( أذكر الله كل ما شفتك وأسمّي الحلا من وجهك العذب )
>>
ابو المها : حياك الله البيت بيتك تفضل
سيف : مشكور عمي بس الوالدة تترياني ف السيارة
ابو المها : ولو تفضلوا البيت بيتكم ادخلوا يلا ولا بزعل منكم ترااا
سيف : بجوف الوالدة دقايق
( راح سيف لأمه ونزلت ام سيف ودخلوا داخل بيت المها )
( طبعا ام سيف ماتعرف ان في تتش بينهم )
( وكانت المها كللله تطالع سيف عيونها ماتخوز عنه )
كانت ام المها قاعده ع الكرسي منسدحه وعقب سمعت صوت الباب انه في حد دخل جافت ابو المها يأشر لها انه يلسي زين في ناس عقب الحمدالله فهمت وعدلت قعدتها وجافت سيف وامه وقامت رحبت فيهم وخبرت المها روحي ييبيلهم الضيافه ومن ذا الكلام
راحت المها حق المساعدة الي ف بيتهم عشان تساعدها حصلتها راقده عقب قالت بعتمد على نفسي بروح اجوف شو الموجود واحطه لهم ، راحت المطبخ بتسوي قهوة عربية ( المها ويييييييين والقهوه العربية وييين هاي سوالفها كلها كوفيات ) فجت المها فونها تدور ف قوقل : كيف اسوي قهوة عربية في 5 دقائق ( 😂😂 ) ودخلت فيديو ويلست تسوي وحطته ع النار عشان يغلى ( طبعا تفكيرها مب ف القهوة تفكيرها كان ف سيففف اخذ كل تفكيرها خلاص ) كملت وايد تفكير فيه وفجأه استوعبت انه القهوة اختربت يعني فرغت وانجبت ع الارض وهي تتأفف وتقول : اففففف هذا كله عشان كنت افكر فيه .. ليشش اخذ كل تفكيري ؟
دخلت امها وسوت 😱😱 : ( هههههههههه ) المهاااا شو سويتيييي الضيوف يتريوننن الضيافه هذا كله تسوين قهوة شوو
المها : بالغلط اميه مانتبهت كنت سرحانه
ام المها وهي تنظف الارض من القهوة : سرحانه بشو ؟ المهم روحي قعدي وياهم انا بييب الضيافه
المها راحت غرفتها فوق بدون ماحد يجوفها راحت تحط شوي بلشر وتعدل مكياجها ( هي بروحها مصدومه انا ليش اتعدل حقه ؟ )
( ترا ابو المها مع سيف بروحهم ف المجلس وام سيف وام المها والمها ف الصاله )
المهم بعد ما تكشخت ع الخفيفف نزلت وقعدت مع ام سيف يلسو يسولفون (صح ترا ام سيف عندها مشروع اكل تسوي اكلات شعبيه والي يحبه قلبكم اهم شي ورق عنب مالها ططططرر كل حد يمدحه.. يعني كانت مشهوره ف مشروعها ) وبنص السوالف المها خذت حساب ام سيف وقالت لها بطلب منج اكل وبجربه وجي يعني ووصلت القهوة ويلسو يشربون ويضحكون .
اتصل ابو سيف ف ام سيف : ها وينكم تأخرتوا وايد ؟
ام سيف : يالسين نشرب قهوة مع الحريم بنتأخر شوي
( ابو سيف ماكان يعرف انها تقصد مع ام المها يتحرا مع ربيعاتها )
وبنص سوالف سيف وابو المها، سيف كل شوي يطالع باب المجلس ماندري يتريا منو يدخل؟ عيونه ابدا ماتروح عن الباب وفجأه منو دخل؟ حمد ( اخو المها ) ( ههههههههه حسبالكم المها ) يلس ويا سيف يسولف وسيف بسرعه تأقلم ويا الوضع يلس يضحك وياخذ ويعطي وياه يعني خلنا نقول ارتاح له ونفس التفكير يعني في اشياء مشتركه بينهم وفجأه قام سيف وقال : يلا استأذنكم بترخص عنكم ، مشكوررررييين على القعدة الحلوه . وقال ابو سيف : ماعليه بنخليك تروح احينه بس معزوم معنا يوم الجمعه ع الغداا اوكي؟ قال سيف : تم .
طلع سيف يشغل سيارته ودق لأمه : يلا امي انا برا خلينا نرجع البيت عشان لا يعصب الوالد . وقالت ام سيف : يلا يلا طالعه ، المها ساعديني شلي شنطتي وسكرت الخط . سيف هني من سمع اسمها عدل غترته وتعطر وتريا امه لين ما تطلع عشان ينزل ويوم طلعت نزل من السياره وراح شوي وبيركض للمها عشان يشل شنطه امه عنها اونه يعني حجه 😂 ، شله عنها وقالها وهو شاق الابتسامه : مشكوره على القهوة المْرة ( يعني مب ذاك الزود طعمها ) وهي فجت حلجها من الصدمه : العع ففو .
راحت تركض لأمها وتقول : اامايااااا ليش عطيتيهم القهوة طلع طعمها مب حلو !!!! قالت امها : شسوي فيج ماشي وقت اسوي يديد عطيتهم 😂 ونتي شو عرفج اني عطيتهم هااا؟ قالت المها وهي متوتره : حـحـمد قالي. ضحكت امها وقالت لها : بسير ارقد تبين شي؟ قالت المها : رقاد العافيييه وباست راسها وراح كل واحد ع غرفته
طول الدرب سيف ساكت وامه يلست تسولف عن السوالف معهم وقالت انها وايد استانست وياهم خصوصاً ويا المها قالت انها بنت سنعه وتعرف الاصول وحلوه وتمدحها .. وسكتت .. عقب سيف يقولها كملي ( 😂😂 ) ضحكت امه عقب قالت له : لاحظت انك من جفتها مادري شو صار فيك يعني كله سرحان وماتدري وين الله حاطك .. شو صار سيفو 😂🤭 ؟ ضحك سيف وقالها : " من شفـتها صرت ارجـف .. وجمـرات انتقـامي زاد لهبـها " . قالت ام سيف : الله ي العاشق الولهااانن انته 😂 وضحكوا عقب وصلوا البيت .
( ركضت المها لفونها عشان تجوف حساب ام سيف طبعا مب تشوف حسابها تدور حساب سيف 😂 )
واخيرااا بعد عناءءء طويل حصلت حسابه !! يلست تجوف حسابه وانغمست فصوره من صوره كان مبتسم وفجأه حصلت عمرها راقده وف ايدها فونها وفاتحه صورته !! قامت وقالت : لهالدرجه تعلقتتت فيههه !!! قامت راحت الحمام وتاخذ شور عقب تسوي skincare لويهها
يوم خلصت ..
قررت المها تبادر ل سيف وتكتب صباح الخيرر ! ، وبالفعل كتبت وكانت طول الوقت واقفتنه ف المحادثه ماطلعت مول 😂 رد عليها عقب دقيقتين وهي فقلبها تقول وينك ف هالدقيقتين شو كنت تسوي 😂 وهني بدو يسولفوننن وكله المها ف غرفتها م تطلع قاعده تسولف وي حبيب القلب وهني خلنا نقول عنهم صارو حبايب ! دش علاوي للمها يلعوز فيها شوي ويخرب عليها الجو الرومنسي 😂😂 عقب تركت فونها شوي يرتاح ويلست تلعب وي اخوها وتبوسه وهو كله يقولها : ابا سوكليت 😂😂 هو دوم يسمعها تقول جوكليت ويالس يقلدها سوكليت 😂😂 وهي مفجوعه علاوي صرت تتكلم ماشاءالله عليك ! تبا سوكلييييت بعطيك سوكليت تعال راحت تعطيه تخيلو من الصبح ككاو يع 😂😂 ونزلت للوالده عشان تتريق مع الاهل .
راح سيف تجهز حق يسير الدوام نزل تحت يتريق عقب يوم جاف ابوه راح له وقرر يقوله : برمسك ف موضوع ضروري قبل لا اسير الدوام
قاله ابو سيف : تفضل
قاله سيف : بابا انا ....
>>>
( شو تتوقعون بيقوله ؟ )
