طلعوا كلهم من المستشفى الا سيف كان يتريا وديمة ( أُم ولده ) ، بعد ما سأل عنها بالمستشفى عرف انها مع الدكتور تتلقى أدوية عشان يثبت الحمل ومن هالكلام ، ترياها لين ماطلعت من الدكتور عقب استلمها
سيف : والله انج ماتستحين لويهج كيف تجرأتي تدزين خطيبتي !!!
وديمة : الله يا الدنيا يا سيف الحين أنا ما استحي لويهي ؟ وخير يا طير يعنني من زين كتفها يعني بروحها هيكل
سيف بعصبية : ابوج الهيكل جب ولا كلمه هاي خطيبتي ما ارضى عليهاااااا تسمعين ولالا ؟
وديمة بعناد : لا ما اسمع شو بتسوي يعني؟
سيف : صدقيني عادي اعطي ابوج ورقة طلاقج بفرها عند باب بيتكم الخايس ذلفي اقول
>>
يوم جافها سيف خبر اهله يلا روحو ودو امي بسير اييب الأدوية وترييوني بالموتر ويووم راحو كلهم راحت المها لسيف قالت له انا بساعدك قالها لا تعبين عمرج حبيبي روحي وكانت وديمة معصبه ويوم راحت المها عن سيف وديمة دزتها بكتفها واونه وديمه هي الي تعورت المهم المها تأسفت منها وراحت السياره
>>
راح سيف يآخذ الادوية وراح السياره يستسمح من ابو المها انه ماكمل وياهم ف العزيمه ومن هالكلام ، نزلهم سيف بيتهم ويوم نزلت المها طالعته وقالت : احسك مب سيف الي انا اعرفه ، وضعك غريب هاليومين وطالعها سيف وقال بتوتر : شوفيج عندي اشغال ف الدوام ملعوزيني شوي لا تحاتين .
نزلت المها بيتهم وراح سيف بيتهم عشان يعابل امه .. يوم وصل جاف حصه تتضارب مع عبدالرحمن ( ضرابه اخو واخته ) ف راح لهم وقال ياخي مب وقتكم امي تعبانه عابلوها شوي
عبدالرحمن : هييي وانته روح ارتاح ف الغرفه والشغل كله علينا نحن
سيف : غبي انت؟ اي شغل وهاي امك ماتستحي لويهك انته
عبدالرحمن ويعلي صوته : اوكي ماقلت شي بس امي المفروض كلنا نعابلها مب بس نحن
طلع ابو سيف وقال شو فيكم ؟؟ بعدين انته ليش ترفع صوتك لأخوك الكبير ها ؟
عبدالرحمن ويعلي صوته لأبوه : هووو يقول بيروح يرتاح ونحن الي نعابل بالبيت هو ولا كأنه موجود شغالات نحن شو
ابو سيف مسك اذن عبدالرحمن بقوه وبعصبيه : انا كم مره خبرتك لا تعلي صوتك على اللي اكبر منك ؟ صدق اللي استحوا ماتوا اذلف عن ويهي مابا اجوفك
طلع عبدالرحمن برا البيت
سيف : ابوي هدي شوي ماتعرفه دوم يتفلسف
ابو سيف : لا بس زودها هالمره كم مره بنسكت عنه شيبني هالولد
حصه : بابا كان يقولي ماتعرفين تسوين مكياج دومج تفشلينا عند الضيوف 😂
سيف وميت ضحك ( لأنه يعرف ان كلام اخوه صح ) : هههههههههههههههههههههههههههههههه
ابو سيف يته ضحكه بس مسكها : يلا تعالو نشوف امكم نعابلها
راحوا لأمهم يعابلوها ويعطونها اكل ويدلعونها وقالها : حبيبتي شو تبين اييبلج اكل آمري . سيف ومصدوم : تعالي حصه خل نطلع مو وقتنا الحين 😂😂. طلعوا وتركوهم بروحهم وي الغزل مالهم
دقت وديمة لسيف ، يلا حصه بسير غرفتي ارتاح تعبان بروحي وراح عنها
وديمة تتكلم بصوت خفيف وبتعب : سيف احسني تعبانه وديني المستشفى
سيف : مب متفيج لكذبج وتفاهاتج زولي
وديمة : سيف والله اتكلم جد تعال مافيني حيل اقوم
سيف : خبري ابوج مب متفيج برقد تعبان
وديمة : انا زوجتك تعال وديني المستشفى مابينقص منك شي يعني !!
سيف : زين ياحيوانه لا تعلين صوتج فكيني بييج تكونين مصطنه برا جاهزه
سكر بويهها وطلع على طول لها ويوم وصل لها جاف ويهها صدق تعبان ومب قادره تمشي وداها على طول الطوارئ وكان يتريا بكل هدوء اي خبر ،عقب طلع الدكتور قال ماعليه تستوي هالمشاكل وقت الحمل التعب والارهاق ومن هالكلام بس لازم تقعد ف المستشفى بنعابلها 3 ايام عقب تقدر تترخص
راح لها وقالها الكلام الي قاله الدكتور طبعا هي مارضت وعصبت بس يا حق سيف اتصال من المها وكان مسمينها 💍🔒
ورد عليها جدام وديمة وقال : .....
