شيخه : ان شاء الله خير .. يلا بخليك انا خلصت رصيد فهد سلم عليهم كلهم
عبدالله يضحك : يلا زين يبلغفي امان الله
شيخه : في امان الكريم
سكرو
رن فون فهد و كانت ميره متصله
شيخه : لحضه ها كيف
ركضت يابت ورقه
شيخه : لاا مستحيل كيفف
سكرت ميره و خلت شيخه الفون على الطاوله
دقايق و طلع فهد من الغرفه
شيخه : اا مشكور .. خلصنا رصيدك
فهد : العفو عادي ... بس اللي ردت عليج تراها ..
شيخه : ميره .. خلاص عادي
سكت فهد
----
ام عبدالله : حياكم الغدا جاهز
قامو الرياييل وراهم الحريم وراهم الشباب وراهم البنات
كانو فارشين سفره وحده طويله ماخذه مساحه صالتين
بو عبدالله : حياكم تفضلو حياكم ... عبدالله بويه ييب طاوله حق يدك و يدتك
عبدالله : ان شاء الله
اليد : ماله داعي نروم عالارض وياكم
اليده : انا الصراحه ماروم
اليد : هيه صح هاي عيوز ما تروم
اليده : عدال يالشاب تراك اله شيبه مخرف
الكل يضحك على ضرابتهم .. ياب عبدالله طاوله حق يده و يدته و تم الكل ياكل
احمد و ناصر يتساسرون
احمد : اقولك
ناصر : ها
احمد : شو رايك نخلص نطلع نسير دبي
ناصر : انا عادري عندي بس عن الشياب يقولون بعد ساعه 5
احمد : بيخلون اسأل حميد و زيود و فيصل و حمود عدالك
ناصر يساسر حميد
ناصر : حمود
حميد : هلأ
ناصر : بتي ويانا دبي
حميد : هيه منو بيي
ناصر : لين الحين انا و انته و احمدو اسأل اللي عدالك
حميد صوت عالي : شباب بتون دبي ويانا انا و احمدو و نصور
اليد : محد يتحرك من مكانه اله بعد الساعه 5
ناصر : يالعنز ساسره ليش تقول صوت عالي
حميد : شدراني انا انته قلت لي قول ما قلت خف صوتك
احمد : انته مفروض تعرف روحك
احمد غمز حق الشباب لو بيون ولا لا ردوله بغمزه بمعني بيون
