الألـيث مكائد ارواح

part «5»

.. بسم اللّٰه الرحمـٰن الرحيم ..
________________________

#الأليث_مكائد_ارواح

ما جاي انام وگلبي تعَبان
وزعلان احَس من كُلشي زعَلان
تطفه الشموع ودمعَي سِهران
وميت احَس واللِيل دفان ..

ياسات لا تنسون التصويت ومتابعة الحساب والتعليقات بين فقرة وفقرة واضافة القصة للمكتبة ♥...

بقلمي : بنـيـن محمد

♠______________♣______________♠

ليث : جمدت بمكاني ما تحركت احس جسمي انشل صافن بدمة اللي صار عبارة عن بحيرة تجري باوعت لارا وهي فرحانة لان نقذتها من شيء كان راح يدمر مستقبلها باوعت لجهة الثانية اخذت الصخرة ولزمت ايدها رحنه بأتجاه نهر الفرات بيتنه قريب على النهر وهناك شمرت الصخرة ..

گلت خاف يصير شيء ويشوفون الصخره ساعتها تصير مشكلة كلش جبيرة رجعنه وبطريقنه شفنه ابوي راحت لارا تركض خفت خاف تگول لأبوي باللي صار ركضت وراها وصلت يمهم سمعتها تحجي ..

لارا : بابا انتَ ولا يوم ضربتني لعد هذاك العمو الجبير شبي وياي ..

استغرب من كلامها عگد حواجبه سألها ..

احمد : يا عمو حبيبتي ..

باوعتلي بوجه بريئ تسألني احجي لو لا، نفيت راسي حتى ما تحجي لو يدري ورب الكعبة يحرگ الدنيا ابوي واعرفه يموت على لارا بعد صبر ثلاث شباب اجت هي الأميرة الوحيدة باوعتله گال ..

احمد : شني ليث بابا احجي منو ضارب اختك ..

ليث : بويه لارا قصدها على سيف ضربها راجدي ..

هي سمعت كلامي ونطت عيونها متفاجئة من چذبتي بس شسوي سيف اول وتالي راح يتحاسب على اللي سواه لو ما خلاها تجي وحدها جان ما صار هذا كله ابوي سمع هيج وعيونه تحولن حمر مشه بسرعة للبيت حتى اصيحله ماكو ما يرد لزمت ايدها ورحت ورا ابوي نركض هو ما يركض بس خطواته سريعة كلش واحنه صغار ما نلحگ عليه غير بالركض وصلنه للبيت جان الباب مفتوح شويه دفره بقوة دخلنه صاح بصوت هز اركان البيت هز ..

احمد : سيييييفففففففف لككك وينكككك ادبسزز سيييففف ..

طلع من الهول مايعرف شسالفة خطية الله يرحمك يا خوية الجبير جنت خوش اخو ..

سيف : ها بوية شسالفة ..

احمد : تعال لككك تعال انت بأي حققق تمد ايدكك على اختكككك هااااااا؟ ..

اجت امي تركض على لارا تبوس وتحضن بيها انا من يمي غرت شلون ابوي انتبهلها گال ..

احمد : شبيج ابتسام ما شايفة البنيه بيضه ما تتحمل البوس هسه يصير وجهه احمر وتتحسس ..