❗❗
في اسماء تغيرو
حمد صار عبدالرحمن
حمدان صار عمر
حصه : وااكك طردووه
عذاري : يلا برع بررع
زايد : أصلا انا كنت بطلع شو أبا ايلس عند العيايز ماعندي شغل
حصه تشهق : نحن عيايز يالشايب يالمخرف يابو ضرسين اطلع برع بسرعه و جوف منو بيعطيك من (تقلد صوته) كعكتو الشوكلاطه اللذيذه
زايد : بل بل بل شوي شوي لا ينط لج عرج
ضحكو كلهم
حصه : زين يلا يلا جب اطلع ولا بنخليك تكرف ويانا ها
زايد : زين زين
قبل لا يطلع زايد حط صبعه ف الكيكه و شرد و هو يضحك : يميي انها كعكتو الشوكلاطه اللذيذه
حصه : يا حماااار .. انتيي كيف متحمله اخوج يققهرر والله ودي انقعه ضرب
عذاري : تعودنا أقول حق امي لا تدلعينه وايد تقول لا هذا ولدي الصغيرون اذا ما ادلعه ادلع منو
حصه : يقهر يقهرر .. خرب الكيكه الله يخرب حياته
عذاري : ستغفرالله تبا تضيع مستقبل الولد
حصه : الله و المستقبل عاد باين من الحين دكتور ولا مهندس
الكل تم يضحك و عدلو كل شي و سارو بيحطونه ف الميلس اله الطاولات مب محطوطين كانو عنود و حمده داخلين و ف اياديهم صواني القهوه و الجاي و حبه الحمرا محد كان منتبه لهم يبون حد يساعدهم يحط الطاولات .. لمحهم عبدالله قام سرعه
عبدالله : اوباا لحضه لحضه
حمده : سرعه ولد عمي ايدنا تكسرت
عبدالله بصوت عالي شوي : فيصل .. فيصل تعال ساعدني شوي
شلو الطاولات صوب الرياييل و سارو البنات يحطون الصواني
بو فهد : عاش البنات
بو سلطان : تسلم ايدكم
حمده و عنود : الله يسلمك عمي
سارو بيطلعون جافو عبدالله و فيصل صوب الباب يسولفون
عنود : مشكورين عيال عمي
فيصل : ما سوينا شي
حمده : ليش ما حطيتو الطاولات مساعه
عبدالله : شدرانا نحن محد قالنا
عنود ترمس فيصل : شمسه ما قالت لكم انته و محمد
فيصل : لاء
حمده : يلا زين عيل بنسير نحن نكمل نيب الحلا
فيصل : الله وياكم
سارو النات ييبون الحلا
فيصل : ياخي والله ماروم
