سيف : انا ماخبرتج لا تدقينن!! خلاص قلت شووفيج حاشرتني
البنت : سيفو تستهبل !! انا حامل منك احين كيف تباني اهدا؟؟؟ لو حد عرف اني حامل شو بيصير فيني؟؟ ها قولييي ؟
سيف : قلت لج ورقتج بتوصلج اليوم ، خطبت انا خلاص انسيني ماباج
البنت : نسيتني بهالسرعه سيف؟ ومتى خطبت ومتى كل هذا صار وانا ماعرف ؟؟ سيف ترا انا حرمتك الاولى احترمني شوي
سيف : خلاص قلت لج بتوصلج ورقتج اليوم ذلفي
سكر بويها الخط
>>>>
المها : الو حبيبي
سيف بتوتر : هلا عيوني
المها : شرايك تيي اليوم تتغدا وييانا؟ ابوي قالي اقولك
سيف : بس تم بخلص شغلي وبمركم
المها : نزين حبيبي اشتقت لك ياخي 😩
سيف : ياعمري نتي حتى انا والله فديييييتج ، خلاص اليوم بمرج هدي الشوق شوي 😂
المها : هههههههه خلص شغلك يلا بروح اساعد امي بالغدا
سيف : قواج الله حبيبي
المها : الله يقويك عيوني
>>>>
خلص سيف شغله وراح مطعم اشترا كنافة لانه عيب يروح وايده خاليه وراح محل شوكولا واشترا شدتين ككاو ( الله ابا ) المهم دخل عليهم والكل مستانس بشوفة خطيب المها ( طبعا هم مستانسين عشان الاكل مب عشان ويهه هههههههه خلاص امزح ) وكان الغدا جاهز ويشهيييي سفرة طويلة وكلها عصاير وسلطات وبرياني وصوص اهخخخ يحظه نزين بعد ما خلصوا الاكل سيف ياه اتصال وقال انه ضروري وقام عن الطاولة راح بعيد يتكلم بالفون ..
سيف : ها شو بشرني اخوي؟؟
المحامي : اخوي ماطرشت لي المستندات المطلوبة عشان نخلص الاجراءات المطلوبة
سيف : ان شاء الله تعرف لاهي شوي دوام والاهل ماعليه اليوم بطرش
المحامي : بس ترا اخوي في مشكله
سيف : عسى ماشر؟؟
المحامي : انها حامل منك! سوت تحليل الحمل وأكد 100% انها حامل
سيف بتوتر وخايف حد يسمعه : عيل شو بنسوي الحين؟؟ لازم نحل هالموضوع ضرورري لاني بتزوج
المحامي : باجر تعال لي المكتب بنتفاهم هناك ، ولا تنسى تطرش لي المستندات
سيف : ان شاء الله
راح سيف كمل أكله وكان سرحاااان يفكر ف الموضوع وشو الخطوه الي لازم يسويها عقب وهل لازم يخبر المها عن الموضوع ولا يخبر منو عشان يساعده بهالموضوع الي عادي يفركش زواجه
>>>
دق عبدالرحمن لسيف وكان وايددد متوترر ويصارخ : سسسيييففففف بسرعهههههه تعااااال امي طاحتتتتتت بسرعههههه
سيف قام عن الاكل وانصرع من صوته : شوووو وينكممم احينننن بييي ترياا
طلع سيف وطلع وياه ابو المها وام المها والمها يعمري الي خايفين على ام سيف انا ودوها المستشفى دخلوها الطوارئ وكان الكل متوتر .
راح سيف لأبوه : شو صار ؟ الصبح ماشاءالله عليها كانت زينه
ابو سيف : مادريبها طاحت لنا فجأه يمكن عندها نقص حديد ولا شي
قاطعهم الدكتور يوم طلع من غرفة الطوارئ وبشرهم ان امهم مافيها الا العافية الضغط نازل عندها وتعبانه شوي لازم ترتاح ، الحمدالله على سلامتها
ابو سيف : نقدر نطلعها اليوم ؟
الدكتور : هيه عادي بس خلصوا التحاليل وخلاص
ابو سيف : مشكور دكتور
دخلوا لأم سيف كان باين عليها التعب والشقى وكان الكل فرحان فيها خصوصا المها كانت تطعمها الاكل الموجود ف المستشفى مع انه ام سيف ماتداني اكل المستشفيات المهم قالت ام المها دام ان ام سيف بخير مافيها الا العافيه باجر كلكم معزومين ف بيتنا قالت لها ام سيف لا ماله داعي حبيبتي بس ام المها ملزمه لا لازم كلكم تييون تنورونا
والحمدالله طلعوها من غرفة الطوارئ ويت نيرس قالت دخلوها هالغرفه تسوي تحاليل عقب تقدر تطلع ، دخلت وكان وياها سيف الحمدالله خلصت التحاليل وطلعت بس سيف كان بعده يسأل النيرس متى بتطلع النتيجه وجي عقب طلع صادف منو وهو طالع؟؟؟ صادف أم ولده الي كانت واقفه بنص الممر عيونها على سيف وللمها ...
>>>>
