قام فهد تغسل و طلع و هم مش منتبهين تحمحم فهيد و نزل راسه
خالد : صح النوم فهود
فهد : صح بدنك منو اللي وياك
ميره نزلت راسها منصدمه من اللي سمعت صوته لا لا يكون هذا هو فهد ما غيره لالا يارب مش هو بس نفس صوته و ها قاله فهود لا لا مش هو انا ادري مش هو ...
ميره تهمس حق خالد : انا سايره
خالد : يلسي وين بتسيرين
ميره : لا فشله بسير
خالد : تمام الله وياج حبيبي
ميره : مع السلامه
طلعت ميره و ايدها ع قلبها خايفه ان فهد عرفها
فهد : منو هاي
خالد : حبيبه قلبي
فهد يقلد صوته : حبيبه قلبي
خالد : شو تبا انته فديتها انا
فهد : انزين ليش جي مخيسين المكان يهال انتو
خالد : كيفنا
فهد : زين يلا قوم قوم ودني عند شيخو
خالد : من شيخه لين شيخو شو استوى فيك .. اقولك ترا انا واحد فيه رقاد و مش فايق أبا احط راسي و ارقد
فهد : زين ماعليه عطني السويج
خالد : هاذو ع الطاوله
فهد : يلا مع السلامه
خالد : مع السلامه
مرت خمس دقايق و خالد يالس مكانه يتذكر اللحظات الحلوه اللي قضاها معاها فجأه دخل فهد
خالد : عنبو مسرع ما اشتقت لي
فهد : سير لاه نسيت بوكي
خالد : ايي معاك
فهد : بتأخر هناك انا
خالد : عادي ما وراي شي
فهد : تمام بس اطلب كلينينق روم
خالد : زين دقايق
جهز خالد و سارو المستشفى دخلو القسم اللي شيخه فيه و دخل فهد يجوفها و طلع يلسو ف الانتظار
خالد : اقولك انا مليت
فهد : محد قالك تعال
خالد : انزين قوم نرد
فهد : مابا ارد
خالد : انزين بقوم اشتريلي شي تبا شي
فهد : لا مشكور
خالد : اكيد شي مني مناك
فهد : ماي بس
خالد : توك تقول ما تبا عيل
فهد : خلاص مابا
خالد : زين خلاص بيب بيب
سار خالد و رن فون فهد
