جروة خاتون

الجزء الثامن

『✦﷽✦』

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ

روايـــة:
جروة خاتون

بقلمي:
نــعــنــاعة🌿

✿『 قدر الله فوق كل شيء 』✿

『••✎••』

صعدنا السيارة .. الكراج بي بابين ..
طلعنا من باب .. ودورية الشرطة دخلت الكراج من باب ..
الكم تخيلون كمية الرعب العشناه ..
بفضل الله فرق دقائق ..
جانت كفيلة تغير قدر كل العائلة للأسوء ..

ما طمنت گلوبنا الا من صاح السايق..

"المطلوب الخايف صار بأمان عبرنا للشمال "

ما فتهمنه قصده مدري فرحان مدري بسمار ..

يوم كامل صار الطريق وصلنا لبيت عمي علي وحسين ..
لاگين شغل وديشتغلون بي ..
أبوية هم لگه شغل واشتغل علمود يدبر عيشتنا الصعبة ..

ورى شهرين أمي رجعت للمحافظة على ولد عم ابوي ..

بلكي يشوفون حل النا.. أبوية كلشي ما مسوي إذا يتكفلو ولد عمه يرجع ومحد اله شغلة بي ..

ما حصلت نتيجة كلمن يصيح يا روحي ويحاميها لو تطلع من الطريق الصحيح لو تخضع للظالم ..

بقى وضعنا على ما عليه لحد ما هم رجعت تحاول امي على أقل بس احنه نرجع لبيتنه ..
أبوية خلي يضل بالشمال ..

رجعنا لبيتنا نسكن بي بعد ما عشنا كم يوم بيت ابن عم أبوية ..
بس شلون بقى أبوية قريب الشهرين مو يمنه وفلوسنا خلصت ..
جديتي فطيم خطية تلوعت ويانه
قابل تضل يمنا هم خوالي وخالاتي يردوها ..

رجعت أمي على ابن عم أبوية تحاول بلكي يسوي حل لأبوية ويتكفلو ..

بدأ اليأس يدخل گلوبنا بس أمي ما بطلت الدعاء گالولها لا تعوفين قراءة سورة الكهف ..
صدك ضلت لأزمة القرآن الكريم تقرأ لحد ما تيسرت شوية أمورنا ..
كدر ابن عم ابوي يسحب فلوس ابويه الرواتب المتراكمة ضلن قبل لا نهج ..

لخاطر من خاطر كدر ابن عمي يجيب كفالة ويتكفلون أبوية بالمنطقة ويزكو ما عنده شيء وما منظم للارهاب ..

الحمد لله رجع أبوية .. وكدر يرجع لوظيفته..
بس احنه ضاعت علينا سنة دراسية ..

حالنا جان ميساعد أمي تصرف علينا ونداوم السنة ..

ورى السنة تحسنت احوالنه .. أبوية كمل بناء البيت هليكدر عليه .. ماشه الحال ..
عائلة عمي حسين جوي عاشو ويانه علمود الدراسة ابوهم ضل بالشمال بس همه رجعو يمنا ..
درسو سنتين .. عايشين يمنا بنفس البيت ..
وراها راحو اشتروا بيت يم عمتي ايمان يكملون دراسة انقهرت كلش لأن فارگت مروة صداقتنا حيل قوية اني وياها بس بعد الظروف اقوى من الأرادة ..