UniLord Of My Heart [SYSTEM]
သူ့(လွင်ဦး)ရှေ့မှာပြုံးရွှင်ကာဖြင့် ရေထမ်းနေပါသည့် ဇာတ်လိုက်အားကြည့်ကာ သူ့မှာ သနားလည်းသနားမိသလို ရယ်လည်းရယ်ချင်မိသည်
ဘယ်ကနေစပြောရမလဲဆိုရင်ဖြင့် သူမနေ့က ဇာတ်လိုက်အား ဒီနေ့ကိုယ်တိုင်ချက်ပြုတ်ပေးမယ်လို့ပြောမိသည့်စကားကနေစရမယ်ဆိုပိုမှန်ပေလိမ့်မည်
အဲ့စကားပြောမိသည့်မချိန်မှစပြီး အူမြူးနေတဲ့ ဇာတ်လိုက်မှာ သူ့အားဘာတစ်ခုမှ မလုပ်ခိုင်းပါပဲ သူ(မြတ်ဓူဝံ)ချည်းသာဒိုင်းခံလုပ်နေခြင်းမှ နားသည်ကိုမရှိ။ပြောရရင်တော့ ဘယ်တုန်းကမှသူ့အား မည်သည့်အရာမျှမလုပ်ခိုင်းသည့်သူပါ
“ ဟေ့လူ…ခင်းဗျားမြင်ရတာမျက်စိကိုနောက်တယ် ငြိမ်ငြိမ်နေလို့မရဘူးလား ”
“ အာ…ခဏလေးပါနော် ဒါလေးပြီးရင်ပြီးပါပြီ… ”
“ အင်း…ပြီးရင်ကျွန်တော့ကိုလာကူပေး ”
“ အင်းအင်း အင်း ကိုယ်အမြန်ပြီးအောင်လုပ်လိုက်မယ်နော် ”
ပြောကာဖြင့် ရေဆွဲခြင်းအလုပ်အား လက်စသပ်နေပါသည့်မြတ်ဓူဝံကိုကြည့်ပြီး နှုတ်ခမ်းထက်အပြုံးနုနုလေးအားပန်ဆင်လို့ပန်ဆင်လိုက်မှန်းသတိမထားမိစွာဖြင့် လွင်ဦးတစ်ယောက် လယ်ကန်စွန်းရွက်အားဆက်လက်ကာသင်လို့နေ၏
ကောင်လေးအား လုပ်ကူရန်အလို့ငြာ လုပ်လက်စအလုပ်အားအမြန်အပြီးသပ်လိုက်ပြီး မနေ့ကခူးလာတဲ့လယ်ကန်စွန်းရွက်အားသင်နေပါသည့်ကောင်လေးရှိရာ အိမ်ရှေ့ကွပ်ပျစ်ပေါ်ကိုဝင်ထိုင်လိုက်ရင်းသင်ကူရန်ကြံရွယ်လိုက်သည်
“ ပြီးပြီလား… ”
“ အင်း ”
“ ရော့…ဒါသင် ”
ကြက်သွန်နီခြင်းအားထိုးပေးလာကာအခွံသင်ခိုင်းပါသည့်ကောင်လေးကြောင့် ယူလိုက်ရင်း အခွံသင်ရန်စတင်လိုက်လျှက်
“ ခင်ဗျားပြီးရင် ကြက်သွန်နီကိုပါးပါးလှီးပြီးရေဆေးထားပေး ကျွန်တော် ငါးရံ့ခြောက်ဗလာချောင်ကြော် ကြော်မလို့ ပြီးရင် ကန်စွန်းရွက်ကိုမန်ကျည်းသီးမှည့်နဲ့အချဉ်ရည်ချက်မယ်…အိမ်မှာရှိတဲ့ကြက်ဥငါးလုံးကိုမွှေကြော်လေးကြော်ပေးမယ် တစ်နေကုန်စာတော့ရနိုင်ကောင်းပါရဲ့ ”
YOU ARE READING
Lord Of My Heart [SYSTEM] {ခေတ္တရပ်နား}
Storie d'amoreချမ်းသာပြီးဂျစ်ကန်ကန်နဲ့မိုက်တိမိုက်ကန်းနေတတ်တဲ့တောသူဌေးသားလေးတစ်ယောက်... တစ်နေ့မှာထန်းရည်မူးပြီး ရေချောင်းထဲပြုတ်ကျရာကနေ system တစ်ခုနဲ့ချိတ်ဆက်မိသွားတဲ့အခါမှာတော့ ဘာတွေဘယ်လိုဆက်ဖြစ်မလဲ??? ဟီးဟီးအသစ်လေးပါ...သူများတွေနဲ့မတူအောင်အတတ်နိုင်ဆုံးကြိုးစား...