الألـيث مكائد ارواح

part «6»

.. بسم اللّٰه الرحمـٰن الرحيم ..
________________________

#الأليث_مكائد_ارواح

گلبي ظل أبيض رغم عاشر سواد،
‏الهيله ظلّت هيله ماغيرها چاي ..

ياسات لا تنسون التصويت ومتابعة الحساب والتعليقات بين فقرة وفقرة واضافة القصة للمكتبة ♥...

بقلمي : بنـيـن محمد

♠______________♣______________♠

زهراء : ابوي، ابوي ريمه ابوي يريد يزوجني، يزوجني لأبن عمي ريمه عفية ساعديني خلي عمو محمد يحجي ويه ابوي ويگله، يگله لا تزوجها عفية والله، والله اذا صارت صدك وتزوجت انتح، انتحر والله انتحر ..

انكسر خاطري عليها لدرجة بجيت وياها على حظها المصخم ..

راميا : اششش اششش لا تحجين هيج هسه مغرب وجاي يأذن مايصير تحجين هيج مايصير واريدج ترحين وتغسلين وجهج إنشاءالله كل مشكلة والهه حل ..

زهراء : الا مشكلتي ريمه الا مشكلتي ما الهه حل لج أتوسل بي ما يزوجني وهو قافل يگول ولا وحده عارضت قراري تجين انتِ الفصمه تعارضينه ابوي عنيد وما يسمع كلام أحد مايسمع ..

احتاريت شسوي بلحضه تگول حاجي عمو يقنع ابوي وبلحضه تگول هو ما يسمع كلام أحد احتاريت شنو الحل وياها دخلت آلاء والسجادة بيدهه تريد تصلي شافتنه لطمت على صدرها گالت ..

آلاء : ولجن شصاير شبيجن تبجن ..

حجيتلها كل شيء بالتفصيل دمعت عيونها باوعت لزهراء ..

آلاء : هذا ابوج مال اعدام وحق الزهرة شنو من عادات وتقاليد خايسه يعني الا تزوجين ابن عمج لو تضلين عانس ..

زهراء : رحت عود احجي ويه امي توگف بصفي بس هي الثانيه واگفه ويه ابوي وتگول مايصير تطلعين عن شورنه هاي عاداتنه وتقاليدنه من زمان كل العائلة مزوجة من أقاربها ولا وحدة فتحت حلگها وحجت بس أنتِ طافره من عدنه ..

آلاء : ياااا هاي شبيها امج المفروض الأم توگف ويه بتها بهاي المواقف مو ضدها ..

زادت زهراء بالبجي اكثر حاولنه هواي نهديهه بس ماكو فايدة وانصدمنه أكثر من گالت ..

زهراء : تصدگن إذا اگلجن اليوم، اليوم راميا بخطوبتج اجتلي مكالمة من بنت عمي هو صفاء اخوها اللي على أساس ازوجه وتگلي مبروك حددوا يوم العقد مالكم ولجن حسيت أخذوا گلبي مني والله هيج حسيت بعجز مااگدر اسوي شيء وانا اعرف ابن عمي يحب وحدة ثانيه بس هو هماتين مجبور بعاداتنه وتقاليدنه ..

تحجي وتمسح بدموعها ..

آلاء : زين هو ولد خليه يوگف بوجه أهله انتِ بنيه ما تگدرين قنعيه احجي وياه گليله مااريدك ..