الألـيث مكائد ارواح

part «11»

.. بسم اللّٰه الرحمـٰن الرحيم ..
________________________

#الأليث_مكائد_ارواح

ذِبلَت أَيامي وبَعَد مَابية لَيل
خُلُگ مَاكو بجِفني يتلَگة السَهَر
مُر عَلي بِمرورتَك وإنكِثني حَيل
إطيح مِن رَاسي مَحطَات السَفر
حِرورتَك بية ولِبست الصَحرى ثوب
ومَاكو غَيرك ينزِل بِرُوحي وَفَر .

ياسات لا تنسون التصويت ومتابعة الحساب والتعليقات بين فقرة وفقرة واضافة القصة للمكتبة ♥...

بقلمي : بنـيـن محمد

♠______________♣______________♠

راميا : بعد ما رجعت لبيتي فتح الباب جلال وهو عيونة بگصتة وخازرني انتبه عليه ليث عگد حواجبة ..

ليث : شكو جلال اشو حاد سنونك على خطيبتي ..

جلال : وين اكو بنية تطلع من بيتها بدون علم أهلها ..

باوعلي ورجع نظرة لجلال خلاني وراه مثل اليحميني انا ادري بأخوي ما يمد ايدة عليَ بس ليث حماني من نظراته ..

ليث : البنية اللي تحجي عنها خطيبتي وطلعت وياي يعني ما طلعت ويه شخص غريب هاي أولاً ، ثانياً ما اسمح لكائن من يُكن حتى لو جان انتَ أو عمي محمد بأن يباوعلها بهاي النظرة ، اله شوية وتخترق عيونها من مكانها انتبه لتصرفاتك ، ثالثاً ترا راميا مو مثل أول هسه هي مخطوبة وعلى ذمتي انا يعني طلعت منكم ، صدگني لو ما جنت وياها جان من حقك تعاتبها وتزعل منها لان طلعت بدون زلمة وياها وبمكانك جان انا حاسبتها وگتلها شلون تطلعين بدون علم اخوج لو ابوج همَ زلم البيت بس صار العكس ، خطيبها وياها موجود اهدأ وطفي هاي النظرة من عينك ترا جاي تعصبني ..

غمض عيونك جلال بنفاذ صبر وفتحهن گال ..

جلال : تمام حقكم عليَ هاهيه دخلي جوا ريمة شوية واجي ..

هزيت راسي ودخلت وانا فاتحة حلگي ما مصدگة كلام ليث عزاا بعينه خلّه اخوي يسكت ابتعدت أخير شيء سمعت بس ..

ليث : ديربالك عليها ترا هي نفسيتها تعبانة من الدراسة ..

اوييي يمة فديت رجلي شلون يهتم بيَ ، يااااا اشو انعديت من لارا صرت احجي بتنعوص خلي اروح اسبح اشرفلي ، دخلت لغرفتي نزعت الصاية والشال ورحت للكنتور طلعت دشداشة قصيرة نص ردن قماشها بارد حلوة ولونها سمائي مشجرة بلؤلؤ البحر دخلت الحمام سبحت وطلعت وگفت گدام المرايا امشط شعري بشرود بالي يم زهراء ومشكلتها ولارا مو على بعضها وخوف ليث من رجوع اخوه احس كلهم لغز غامض ولازم اكتشفة عاد انا شلون مو فضولية ابد انفتح الباب ودخلت امي قاطعة حبل أفكاري التفتت عليها گالت ..