الألـيث مكائد ارواح

مُـقتطفـات ♦⚜️

.. بسم اللّٰه الرحمـٰن الرحيم ..
________________________

#الأليث_مكائد_ارواح

ياسات لا تنسون التصويت والتعليقات بين فقرة وفقرة واضافة القصة للمكتبة♥...

- آنَهَ تَعبان مِن اهلِي
و اجيّتَك خيّط
عَليّمَن جاي تَكسَرنَي
حَتى بنَومَي ما شَبعان
اظَل يَمك
وبالگَوة مفَتح عيّونَي
شَسولَفلَك بَعد؟

لا انتَ و لا الناس يَردونَي

بقلمي : بنـيـن محمد

♠______________♣______________♠

- رجّال يؤمنون بالحُب جداً لكن ماضيهم يحطم حاضرهم وتأتي بهم الضروف منعكسه حزينه، غاضبة، متوترة، قلقة، هكذا ابطالنا متقلبين المزاج وتبدأ رحلة الأليث ..

- نساء يقتبّسن كُتلة من الجمال واللطافة كذلك يقتبسن كُتلة من الغضب والأنتقام بعدما يدخلون أشخاص غريبين على حياتهنَ وتبدأ رحلة مكائد الارواح ..
_________________

المشهد الأول ..
_________________

طحت بالگاع من صدمتي ودموعي مثل الشلال تتسابق صافنه على الارضية بدون وعي حجيت صوتي يرجف ..

- ليش هيج سويت ليث ..

- والله ردت احجيلج بس ما صار وقت ..

- حبيتك وثقت بيك أمنت حياتي عندك سلمتك كل شيء أحبه ليش كسرتني وخذلتني ليش هنتني وذليتني گدام الكل خليت وجهي فاهي گدامهم ليش ..

نزل لمستواي لزمني من زندي يرفعني نترت أيده وگمت على حيلي مسحت دموعي بأبهامي باوعتله بتكبر وداخلي متحطم حجيت بغضب مكتوم ..

- راح تدفع الثمن غالي يا كسرتي ..
_________________

المشهد الثاني ..
_________________

اجت رساله لتلفوني عرفت مكانهم رفعت راسي ابتسمت حاجيتهم ..

- شباب لگينه موقعهم ..

مدوا ايدهم يتحدون أيد فوك أيد حطيت ايدي على ايدهم متفقين حجه أيسر بخبث ..

- يلا شباب خلينه نشوفهم الأليث شيسوون ..

- زلم الأليث ما يهابون من شيء ..

ابتعدنه نصعد للسيارات وكل واحد بأيده سلاحه شخطنه متوجهين لموقعهم لو نرجع منتصرين لو نرجع مجنزين ما توقعت اللي راح يصير ابد ..

وصلنه نزلنه متفرقين كل واحد خذاله جهه يدخل بيها شويه وصار الرمي بفلس سمعت خطوات رحت لبدّت بمكان وسحبت اقسام مستعد تقربت خطواته اكثر طلعت بحركه سريعه اطلقت النار عليه بكتفه وبرجله مشيت على اطراف اصابعي سمعت طلقه قريبة مني التفتت اتسعت عيوني من المنظر صيّحت بأعلى صوتي ..