الألـيث مكائد ارواح

part «2»

.. بسم اللّٰه الرحمـٰن الرحيم ..
_________________________

#الأليث_مكائد_ارواح

‏‏أنا لا أحبك
‏أنا مصاب بك .
‏طبيبي النفسي لم يفهم ذلك ،
‏و كذلك قلبي ...

ياسات لا تنسون التصويت ومتابعة الحساب والتعليقات بين فقرة وفقرة واضافة القصة للمكتبة ♥...

بقلمي : بنـيـن محمد

♠______________♣______________♠

ليث : تعدى شهر وانا متعرف على راميا حبيتها وعشگتها مااعرف شنو سوت بيه بس كل تفكيري بيها مااعرف اشتغل ولا اعرف اسولف ويه اهلي ولا اتونس من اطلع ويه اصدقائي خذت گلبي وعقلي متعجب من نفسي مااعرفها ولا اعرف تصرفاتها واطباعها وتفكيرها واسلوبها بس هيج لبخ لزگ حبيتها، احنه اصلنه من بغداد بس بأيام صعبه تعرضنه بيها اضطرينه نسافر للبصرة ونستقر حفاظاً على سلامتنه حتى عمامي طلعوا واجوي ويانه للبصرة ..

يوم من الايام جنت طالع ويه ابن عمي وصديقي المقرب "هيثم" رحنه للمول وهناك صار شيء غير حياتي من فوك لتحت ..

هيثم : لك شوف الجمال ..

رفع ايده وباوعت داخل على الانستا وشايف صورة بنيه هذا كل ما يشوف بنيه يكول عليها حلوه حتى لو جبار ..

ليث : اي شبيها؟ ..

هيثم : ولك شنو شبيها شوف جمالها ..

ليث : يي زينه ..

هيثم : خايب انتَ شمعرفك بالجمال ..

ليث : هو من اشوف وجهك انسه شيء اسمه جمال ..

هيثم : شقصدك لككك سگط يعني انا مو حلو ترا والله أمرهم يشمروك بالسجن ..

دفعته بأيدي من ظهره ..

ليث : دمشي امشي مسوي روحه فد شيء ..

هيثم : دنجب ..

ليث : مو اگوملك ..

هيثم : عوفك من هذا كله امشي نصعد للطابق الثاني ..

ليث : اي يلا امشي اريد اشتريلي كفر لتلفوني ..

هيثم : ولك مو امس اشتريت ..

ليث : شعليك اريد اشتري واحد جديد ..

هيثم : يلا اشتريلي وياك ..

صعدنه رحت للمحل اللي متعود اشتري منه ..

شافني ابو المحل گال ..

::- هلااا ومية هلااا بليثنه شلونك يابه ..

ليث : هلا بيك ضلعي الحمدلله بخير ..

::- هاا اليوم شنو تريد يا نوع من الكفرات ..