وزع فهد السندويتشات و كل واحد سرح ف اكله و أفكاره اللي توديه و تيبه ...
خلصو اكل و يلسو يسولفون
رن فون فهد
فهد : هلا عمتي شحالج علومج عساج بخير
ام عبدالله : الحمدالله انا بخير انتو شحالكم
فهد : الحمدالله عمو نحن بخير
ام عبدالله : الحمدالله وينها شيخه عيل اتصلبها مغلق
فهد : مسكر فونها مافيه جرج
ام عبدالله : هيي انزين ما يخالف ارمسها شوي ؟
فهد : دقيقه
فهد يرمس شيخه : امج بترمسج
شيخه ترمس أمها : هلا امي شحالج علومج
ام عبدالله : وينج ما تسألين عن اميمتج
شيخه : السموحه امي لهيت شوي
ام عبدالله :يلا ماعليه شغلي وياج لما ترجعين
شيخه تضحك : زين شحالج انتي
ام عبدالله : زينه الحمدالله انتو شحالكم
شيخه : الحمدالله زينين و مرتاحين
ام عبدالله : الحمدالله هاذو احمدو يبا يرمسج
احمد : الوو هلا شواخ وين هالغيبه ما تسألين ما تقولين اخوي العزيز الغالي مشتاقتله أبا ارمسه اسأل عن حاله
شيخه : بسم الله عليك شو فيك ارمس شوي شوي
احمد : السموحه تحمست
شيخه : شحالك علومك
احمد : الحمدالله انتي شحالج
شيخه : بخير دامك بخير اخواني شحالهم علومهم
احمد : كلهم بخير انا ياي اسولف انتي تسأليني عن اخوانج كلميهم عقب
شيخه : انزين اطمن بلاك محرج علي
احمد : صح ما سمعتي اخر الاخبار
شيخه : شو شو قول شو مستوي
احمد : تموت عالعلوم
شيخه : قوول انزين
حمد : اخوج الطيب يبا يعرس
شيخه : كولولولوووش أي واحد فيهم
احمد : عبود
شيخه : و منو بياخذ
احمد : يبا شمسه بنت عمي ناصر
شيخه : مبرووكيين الف مبروك
احمد : ليش تقولينها و جنه مب عايبنج
شيخه : بيني و بينك انا مب مرتاحه
احمد : هيه والله انا بعد كيفه هو بعد حرمته .. المهم اقولج متى بترجعون ملل البيت محد يسوي حشره وياي
