سارا

15

باليوم الثاني صحت سارا وهي مررروقة مرة وبأعلى روقانها لدرجة انه لا يمكن لأحد أن يُفسد روقانها عليها راحت للحمام اخذت شاور وسوت رويتنها اليومي وسوت شعرها ولبست مريولها وحطت ميكب ولبست عبايتها وطرحتها وجلست على جوالها تنتظر ابوها سعد يوصلها للمدرسة وبوقت ما كانت تنتظر ابوها قررت تكلم دانا
سارا: دانا حبيبي بتدوامين اليوم؟ تكفييين تعالي لا تسحبين !!
وبعدها بكم ثانية ترد دانا عليها وتقول:
دانا: الصدق ودي اغيب واسحب على ام اليوم بس عشانك بداوم
سارا: جد؟
دانا: اي لانه لو بداوم بداوم عشانك
سارا: توقعتك بتغيبين عشان طلعتنا امس
دانا: ياخي اصص لا تذكريني احاول اتخطى بس مقدر مشاعر
سارا: كلنا كلنا نحاول نتخطى بس ما نقدر
دانا: اذا تخطيت فجري فيني ام الدنيا وخلي كل الناس يسمعون صوتي !
سارا: لا شدعوة كذا كثير ههههههههههه
دانا: استاهل بعد لاني اتخطى يوم زي كذا !!
سارا: لا ما تستاهلين لاني بذكرك بالموقف مليون مرة
دانا: المهم ما بتروحين للمدرسة؟
سارا: الا شويات وبروح
دانا: تمام اشوفك بالمدرسة حبيبي "مع فيس غمزة بنهاية رسالتها"
سارا بنفسها: يييمه شتقصد ذي بفيس الغمزة؟ ليكون ناوية علي من بدايتها؟ ييمه يارب لا وعشان ما افكر فيها بنقلع للمدرسة احسن

-
بالمدرسة:
داخلة وهي مروقة وتغني اغنية "ناسي وعالمي" حقت ماجد المهندس وتحديدًا بارت "كل عام وانت الحب وحلوة سنينك كل عام وانت الحب ضي عيني"
شافتها نورة وراحت لها وسألتها وقالت:
نورة: شفيك بأعلى روقانك اليوم؟
سارا: يمكن حصلت على الي ابيه؟
نورة: هي؟
سارا: لا ، يمكن بوكس تشوكلت لاني احب التشوكلت؟
نورة: خييير انا ابي بعد
سارا: لا مافيه
نورة: بتعطيني ولا شلون؟
سارا: افكر اول
نورة: ليت ما فيه شي اسمه تفكير وتقررين بسرعة
سارا: ههههههههههه ما تدرين يمكن اوافق؟
نورة: ما اثق صراحة
سارا: المهم شفتي دانا؟
نورة: لا اتوقع بتغيب
سارا: كلمتها اليوم قالت كانت بتغيب بس كنسلت وقالت بجي
نورة: مدري يمكن تجي
بعدها بثواني تجي دانا وتشوف سارا وتحضنها علطول
دانا: اشتقت لك
سارا: اكثثثر يروحي
نورة: خير وانا طيب؟
دانا: ولا يهمك لا تزعلين حتى انا بعد اشتقت لك "وتحضنها"
نورة: حتى انا بعد اكثثثر
سارا: دانا تعالي بقولك شي بس مو هنا
دانا: تمام
نورة: انا بروح مع ليان وانتوا روحوا لسالفتكم ذي
دانا وسارا مع بعض: تمام
سارا: اسمعي دودي الحقيني بالحمامات
دانا: تمام

-
بالحمامات حقت المدرسة:
سارا: اسمعي بالانستا احسني مراقبة ، ومن وحدة من بنات المدرسة ! ، فا يمكن اختفي فترة وابقى بحسابي الثاني ، احبك دودي
دانا: وتعتقدين مين هي؟
سارا: اتوقع سنة أولى زينا
دانا: تذكري محد بيأذيك وانا معك
سارا: بس خايفة !!
دانا: تخافين من وش يروحي؟ انا معك لا تخافين ابد !!
سارا: طيب لو البنت الي تراقبني ما تعرفني وتبيلي الشر؟
دانا: اعدائك حولك .. محد غريب بيتمنى لك الشر
سارا: بس ...
دانا: انا معك محد بيسوي لك شي واذا احد تعرض لك علميني
سارا: سارا واذا كنتي غايبة
دانا: سارا اسمعي "انا غيرتك صحيح .. لكن أنتِ الآن بحرب ولازم تخوضينها .. لا تفكرين ابد في إعلان خسارتك للحرب وفوز عدوك عليك وكل سلاح يبيهه ينهبه ويخليه له .. أنتِ عندك كفاءة عالية بأنك تخوضين حربك هذي .. وتعلنين فوزك ! مو خسارتك فيها"
سارا: بس ليه انا؟ ليه مو غيري؟ احتاج تفريغ مشاعري بس مو هنا .. لانه هنا مو المكان الأمثل لكل شي !
ضحكت دانا على كلام سارا وقالت: ليه أنتِ؟ أنتِ حلوتي عشان كذا الكل يراقبك ويبيك تكونين له لكن أنتِ قلبك ما يدق غير فيني وبأسمي انا !
سارا: اقول قومي نروح برا احسن
دانا: وليه
سارا: جتني خنقة وما ابي اقعد هنا لوقت اطول...
دانا ويدينها بخدود سارا: فيك شي يروحي؟ صارلك شي اليوم؟
سارا: لا ، بس القعدة بالحمامات تخنق هنا واصلًا من يقعد هنا
دانا: تمام