شغل إبراهيم الراديو و كملو دربهم بهدوء
---------------------
ميره : اقولج هندو
هند : قولي
ميره : هذا خالد احسه مسكين
هند : شو شكلج حبيتيه
ميره : لالا شو احبه لا يع
هند : هي هاي ميروه
ميره : بس احسه طيب بزياده حرام نستغل طيبته
هند : خلي عنج هالرمسه و ركزي عالهدف
ميره : و شو الهدف ؟!
هند : الله يسلمج خالد ربيع فهد ف بنقدر نعرف تحركاته و بنقدر نضبط الخطه مالت شيخه
ميره : هيه صح لازم نركز عالهدف
هند : حليلها احس مالها ذنب
ميره : شو تخربطين انتي
هند : اقولج ميروه بسكر عنج عندي خط ثاني
ميره : تمام ردي دقي عقب
رت هند ع الخط الثاني
هند : هلا و مرحبا هلا بالغالي
: اهليين شحالج علومج
هند : زينه انته شحالك
: بخير دامج بخير الحمدالله
هند : نصور
ناصر : عيونه
هند : شو عندك اليوم
ناصر : والله ماشي ويا الشباب و فليل بنطلع الرمله
هند : يعني ما بقدر اجوفك
ناصر : للأسف
هند : انزين مرني فليل
ناصر : بكون ف الرمله حبيبي برجع متأخر
هند بضيق : همم اوكيه
ناصر : لا تتضايقين باجر من الصبح انا عندكم و ما بردج لين تشبعين
هند : صدق
ناصر : هيه صدق كم هند عندي انا
هند تضحك : وحده و ماشي غيرها
ناصر : و انتي شو جدولج اليوم
هند : بسير الصالون و عقب بسير عزيمه بيت عمتي
ناصر : ما تملون انتو كله صالون و عزايم و المشكله تجوفون نفس الويوه كل مره
هند : لا بالعكس يونس و ترا مب كل عزيمه نفس الاشكال نتغير يعني مب نفس الميكب ولا نفس اللبس ولا نفس المناسبه
ناصر : عذااب
هند : احلا شي
ناصر : عشانج بس
هند : يلا نصور بخليك انا احين
ناصر : وين تو الناس
هند : بسير الصالون
