_الجُزء الثَانِي_
_رِوَايِة "لِقاء عينَاكَِ"_
_______________________________
قطع كلام كريم صوت من وراءه يقول:
_أنا بردو اللي غلس ورغاي يا دكتور؟!.
فتح كريم عيناه بـدهشة أمامه جهة أدهم صديقه ومن ثم قال بـدهشة يصحبها التوتر:
_هو!!.
بعد جملته تلك وقف من على المقعد و نظر جهة مصطفى وهو يقول بابتسامة ساخرة:
_طبعًا أنا لو قولتلك إني برئ مش هتصدقني.
رد عليه مصطفى مع ضمة ذراعيه:
_والله؟!.
قال له كريم بابتسامة وهو يمد يده لمصافحته:
_ازيك يا ڤيڤا،عامل ايه؟.
نظر له مصطفى بتقزز ومن ثم قال:
_ڤيڤا! يا أخي كرهتني في اسمي.
ومن ثم تركه وخرج من المقهى بينما كريم كان ما زال يعلق يده في الهواء على هيئة المصافحة وبعد ذلك أنزل يده من شدة خجله من الموقف حتي قال له أدهم بصوت متقطع من شدة الضحك على صديقه:
_اقـ..اقعد يا كريم،يخربيت الضحك بجد.
جلس كريم بتوتر ومن ثم قال لـصديقه:
_نهار اسوس دي مش أخر مرة هشوفه فيها،ايه الكسفة دي!.
رد عليه أدهم بسخرية:
_حد قالك تشتم على حد في ظهر الغيب،نميمة دي ولا مش نميمة،الله يعينك بقى يا صاحبي.
