ابو المها : سيففف !!! ترا انا بخبرك الموضوع الي كان بيني وبين ابوك ... صح انه صارله سنين هالموضوع بس ابوك ..
ابو سيف بعصبيه : محمممدددد!!! ،هالسالفه صارلها سنين خلاصص، اقول لا تكثر كلام و تعال برا برمسككك احينننن!!
ابو المها : خلني اخبر سيف الموضوع اول!!
( هني ابو سيف طلع من طوره وسحب ابو المها برا عشان يرمسه )
( ويلس سيف مهموم بروحه لين ما .. دخلت له المها وعدلت كل مزاجه ✨ يلسو يسولفون ولا جنه صاير شي 😂 ويلست تواسيه تقوله ترا عادي تصير خلافات بين العوائل يعني شي عادي انته اهم شي لا تفكر وايد وان شاء الله ربي يحلها ومن ذا الكلام .. دخل علاوي عليهم ( قاتل المتعة ) يسمي المها ( مءء ) مثل الخروف ههههههههه المهم دخل لهم فجأه يبا اكل طبعا دش يلس يدور ويخرب الاكل والمها متفشله منه لانه خرب الاشياء ويالسه ترقع لأخوها تخبر سيفو ماعليه نونو بيكبر وبيفهم ان شاء الله وسحبت علاوي برا توديه لأمها وتقولها خرب لهم الاكل داخل وراحت الوالدة عطته للمساعدة عشان تنظفه وتغير ملابسه
بعد ماغيرت ملابس علاوي نزل ويلس عند الضيوف وعمر كان مستحيييييي فديته ويا علاوي بادر 😂 يلس يكلم عموري بلغة الاطفال وراحو يلعبون بالحوش يعني الحمدالله تأقلموا بس جي خطر على عموري اخاف يستوي مثل علاوي احين 🤣 كان حمد يالس ف الحوش ف من جافهم راح لهم يلس يلعب وياهم مريحانه ووداهم الدكان ، طبعا ها كله يستوي وابو سيف وابو المها بعدهم بس كانوا هاديين احسن عن قبل .
>>>>>
ابو سيف : خلاص يا محمد خلنا ننسى الماضي انا اعرف اني غلطت وايد ندمان اني سويت هالشي كل يوم اتذكر ويأنبني ضميري دايما
ابو المها : شوف يا عبدالله اخاف افتح صفحة يديدة وتستوي بيننا مشاكل والضحية بيكونون عيالنا بالنهاية انا ابا مستقبل زين حق بنتي ، انا اتشرف بكم ماقلت شي بس ابا اضمن بنتي بنفس الوقت تعرف هاي بنتي الوحيدة
ابو سيف : شوف لا يكثر كلامك اقولك ولدي ريال محترم وخلوق ويداوم وراتبه زين شو تبا اكثر
ابو المها : خلاص دام راتبه زين نبا 250 الف المهر
ابو سيف : شو بياخذ هو سياره؟؟ بس ماعليه تمم تآمر على شي ثاني بعد؟
ابو المها : لا مشكور ، تفضل حياك الله
>>>
( الحمدالله فتحوا صفحة بيضة بينهم وان شاء الله ماتصير مشاكل بينهم بالمستقبل والله يتمم عليهم بألف خير يارب )
>>>>>
الحمدلله الذي بنعمته تتم الصالحات تم بحمد الله عقد قرآن سيف والمها اسأل الله ان يبارك لهم ويكتب لهم ولكم الخير 💖 .
