سارا

20

سارا: دودي شوفيها تضربني انا !! ترضين يعني؟؟
دانا: خلاص تعالي بقولك شي
سارا: وش؟
دانا وهي تهمس بأذن سارا: لو وقفتي تضربين ليان كان بستك ، بس شكلي غيرت رايي بعاقبك لان مو معقولة تتهاوشين معها كليوم
راحت سارا جلست بحضن دانا وحاوطت يدينها على رقبة دانا ووجهها دفنته بصدر دانا
تكلمت سارا ببراءة وقالت: بس انا ما سويت شي
دانا: يعني يوم  شفتك ضربتيها قدامي سويتي عكس الي انا شفته؟
سارا: لا ، زي ما قلتي ..
دانا: طيب انا بفهم ليه انتوا تتهاوشون ومسوين فيها الزعلانات من بعض؟
سارا: لأن .. "وسكتت"
دانا: لأن وش؟ طالعي فيني عادي ، لا تتوترين
طالعت فيها سارا وقالت: لاني ما جبت هدية بيوم ميلادها وزعلت ..
دانا: وأنتِ ليه ما جبتي لها هدية؟
سارا: ما كنت ادري أنه يوم ميلادها
دانا: يعني الهوشة هذيك ماكانت استهبال؟
سارا: اي بس ما حبينا نوضح لوحدة منكم
دانا: طيب شرايك تجيبين لها هدية نيابة عن الهدية الي نسيتي تجيبينها وتعتذرين لها؟
سارا: بعتذر لها

-
عند نورة وليان:
نورة: أنتِ وش سالفتك مع سارا كل شوي تتهاوشون
ليان: عشانها ما جابت هدية بيوم ميلادي وزعلت ..
نورة: طيب والهدية الي جبتها لك؟
ليان: هذي غير طبعًا .. لأنها منك
نورة: وفيه سبب ثاني بعد؟
ليان: لا
نورة: طيب جربي تعتذرين منها لأنك الغلطانة مو هي
ليان ببكاء: بس شلون مو هي؟ يعني هي تسوي نفسها كأنها ما تهتم باللي يصير بحياة صحبتها ! متخيلة كيف؟
نورة: انا ادري باللي تحسين فيه بس ممكن هي عندها عذرها فا لا تحكمين عليها كذا وأنتِ ما تدرين عن شي
ليان: شلون ما احكم عليها وهي تتجاهلني بشكل واضح وكأنها مدري وش
نورة: طيب يمكن صارلها شي وما قدرت تجيبلك هدية؟
ليان: لو تبين تعرفين اسأليها هي مو انا !
نورة: يعني أنتِ تعرفين ليه هي سوت كذا؟
ليان: لا ، بس اسأليها أنتِ انا ما بسألها عن شي ابدًا
نورة: بس مو المفروض انك أنتِ الي تسألينها مو انا؟
ليان: صح ، بس احس عيب اني اسألها انا واستحي صراحة
نورة: يمدي تسألينها ، انا بروح معك ولا تخافين !
ليان: احس لا يع يع ما بروح اسألها بجلس هنا احسن اذا هي تبي تعتذر تجي لي مو انا الي اجيها ...
نورة: بتجين ولا وش؟
ليان: لا بقعد هنا
نورة: بكيفك بس بعدين لا تزعلين اذا صار بينكم شي

-
سارا: اروح ولا؟
دانا: بتنتظرينها يعني؟ اكيد لازم تروحين يعني
سارا: بروح
راحت سارا عند ليان وجلست قدامها بدون ما تتكلم أو تنطق بشي ابد
ليان: اتوقع عرفت وش تبين تقولين .. بس مو مهم
بعد كلام ليان الاخير قررت سارا انها تروح لكن ليان وقفتها وتكلمت بلعثمة وقالت:
ليان: م.ما ا.اقصد أن ك.كلامك مو مهم .. اقصد ان مو مهم تتكلمين .. لاني عارفة وش بتقولين
سارا: طيب بالاول .. ليه تغيرتي علي اخر فترة؟
ليان: انا ما تغيرت عليك ، انا ابي اعرف ليه أنتِ الي تغيرتي علي
سارا: علشان نسيت اجيبلك هدية تغيرتي علي؟ الحين مين الي تغير عن الثاني؟
ليان: كلنا ..
سارا: شلون كلنا؟ علميني شلون كلنااا؟؟؟؟
ليان: انا تغيرت عليك لاني كنت احسبك تجاهلتيني عمدًا وما جبتي لي هدية بالقصد وأنتِ تغيرتي علي بسبب اني تغيرت عليك وذا غلط سويته
سارا: وليه تعتبرينه غلط؟
ليان: لأن نقلت سلبيتي عليك وقتها وذا كان غلط مني ..
سارا وهي تحضن ليان: لا عادي انتي ما سويتي غلط ابد الغلط غلطي انا اني ما بررت سببي وبس
بكت ليان وقالت: سارا مو وقته تكفيين ..
سارا: انا بروح .. وصح قبلتي اعتذاري ولا "سكتت" وقالت: للحينك زعلانة؟
ليان: قبلته بس الحين خليني لحالي
سارا: بكيفك

-
عند دانا بالصالة:
دانا: شصار؟
سارا: كلمة كلمتين واعتذرنا لبعض
دانا: يعني رضت؟
سارا: ايييه
دانا: كويس

بنفس الوقت بس بمكان اخر:
:بس هي ليه تضربني وش سويت لها انا اصلًا؟
: حبيبي انتي ما سويتي لها شي ابدًا
: يعني أنت تثق فيني؟
: اكيييد لو ما وثقت فيك كان ما قلت لك انك ما سويتي لها شي
:طيب .. طيب بتعوضني على حركتها؟
: اعوضك وزيادة بعد
: منجد؟
: ايه بعوضك بكرا
: احبببك
: أكثر عيوني

النهاية
رايكم بالبارت؟
وتوقعاتكم مين هم الشخصين الي كانوا يكلمون بعض بأخر البارت؟
+ اذا عندكم اي اسئلة حول الرواية أو على البارت اسئلوني هنا او بالتيل حقي
ورابط التيل حقي تلاقونه بالبايو

see you soon , love you all