( هَـل كانت النجومُ شبيهةً لِعيناكِ، ام كانت عيناكِ النجُوم بِذاتِها؟ )
<<
سيف كان يالس ف حديقه البيت بروحه، يجوف السماء ويفكر فالمشاكل الي تصير وكان باين ع ويهه انه متوتر وتعبان.
وف نفس الوقت، كانت المها تتمشى ف الشارع مع ربيعاتها ( بس هالشارع كان عدال بيت سيف يعني لو سيف فج عيونه زين بيجوفها ) بس المها ماكانت ويا ربيعاتها عقلياً وسوالفياً ( 😂 ) يعني كانت جسدياً وياهم وتتمشى بس كانت سرحانه وباين عليها التعب من المشي .
وقالت لهم : اييييه انا بسير تعبت وابا ارتاح. طبعا انصدموا لانه المهااااا الي تحب تتمشى والي اخر وحده ترجع بيتها شو صار فيها ؟؟ الباقين ماعطو رده فعل لان كان الجو بارد ف قالو يمكن كانت بردانه وتعبانه ..
دش سيف يلس داخل بالصاله يطالع فونه يجوف الاخبار والسوشل ميديا وبنفس الوقت دخلت الوالده وكانت مرتبه العشاء حقهم ، نزلو عهود وحصوص من فوق لانه كانو تعبانين من الدراسه وكانوا يوعانين ، يلست حصه وخبرت سيف حط لي اكل طبعا هي تحب تعصب الاهل خصوصا سيف بس الحمدالله هو ساكت عنها وكل واحد يلس يحط حق عمره ماعدا منووو؟؟ هههههههههه عمر 😂 ( نسيتوا عنه صح؟ عمره سنه ونص ) كتكوتتت يلس بروحه ف الكرسي ماله يجهز عمره عشان يفترس 😂 يت الوالده تطعمه، وابو سيف يعرف ان ام سيف تعبانه من اشغال البيت وفجأه ابو سيف مد الملعقه الي فيها باستا ( اللهم اني صاييييمه 😂 ) ويلس يطعم ام سيف ، طبعا سيف وعهود انصدموا شوي لانه مو من عوايده يسوي هالشي يعني نعرف انه دوم عصبي وجي ف صدمه شوي حقنا .. وكملوا ياكلون وبالعافيه حقهم ..
وبين ما المها كانت تمشي وكلها تعب من المشي وبردانه ف (هي فيها فقر دم ف اذا وايد بردت ترتجف عقب عادي يغمى عليها من التعب) ، عقب راحت المها بس ماكانت تعرف وين كانت بالضبط .
عبدالرحمن ( اخو سيف ) كان برا البيت ( كان يسقي النخل ) وفجأه سمع صوت ( انه في حد طاح ) ركض عبدالرحمن عشان يدور وين الصوت يوم حصل الصوت جاف المها !! عقب ركض دش الصاله حق ابوه : ابوووي في بنيه طايحه برااا تعال شوفهاااا
طلع الوالد و سيف وعبدالرحمن عشان يجوفون الوضع جافوها طايحه، راح عبدالرحمن خبر امه عشان اتي تشلها توديها داخل.. شلتها ام سيف وودتها غرفتها عشان ترتاح
قالت ام سيف : حد يجهز لها الاكل البنيه مب ماكله شي
قال ابو سيف : قامت ؟؟
قالت ام سيف : هيه الحمدالله مافيها شي بس تعبانه ويوعانه
راح سيف بنفسه يجهز لها الاكل حط لها ماي وعصير برتقال ومن الباستا وعطاه حق الوالده
عقب مدة .. طلعت ام سيف مع المها من الغرفه و قعدوا ف الصاله ( طبعا المها متغطيه )
يلس يرمسها ابو سيف وقالها : شسمج نتي ؟
قالت : المها محمد ....
طبعا ابو سيف عرفها وعرف اهلها ( الي بينهم تتش ) .
( سيف كان يسوي عمره يتعشى بس اذنه وياهم 😂 )
وخلص سوالفه ويا المها وقال لسيف : سيف يوم تخلص وديها بيتها انا بسير وي عبدالرحمن بنسقي النخل عقب بنروح العزبه
سيف بإبتسامه شاقه ويههه : اوكي
( خلص سيف اكله الي م كان ياكله اصلا وغسل ايده ويا يلس عدال امه )
يلس يرمس المها : شخبارج عساج بخير ؟ تبين نوديج المستشفى ؟
ام سيف شوي نصدمت انه شفيه هذا مو طبيعي
ردت عليه المها : الحمدالله بخييير ، لا مايحتاي مشكور
يلست حصوص عدال امها وعيونها الي تقول ( بلللييييزز ) : ماما بسير ويا سيفو بنوصل المها 🥺🥺🥺
ام سيف : انتي تعالي مطرشين ف القروب مال المدرسه انه عليج امتحان باجر شو تبين تطلعيننن هاااا؟؟
( بوزت حصه وراحت غرفتها فوق )
ابتسم سيف بإبتسامه ودية : متى تبيني اوصلج؟
المها : مممم لو تروم احين عشان اخاف بابا ينازعني لاني متأخره
سيف : تآمرين امر .
( قام سيف يشغل موتره ( رنج ) )
وركبت المها مع ام سيف ( شو بعد تبونهم بروحهم 😂 ف رمضانننن 😂 )
يلست المها ورا كرسي سيف وكان سيف طول الدرب يطالعها وهي تأشر له وين بيتها
ووصلوا بيت المها .. كان ابو المها برا البيت يترياها وأول ما جافته حضنته قالها : تأخرتي مهوي
ونزل سيف من سيارته عشان يسلم على ابو المها ( عمه ف المستقبل 😂 ) : هلااا شخبارك... ايييه الحمدالله بخير وانته ؟ ومن ذا الكلام
قاله ابو المها : ماعرفتك منو انته ؟
قال سيف : اسمي سيف عبدالله ...
سكت ابو المها لحظات عقب قال : ....
...
>>>
