فهد : في امان الله
خالد : في امان الكريم
طلع فهد و هو ساير شقته لقى ميره طلعه من شقتها
فهد : على وين
ميره : عند ربيعتي
فهد : ماشي طلعه دري شقتج انثبري
ميره : ليش حرام تترياني
فهد معصب : قلت لج ماشي طلعه
ردت ميره شقتها : ها شو يتحرا عمره والله بطلع مش ع كيفه
دخل فهد شقته و طلعت
دور فهد شيخه ف الشقه ما لقاها يمكن ف حجرتها دق الباب مرتين فتحت
فهد : السلام عليكم
شيخه : عليكم السلام
فهد : وين حابه نرمس
شيخه : ف الصاله
يلسو ف الصاله
شيخه : فهد فيك شي ؟!ّ
فهد يبين عله الإرهاق : لاء .. انتي فيج شي
شيخه : لاء مافيني شي
هدوووء لدقايق
فهد : شيخه .. شو السالفه اللي كنت تبيني فيها
شيخه : ماعرف من وين ابدا و أخاف تفهمني غلط
فهد : ابدي من وين ما حابه و ان شاء الله بفهم صح
شيخه : انزين قولي اللي فيك يمكن اتشجع و اقولك
فهد : انتي تتوقعي ان اللي فيه يخص سالفتج
شيخه : يمكن
فهد : ماعرف شو أقول
شيخه : قولي اللي مخليك تتضايق جذا
و بدا يقول فهد سالفته مع ميره من عرفها
امنه : اييه حصو تعالي ويايه هاللعبه
حصه : قلنا اركب العاب تخوف بس ها لااا أخاف
امنه : ترا اله بيت رعب بس مشي عادي
حصه : لا أخاف
امنه : انزين عذور فطوم حد يي وياي
عذاري : بايعه عمري لاه
فاطمه : مب مينونه خذي حد من الشباب وياج
امنه : حمود سار و حمني ماري وين .. ايه حد يدخل وياي
فاطمه : هاذم احمد و زايد و حمدان بايعين عمارهم جان تبين سيري جان ما تبين احسن بعد
حصه : اوكي انا بدخل بس بشرط
امنه : ييس .. شو موافقه
حصه : حد من الشباب يدخل ويانا
امنه : اوكي مب مشكله
حصه : احمد زايد عمر نبا ندخل بيت الرعب مال مشي
عمر : صاحيه ؟ هاللعبه ربعي دخلوها مره ما طلعو حيين
