نورة: ليان تعالي معي
ليان: لوين
نورة: تعالي وتعرفين
ليان: طيب
نورة: ما توقعت القاك بالفصل لوحدك ..
أميرة: وليه وش تبين؟
نورة: تدرين علشان وش واتوقع ما يحتاج اتكلم ..
أميرة: عرفت وما يحتاج تتكلمين ..
نورة: والحين يوم انك ما تعرفين شي عن علاقتنا ببعض ليه سويتي ذا كله؟ طيب كان سألتي على الاقل ..
أميرة: ما كنت متوقعة أن الي بينكم أعمق بكثير من كذا واصلًا انا كنت احسب انه الي بينكم مُجرد اعجاب يعني فترة ويروح
نورة: طيب على الاقل كان سألتي قبل تتخذين قراراتك بشكل سريع ومُتهوِر
أميرة: انا بس ما كنت ابيها لأحد غيري علشان كذا تهورت ..
نورة: والحين ذا عذر يعني؟
أميرة: ايوا ..
نورة: بالنسبة لي كلامك مو عذر ابد لانه لازم تفكرين بقراراتك قبل تتخذينها بتهور عشان قراراتك ممكن تسبب لك مشاكل وقت تتخذينها ..
أميرة: بس انا قلت لك عذري ..
نورة: قلت لك عذرك مب عذر اولاً لانك هددتي ليان وخوفتيها وثانياً بغيتي تسببين لها اغماء وذا كله أنتِ سببه
أميرة: ما توقعت انك كذا ما ترحمين وبعدين كل هذا علشان حبيبتك؟
نورة: مو شغلك اذا هذا الشي علشانها ولا ولكن فكري بسوء ودناءة حركتك بعدين تعالي قولي علشان حبيبتي ولا لا
أميرة: انا ما ادري أنه ذا كله صارلها بس يعني مب قصدي صدق
نورة: قصدك ولا موب قصدك بالنهاية أنتِ اذيتي البنت وهي مسكينة ذا غير الي جاها صدق
أميرة: وليه؟ شصارلها بعد؟
نورة: مو لازم اقولك كلشي
ليان: صح مب لازم تقولك كلشي
نورة: اسمعي الي ابيه منك انك ما تعلمين احد ولا بعلم عليك + يويلك لو طلع الموضوع لغيرنا حنا الثلاثة + ابعدي عن ليان ولا اشوف رقعة وجهك بوجهها لانه انا ما ارضى بناس تأذي اعز الناس لي ..
أميرة: ببعد عنها والموضوع ما بيوصل لأحد معليك سر بينا
نورة: تمام والحين انقلعي وضفي وجهك عني
أميرة بخوف: تمام
-
دانا: اخر شي توقعته انها تحبه ..
سارا: من من؟
دانا: بيان تحب فهد الي يصير حبيب ريما !!!
سارا: جد؟
دانا: ايوا هي ضايفته اصلًا ..
سارا: والزق فيهم كلهم
دانا: ودك؟
سارا: ودي بوش؟
دانا: تنتقمين منها؟
سارا: ايوا لان هي اذتني كثييير
دانا: بكرا انتقمي منها وانا بجي معك ..
سارا: ماله داعي تجين معي ..
دانا: انتي اول مرة تروحين لها فا يعني ما بخليك تروحين لحالك خصوصاً اني عارفة وش بيصير لك ..
سارا: ووش بيصير يعني؟
دانا: انا ادرى عنك ..
سارا بنبرة زعل: طيب وش بيصير فيني "وتقول كلامها وهي تلعب بأصابع يد دانا"
دانا يا حبيبي يا أنتِ ، أنتِ ما بيصير لك شي بس انا ادري انك اول ما تشوفينها بتطلعين كل قهرك فيها فا علشان كذا قلت بروح معك ولاني ما ابيها تسوي لك شي
سارا: دام كذا اجل ما بروح ..
دانا بحنية: انا علمتك كذا؟
سارا: لا ..
دانا: طيب ليه ما تواجهينها ..؟
سارا: اخاف هي تسوي لي شي
دانا: انا معك وهي مستحيل تتجرأ وتسوي لك شي دام انا معك ..
كان كلام دانا لسارا يعطي سارا شعور بالقوة علشان تنتقم من بيان وافعالها بالماضي
سارا: طيب احبك
دانا: وانا اكثر يروحي "وباست وجه سارا كله"
ضحكت سارا على حركة دانا وقالت: كليوم بقولك احبك واعترف لك كليوم كأنها اول مرة احبك فيها
دانا: وانا بحتفل فيك داييم كأنها اول مرة احتفل معك فيها
أنت تقرأ
سارا
Romanceفيه أمان غيرها لك؟ سارا: لا هي اماني الوحيد نوع الرواية: ليزبيان الرواية لا تمت الواقع بأي صلة غير مناسبة للي عمرهم اصغر من 18
