سارا

27

هنا .. اول يوم لها بمدرستها الجديدة وبدون ادلين معها وحولها بمدرستها .. بالنسبة لها الموضوع موحش جدًا خصوصاً انها بمدرسة جديدة وبدون اعز صحبة لها وهي ادلين .. بس بالنسبة لها؟ ممكن تتعود بشكل أسرع واكبر بعد تجهزت بيان وراحت لمدرستها وتوجهت بعدها لمكتب المديرة علشان تعرف وين فصلها وراحت لفصلها وانصدمت لأخر بنت كانت جالسة بالزواية .. وفجأة تقابلت عيونهم ببعض وكأنهم تذكروا حياتهم من سنة .. نوعاً ما كانت بيان مهتمة كثيير لذي البنت وودها تقتلها الآن وحالياً ولكنها مسكت نفسها وجلست بمكانها أما سارا الي كانت تطالع ببيان اكتفت بأنها تهرب من الفصل للحمامات علشان ما تبكي قدامها وراحت لحقتها دانا وقالت لها:
دانا: ليه طلعتي من الفصل؟ وليه تبكين الحين؟
سارا: انا شفتها انا شفتها ومو مصدقة اني شفتها يعني ما لقوا الا هي يحطوني معها؟
دانا: قصدك مين؟ البنت الجديدة الي بفصلنا؟
سارا: ايه !
دانا: وليه شفيها؟
سارا: مدري مدري بس ما لقت فصلي انا؟ ! "وقامت تصرخ"
دانا: خلاص يروحي لا تصرخين كذا والبنت ذي ما بتسوي لك شي "وقامت تهدي بسارا"
سارا: لو صارلي شي لا تهتمين كثيير
دانا: وليه ما اهتم؟
سارا: بس لا تهتمين
دانا: طيب الحين يا حبيبي أنتِ لا تبكين علشانها "وباست سارا"
سارا: لو بشوفها ببكي .. بقعد هنا احسن لي
دانا: طيب الحين قولي لي مين هي؟
سارا: ذي اللي ما تتسمى
دانا: قصدك بيان؟
سارا: ايه
دانا: ما توقعت صراحة لكن فرصة سعيدة لي معها
سارا: وعشان كذا قلت ما ابي اروح .. لاني كنت ابيك أنتِ وحضنك
دانا: وانا بعد بس الحين لازم تروحين يحلوتي وانا برجع لك بعدين بس ما بطول واذا رجعت الفصل بجلس عندها عشان شي ابيه انا
سارا: طيب ترا يع ما ابيك تجلسين معها ..
دانا: معليه بعدين برجع اجلس معك
سارا: بس لا يع مابي
دانا: مو انا قلتلك اعرف وش اسوي؟
سارا: ايه
دانا: يعني يحلوتي خلاص امسحي دموعك وارجعي للفصل ولا تسوين انك مو زعلانة لانها ترا بتشك فيك
سارا: عادي خلها تشك فيني
دانا: بتسوين الي اقوله لك ولا؟
سارا: خلاص سمي
دانا: يلا روحي يحياتي أنتِ
سارا: احبك
دانا: أكثر يروحي

عند بيان بالفصل:
دانا: يحلوة عادي اسألك؟
بيان: ايوا
دانا: من يوم جيتي وأنتِ تطالعين بذي البنت تعرفينها "تقول كلامها قاصدة فيه سارا"
بيان: ايوا اعرفها كانت معي بمدرستي القديمة بس بعدها معد ادري عنها شي لانها مبلكتني وتوقعنا انا وصحبتي ادلين انها معد صارت تدرس علشان امها أمريكية وكذا وتعرفين كيف حياة الامريكان كيف يعني وكذا
دانا: اوه ، توقعتكم صحبات
بيان: لا يع أساساً كنت اكرها لانها كانت مريضة نفسياً وفوقها هي اصلا مريضة بس مدري وش فيها الصدق
دانا: ويعني ليه تكرهينها؟
بيان: لانها كانت قاهرتني وكذا
دانا: بس احس ذا مب مبرر لانك تكرهينها
بيان: ليه أنتِ معها يعني؟ + أنتِ ما تدرين وش سوت لصحبتي اصلًا
دانا: لا انا اصلًا ما كلمتها بس كذا مرة جيت بفتح معها سالفة قامت عصبت علي
بيان: اكيد هي مريضة نفسياً أنتِ وش متوقعة منها؟ انها تحبك يعني؟
دانا: لا اكيد بس يعني مدري احس سالفتكم تصدع بالراس من قو ما هي مُعقدة "تقول كلامها كنوع من التقليل ببيان"
بيان: بالعكس انا ناوية اعذبها أكثر من المرات الي قبلها
دانا: بس يعني مدري شقولكم صراحةً كلكم صادميني صراحة
بيان: وليه؟
دانا: أنتِ صدمتيني باللي قلتيه عنها وصدمتيني بشخصيتك
بيان: ههههههههههههههههههههه ما توقعت
دانا: انا الي ما توقعت ابدد
بيان: طيب صدق صدق شرايك بما اننا صرنا صحبات وكذا شرايك تصيرين خوي معي انا وادلين و تعذبين سارا معنا؟
دانا: الصدق ما احب اعذب خلق ربي مالي خلق انا لي خلق لنفسي
بيان: احسك نفسية
دانا: لا وييين انا اكثر شخص فلاوي الصدق + ترا نص الفصل صحباتي
بيان: ههههههههههه ما توقعت صدق
دانا: حتى انا مشهورة المدرسة انا وصحباتي ووحدة احبها مررررا كثييير
بيان: ومين هذي الي تحبينها كثير؟
دانا: سرر
بيان: يعني الحين أنتِ تحبينها زي حبيبتك يعني؟
دانا بكذب: لا بس احبها مرة مرة
بيان: طيب مين هي قولي لي
دانا: ما بقول لان بنجلد صدق
بيان: افاا ليه
دانا: تهاوشنا اليوم
بيان: الصدق احس تستاهل تتهاوشين معها
دانا: فال الله ولا فالك أنتِ بعد
بيان: طيب بالله قولي لي من هي
دانا: ما بقول تبيني انجلد يعني؟
بيان: لا اذا بتنجلدين خلاص مب لازم تقولين
دانا: طيب شرايك تعطيني الانستا حقك ابيه؟
بيان: تم خذيه
دانا: اذا رجعت بضيفك تمام
بيان: تمام يروحي