سارا

18

سارا: مين أنتِ اصلا ! ولا فوقها بعد جاية تقولين ليه انا دايم مع دانا؟ حلوة ذي؟ بس لعيونك بمشي معها كليوم واحرّك واقهرك يا الك***
سحبت دانا جوال سارا وباستها بوسات ورا بعض وقالت لها:
فيك شي يروحي؟ مين الي زعلتك ذي؟ بس خليني اشوفها واعلمها مين انا
عطت سارا دانا جوالها وخلتها تشوف الرسالة ، تكلمت دانا وقالت
دانا: عرفتها ! ذي ريما بس استري ما واجهتي من مصايبها !
معلومات عن ريما بشكل مبسّط:
بشرتها قريبة للبيضا لكن مو بيضا عيونها شوي واسعة وبنية فكها حاد نحيفة شوي حركاتها مستفزة جدًا كرنج نوعاً ما وافضل شخص عندها هو حبيبها فهد
سارا: قد كلمتها مرة عن اختبار العلوم بس كانت تسألني عن التحديد ، بس هل هي تخوف زي ما تقولون؟
دانا: لا محد قال تخوف ، هي بس تصير العن شخص مع الي تبي ومع الي تحبهم تصير بريء وما يقدر يدافع عن نفسه ولعلها حبّت تستقوي عليك ، بس دام اني انا معك ما بتسوي لك شي ! لا تزعلين يروحي ، تمام يقلبي؟
سارا: ليه خايفة ، ادري أنه هذي حربي ولازم ما أعلن خسارتي فيها لكن دانا .. احسني ما بقدر عليها أحسها بترجعني زي ما كنت قبل !
دانا: لو تموت ما بترجعك زي ما كنتي قبل ، واصلا ذي كل ما تهاوشت مع احد خلت كرامتها بالقاع ، وترا للآن محد يحبها ومحد يصادقها لانها اسوء شخص بوجه الأرض
سارا: بس ...
تكلمت دانا وهي مقاطعة سارا وقالت:
دانا: بس وش؟ لو تموت من اليوم لين بكرا ما بتسوي فيك شي !
سارا: طيب ممكن تطلعين برا !
دانا: اصلا كنت بطلع
سارا بأهتمام: لوين بتروحين؟
دانا: بجيب كم غرض وبجي
سارا: وليه الاغراض ذي؟
دانا: للبيت
سارا: طيب روحي لا تتأخرين
وبمجرد ما أن راحت دانا تجيب الاغراض بدأت سارا بالبكاء بسبب الموقف الي انحطت فيه وانه كيف بتقدر تحارب بنت لوحدها كذا؟ هذا كل الي كانت تفكر فيه .. نوعاً ما كانت تحسب انه بتحارب ريما لوحدها .. لكن .. كانت متيقنة أنه محد بيساعدها أو بيوقف معها حول موضوع ريما حتى حبيبتها ! كانت على وشك الاختناق .. لكن الاختناق مو بالتنفس ! الاختناق كان بالبكاء سارا كانت فعلًا تختنق من البكاء كانت محتاجة وجود احد حولها يفهمها ! لكن كُل السبل الكفيلة بأنه يجي احد ويفهمها ويسمع لها احتماله كان حتى 1 ٪ بهذي اللحظة كانت دانا داخلة غرفتها هي وسارا وكان معها كيس فيه كوكيز تشوكلت وقهوة
سارا بصوت باكي: ادري انك جيتي بس وش تبين؟
دانا: ادري تبكين عشان مين ! لكن أنتِ كذا تخلينها تحقق مبتغاها أنتِ مو كفيلة بأنك تخلينها كل شي بحياتك واهتمامك فيها يزيد ، خليها شي مو مهم بالنسبة لك خليها اي شي لكن لا تعطينها اكبر من حجمها !!
سارا: طيب ابيك بحضني
دانا: طيب مو تاكلين اول؟
سارا: عشانك باكل
دانا: كلنا ندري أنه تاكلين عشان الكوكيز لا تسوين فيها ما قفطتيني
سارا: هيييه خيير ترا قاعدة اكل عشانك
دانا: ما اضن

-
بجهة ثانية:
نورة: لييييان تعالي
ليان: شتبين؟
نورة: اسمعي عندك حساب اميرة؟
ليان: اي ليه؟
نورة: ابيييه سرييييع
ليان: طيب
عطتها ليان حساب اميرة بالانستا وراحت نورة ضافتها