود أنا عروس بعد ..
عمتي جبيرة بالعمر عدها شامل وجواد ..
وضرتها الميتة عدها ثلاث ولد جابر ومسعود وكاظم ..
وما عدهم بنات عايشين بروحهم بهل جولة ..
عبن وين ما يلگون اچل للدواب يرحلون ..