سامحوني عالقطعه فتره وايد صعبه علي بس بحاول انزلكم 😔.
>>>
ابو سيف : وين راح سيف سيارته محد ؟
حصه : مادريبه يمكن طلع مع ربعه
( ابو سيف اتصل لسيف )
سيف : حبيبتي مهوي عقب برمسج ابوي يكلمني
المها : اووكي تيك كي..
وديمه : حبيبي سيفوه
( صوت وديمه انسمع حق المها قبل لا تسكر الفون وهني المها ياها اكبر لاق فالحياه تحاول تستوعب الصوت وانصدمت صدمه حياتها انه كيف سيف برا البيت وبهالوقت وويا بنت بعد! )
ابو سيف : وينك انته ! ومعصب شوي
سيف : وي الربع الحين ياي
ابو سيف : ١٠ دقايق اذا ماييت بقفل الباب ( صنفره خدام 😭 )
سيف : اوكيي..
( ابو سيف سكر فويهه قبل لا يسمع كلمه اوكي بعد 😂 )
سيف : وديمه .. انتي طالق
وديمه : فجت حلجها منصدمه انه باعها بدقيقه ويلست تصارخ وتقوله كيف تطلقني وانا حامل منك تستهبل انته ! وتتفلسف يعني . سيف طلع من الغرفه ولا جنه في وحده تتكلم ، عقب الدكاتره دخلوا عليها يهدونها .
الحمدالله سيف وصل البيت قبل الوقت لان المستشفى كان عدال بيتهم ، وهني ابتدت المها تحقق وي سيف ( كيف ؟ ) يعني بنفس اليوم يلست تجيك حق حسابه مال الانستا ضايف منو ويسوي لايك حق منو ( سوالفنا 😉😂 ) حتى حق تويتر يلست تجيك ! ذبحته ف شكوكها مانلومها لو بمكانها والله العن خيره .
اليوم الي عقبه >>
المها : صباح الخير
سيف : غريبه ..
المها : ليش ؟
سيف : دوم تدلعيني حبيبي وتحطين نقطه اخر الكلام ( تركيزه ههههههه )
المها : والله مستعيله حبيبي سوري .
سيف : ماعليه عيوني سمعي هالمقطع >>
عُيونُ المها بينَ الرُصافَةِ والجِسرِ
جلبنَ الهوى من حيثُ أدري ولا أدري
أعَدنَ ليَ الشوقَ القديمَ ولم أكُن
سلوتُ ولكن زِدنَ جمراً على جَمرِ
المها : ياروحي والله انته عيوني وقلبي 🥹.
سيف : ماتدرين شكثر اغلييج والله
المها : بعد عمري والله .
Cut>>>
نعت
( بطلتنا ذكيه تبا تكتشف بروحها اذا يخونها او لا بطريقتها وماتبا تبين حقه انها مثل البنات الثانيات يعني تتضارب على طول انه منو كان وياك لا لا ، وحتى ماقالت له ليش ضايف هذيك ، بطلتنا غيييييير عنهم كلهم بتعرفون ليش عقب ) .
بالمطبخ >>
ام سيف مع العامله : ميري خبري سيف ينزل يتريق
ميري : ماما سيف مافي الهين روح دوام سرعه سرعه
ام سيف تدقله وهو مايرد
ابو سيف : مارد؟
ام سيف : لا والله
ابو سيف : شو سالفته من امس غريب .. يبالي احط كاميرات عند الكراج اجوفه متى ايي ومتى يطلع وبجوف منو ربعه هاييل الي يطلع معاهم ف الليل .
ام سيف : ههههههههه بتطفره بتخليه باجر يتزوج خله يستانس شوي
ابو سيف : من الحين مشتط هو ويضحكون مع بعض
عبدالرحمن توه واعي وويهه مفقع راح وقعد بالكرسي مال الاكل يتريا الريوق عقب ابوه جافه وخبره يوعي اخته الخايسه الي كله راقده ماعندها شغله ، راح لغرفتها دخل بقوه شغل الليتات كلها وبند المكيف وياب ماي كبه فويههها ويقول : قومي ابوي يقولج يالخايسه . حصه : ايييييه بااااررررددددد 😮💨🥶😭😭😭 ، وتصارخ لين ماطلعته من الغرفه وهي معصبه .
>>>
سيف : حبيبي فاضيه اليوم امرج ؟
وديمه : ءءء اقصد المها ( خفتوا صح 😂😂 )
المها : هيه اكيد ياعيوني تعال اي وقت حياك بس خبرني متى عشان اجهزلك .
سيف : وقت العشاء بس بتم شوي
المها : تامر امر ياعيوني ، حبيبي عقب برمسك مشغوله شوي .
سيف : تمام حبيبي
( تحسون المها مسويه خطه حق سيف يوم بيمرها البيت ؟
ولا شكله سيف بيخبرها كل شي ؟ )
