سارا

10

بعد شهر:
البنت 1: اقولك هي غيبة ما تفهم ! تدرين انها نقلت وتقول تركت الدراسة؟
البنت 2: ما اتوقع شكلها منجد تركت الدراسة !
البنت 1: هذا وجه وحدة تترك الدراسة؟ لا
البنت 2: ترا عادي بعدين أمها أجنبية يعني ذا الشي عادي عندهم
البنت 1: ما اتوقع
البنت 2: بس عاد منجدها تترك المدرسة بسببنا؟ غبييية
البنت 1: اي مو منجدها بس ما توقعت اننا بنسوي فيها كذا وتصير كذا
البنت 2: ذا قدرها ياحبيبي
البنت 1: اي هههههههههه

-
عند سارا بالانستا:
سارا: دانا بتجين اليوم؟
دانا: اي بجي ، ليه انتي بتغيبين؟
سارا: اي بغيب مالي خلق اداوم
دانا: المهم حبيبي انتبهي لنفسك
سارا: يلا باي
دانا: باي
سارا مع نفسها: قالت لي "المهم حبيبي انتبهي لنفسك" ما اصدق اببببد قد ايش كنت انتظر كلمة زي كذا منها ! رووووقت جد

-
بالمدرسة وتحديدًا بوقت الفسحة:
دانا: بنات ادري اني كذا بس ما ابي علاقتنا تكون كذا وولا ابيها تكون كذا بس مقدر انا طحت ومحد سمى علي
ليان: شوفي أمامك خيارين اما انك تعترفين لها أو أنك تسكتين وتخلين علاقتكم كويسة
دانا: بس ليان مقدر انا معد اقدر اتحمل وجودها معي ! وبعدين واضح انها تحب وحدة غيري ! يعني مو انا !
نورة: طيب جربتي تسألينها من تقصد بتويتر؟ يمكن تكون أنتِ
دانا: لا وولا فكرت اسألها اذا انا أو لا !
نورة: اجل اذا رجعتي اسأليها ، وبعدين ما تدرين يمكن تكون أنتِ
دانا: بشوف
كلام البنات لدانا كان يعطيها امل ودافع كبير انها تسألها وانها تكون هي المقصودة ! وفيه شي يحسسها انها هي المقصودة لان اغلب كلامها كان مدح لأشياء تميز دانا مثل شعرها البني

-
بنهاية الدوام:
دانا: يلااا باي ليان اشوفك بكرا
ليان: يلا بايييي يا ام راس مربع
دانا: هههههههه بس خير انا ما أشبه ام راس مربع
ليان: الا تشبهينها ونص
دانا: تتنمرين علي ! طيب طيب ! اجل على كذا بقول الكلام لنورة اخليها تتفاهم معك !
ليان: لااااا ، لا تقولين لنورة عشان ما اجلدك منجد
دانا: المهم بروح ، بايي اشوفك بكرا

-
جالسة بغرفتها ومعها جوالها تشوف تويترها وكعادتها تكتب كلام غزلي لدانا من كتاباتها وبكل كلام غزلي تكتبه لدانا كانت دانا تكتفي بأنها تمدح علاقة سارا بهذي البنت ، لكن سارا؟ تجيها لحظة لخبطة وعدم فهم مشاعر بينهم لحظة مو قادرة توصفها ابد وتحس فيه شي غلط بيناتهم تحس أنه دانا مو مهتمة لها وأنه هي صحبتها كيف تحبها كذا
سارا وهي تحاول تطرد هالأفكار من راسها: خلاص معد بفكر فيها ، وسارا تكفييييين افمهيييي دانا صحبتك مو حبيبتك عشان تفكرين معها كذا سارا بلييز افهمييي دانا صحبتك مو حبيبتك عشان تفكرين معها كذا
طول هالوقت كانت سارا تحاول تبعد هذي الأفكار من راسها لكن بالنهاية؟ ما فيه اي فايدة ! وبكل مرة ترجع تحبها أكثر من الي قبلها

النهاية
س/ كنتوا متوقعين أن سارا بتحب دانا ولا لا؟
وصدمتكم صح؟
بارت بمناسبة العيد حلواتي💞💞
وكل عام وانتوا بخير حبيباتي💞💞💞

See you soon , love you all