دخلت ام فيصل على البنات : يلا نشن ( تفتح الستاير ) يلا صارت ساعه 10 فطوم امون نشو
فاطمه : خلوننيي اررقدد
امنه : ماما قومينا ساعه 12 ولا 1
ام فيصل : شو 12 ولا 1 اليوم بنسير بيت يدتكم قومو يلا
امنه : اوهوو أبا ارقدد
فاطمه : يعني ما بتخلوني ارقد
دخل فيصل : بلاكم مسوين حشره بسم الله طع اشكالكم تخوفون
فاطمه تطالعه بنظره : فيصلان قول حق ماما ما تودينا بيت يدو
امنه : اطلع برع حجرتنا
فيصل : اصغر عيالج تقوليلي فيصلان لاه اجوفج عيديها و انتي الثانيه سيري اسبحي خس الله هالريحه
ام فيصل : خل البنات ف حالهم و انتو يلا اجوف قومو بسرعه ما نبا نتأخر بنسير بيت خالتكم
فاطمه : الله بنجوف شيخو
امنه : شيخه مسافره يالغبيه
فاطمه بحزن : اوه صح نسيت
امنه : اشتقت لها ياخي
فاطمه : انا بعد
دخلت ام فيصل على شمسه كانت قايمه و جاهزه بس تدور عباه تلبسها
ام فيصل : خلصتي ولا بعدج ؟
شمسه : هيه ادور عباتي مادري منو شالنها
ام فيصل : يمكن عند خواتج
شمسه : لا انا ما اعطيهم اغراضي
ام فيصل : زين خلصي و نزلي
شمسه : زين
طلعت ام فيصل بتدخل غرفه عائشه بس طلعت فويهها
ام فيصل : ها خلصتي
عائشه : هيه
سمعو صريخ من حجره فاطمه و امنه سارو ركض
فاطمه : انا اخترته قبل
امنه : لا انا امس قايله
فاطمه : لالا ما قلتي و أصلا مب قدج
امنه : قدي حتى لو مب قدي بلبسه
عائشه : خلاااص شو ايي شو بلاكم من الصبح صريخ شو فيكم
امنه : هاي ما تبا تعطيني مخوري
عائشه : مال منو المخور
امنه و فاطمه : مالي
امنه : لاء مالي
فاطمه : جذاابه ماليي انا
عائشه : خلاص انزين فطوم عطيها المخور
فاطمه : لا مابا أبا هذا
عائشه : عطيها و خذي من مالي
فاطمه : اذا جي اوكي
