سيف : ابوي (عشان وديمه ماتزعل كتبت ابوي بدل بابا 😂 ) انا قررت اني ابا اتزوج وأأسس اسرة واعتمد على نفسي
ابو سيف : الله يا سيف شو هالقرار الحلو الي اتخذته ؟ ها تبا امك تدورلك ولا موجوده 😉 😂😂😂 ؟
سيف بإبتسامة شاقه الحلج : هههههههههههههه موجوده موجوده ماعليك من بخبرك عقب منو سعيدة الحظ 😌 .
ابو سيف : ان شاء الله خير يارب ، الله يكتب الي فيه الخير
سيف : آميييين ، تبا شي ابويه بسير ؟
ابو سيف : في أمان الله
ويوم بطل سيف الباب على اساس يطلع منه طلع بويهه عموري يحضنه بس فديته كله موسخ عمره بالككاو طبعا سيف انهيارات داخليه ملابسي وراي دواااام نادى سيف المساعدة عشان تشل عموري بس عموري مايباها يبا سيف 🥺 يحبيبي عموري .. يلس سيف يحاول يفهم عموري شو بلاك؟ شو تبا خلصني وراي دوام؟؟ طلع يبا ككاو ثاني 🤣 ( شو سالفه اليهال وي الككاو حد يعرف؟؟ ) راح سيف غرفته يبدل ملابسه ويلبس ملابس احتياطيه وشل فوونه وطلع راح سيارته
وهو ف الدرب دقت عليه حبيبه القلب الي خلته تنسى كل شي
" صوتك ينسيني تعب عمري ، صوتك لحاله حب ثاني ، ينسيني التعب والناس"
من هني بدأت العلاقة تزيد وتكبر بينهم وصارو مايحبون يومهم بدون ما الثاني يدق... فاجأها سيفو وقال وهو يتريا ردة فعلها بكل حماسس : بخطبج اليوم . قالت له : هااا؟؟؟ شششـو قلـت؟ . قالها : مثل ما سمعتي اباج على سنة الله ورسوله حبيبتي وحرمتي وام عيالي . المها حطت ميوت ويلست تصارخ من الفرحههههه 😂😂😂 ( طبعا كانت يالسه بعيد عن اهلها ) وسيف يترياها تقول شي المسكين متحمس ع ردة فعلها وهي حاطه ميوت : الوووو ارمس منووو اناا؟؟؟ قالت له وهي شاقه الابتسامه : هلااا وياك وياك انزين شو كنا نقول؟ سيف هني ضحك هستيري وقال : شوفيج غبيه نتي 😂 يالس اقولج بخطبج اليوم . قالت : حياك الله تفضل تنورنا حبيبي ... سيف شوف شو طرشت لك . سيف : دقيقه .. وفجه كان فيديو وقال : الله فديييييييت هالويه انااااا .... اصبح ف هالويه ف بداية يومي ياوييييييييلييي
cut >>>
>>
وصل سيف الدوام وهو جنه توه ابتدا عنده اليوم بسبه حبيبه القلب المهم وصل ويلس على مكتبه ودقت له الوالده تبارك له بالخبر انه بيخطب ومن الكلام الحلو
ام سيف : اكييييييد المها صح ؟
سيف : كيففف عرفتي؟!!
ام سيف : حسيت فيكم مب طبيعين 😂 تباني ارمس امها نخطبها ؟
سيف : يستوي احين؟؟؟ 😂😂😂
ام سيف وهي تضحك : شو فيك متسرع جي 😂.. خلك ف الدوام يوم نرجع بنسولف
سيف : اتفقي ويا امها اليوم بنخطبها اوكي؟
ام سيف : ان شاء الله
>>
( خلص سيف دوامه وسوا خطه خبيثه هو ويا امه انه اونه يخوف المها مابيرد عليها ... بنجوف شو مجهز لها سبرايز؟ )
المها يلست بالصاله وفاجه فونها تتريا سيف يكلمها بس غريبه سيف ماكلمها مو من عوايده!! وينه ؟؟ يلست تهوجس مع نفسها .. عقب انتظار طويل قالت مصخهااااا للحين ماردد دوامه مخلص من ساعات شو فيه هذا؟؟؟ يلست تدق له مغلق ! وين اختفى هالولددد؟؟؟ تهقون اهله خطبوا له وحده ثانيه؟؟ ... يلست تهوجس وتقول شكله خلاص مايباني.. على اساس اليوم خبرني بيخطبني؟؟ على اساس يحبني؟ باقي شوي وبيأذن العشاء وهو بعده 😩 .
>>
يا عم جيتك لحد بيتك "
ليد بنتك أنا أتقدم
على المـلّة بشرع الله
ونص الدين أبا أتمم
هي مرادي غلا فؤادي
" طلبتك قولها لي تم
هييييييييه نعم راح بيتهم يخطبها 💖
طبعا كلحد كان يعرف انه سيف ياي بيخطب المها معدا المها كان سبرايز حقها صح انه ابو المها كانت فيه مشاكل بينهم بس قال بنفتح صفحه يديده وخلاص عيالنا مالهم دخل هذاك كان ماضي وانتهى خلاص .
طبعا المها انصدمت يوم امها داشه لها : انتيييي بعدددجججج كلهم يتريونجج تحتت!!!! يلا نزلي خلصيينيي
المها متوتره الف : خلصت .. كيف الكشخه؟ متوتره مررررره
ام المها : حلوه حلوه يلا تعالي ، خلج طبيعيه
نزلو مع بعض ورحبوا ب ام سيف وعهود وحصوص ( طبعا المها اول مره تجوفهم وانصدمت من ميكب حصوص مابا اعايب حقها ) المهم يلسو يسولفون طبعا المها ارتاحت اكثر شي حق منوه؟ اكيد عهودي شو ببعد لانها عاقله 😂 وببين ما الكل كان فرحان الي تسولف والي تعدل مكياجها والي تتصور والي تاكل والي تحش 😂 سمعو صراخ ابو المها كان يصارخ قوي صوته واصل لين الحوش !! حتى ام المها خافت تقول امبيه هذا ريلي 😂😂 امزح المهم الحريم.. خافو شو السالفه هذا ليش يتحرطم ف الميلس وي منو؟؟ اكيد ويا ابو سيف ... سيف ف قلبه ( يعني شو ماتتم افراحي؟ مااتزوج يعني 😞 ) ..
>>
ابو المها : انته الي سويت كل هذا بيكون بذمتك لين يوم القيامه !! كيف بتتحاسب وشو بتخبر رب العالمين عن الشيء الي سويته ها؟؟؟
ابو سيف : محمد اسمعني انته فاهم الموضوع غلط خلني افهمك الوضع
ابو المها : والله يا عبدالله انا قلت اني بنسى الماضي وبفتح صفحه يديده بس مايهون علي افج صفحه يديده وبنتي بتتزوج ولدك ! كل مره بنتصادف يعني بتذكر موضوعنا !! خلنا نخلصه اليوم وعدال سيف بعد !!
ابو سيف : لا يا محمد لا تطولها وهي قصييره وترا سيف بعده صغير لا تدخله بسوالفنا
سيف : شو السالفه ؟؟ شو مستوي ؟؟
ابو المها : سيف .. ترا ....
>>>
