عروسة_الهاربة

حلقة التاني

#مسلسل_العروسة_الهاربة
#من سلسلة
مسلسلات_العنف
#الكاتبة_زينب_عبدالقدوس

ــــــــــــــــــــــــــــــ

‏إذا أصابك هم أو أحسست بضيق في الصدر فاستغفر ثم استغفر ثم استغفر واستمر بالاستغفار ، وتأكد أن الهم سيزول والحزن سينجلي والصدر سينشرح
نحيت الفيلو ولبست بجاما عادية منبيش نلبس روب ولا اي شيء يدل علي اني عروسة مستحيل نتقبل موضوع عريس اختي ايكون عريسي حندير اي شيء عشان يطلقني ونرجع لحوش هلي مستحيل نقبل نعيش معاه كأني هيام لاااااا مستحيل
غسلت وجي كويس ومسحته بي المناديل ولميت شعري كعكة وطلعت الحوش كان يهبل ومش كبير واجد ولا صغير دور التاني كان فيه ثلاثة غرف وحمام واحد نزلت علي الدروج بشوية ونبحت في الحوش فوق لوطة يمين يسار كان بسيط بس سمح يلي استغربت علاش الاضواء خافته؟؟؟  مع انه وقت يلي دخلوني كان الاضواء منورة المكان وقفت محتارة في اخر الدروج معش عرفت وين نمشي ولا المطبخ من اي ناحية تقع مشيت بشوية لجهة اليسار كان فيه باب دار مفتوح والضي والع قربت وقفت علي فم الباب نبحت طلع المربوعة كان المربوعة واسعة وكبير والصالونات علي لون الذهبي والاسود والدهان ابيض والتلفزيون شاشة كبيرة ووالعة علي قناة ام بي سي تو وريحة دخان منبعت ما يدل انه كان فيه واحد والدليل الطفايا الدخان والكاس امية وشكارة سودة فيه حاجات ملوح بأهمال والارقيلة والريموت جنبها
قعدت ندقق في التفاصيل ومحسيتس بشخص لي واقف ورايا
مصطفى مد يده وولع الضي
وانا انفجعت بعد انولعو الاضواء فجاة وصرخت بدون حس مني حطيت يدي علي فمي نرعش علي بعضي وهو يبحت بدون رد فعل
مصطفى بصوت بارد. سلامتك
مقدرتش نرد عليه قعدت متجمدة نبحت حاطة يدي علي قلبي
مصطفى. تعالي نتعشو
ومشا لجهة المطبخ
وانا متحركتش من مكاني ألا وبعد وقف بحتلي
مشيت وراه متوترة في المطبخ كان مجهزين عشاء خيالي وحلو وعصير وحتي طريقة التجهيز سمح
مشا قعمز وانا واقفة نبحت فيه
لين رفع راسه عليا مشيت قعمزت قعد يتعشا وانا من الاول توترت بعدها خديت الحلو ناكل فيه
مصطفى تمتم بصوت مسموع. دار يلي في راسه وزوجك ليا
انا. نعم؟؟؟؟
مصطفى ياكل
انا استغربت من كلامه وبديت نفكر شن قصده من الكلامه وعلاش قال هكي؟؟؟  بلحظة توقعت إنه عرف القصة واني انا مش خطيبته وانهم زوجوني بدالها
بس فجاة بدي ياكل بسرعة وحركاته كلها متسرعة ويحك راسه ومرة رقبته وطول الوقت عيونه علي الصحن يلي ياكل فيه و فجاة لوح الكشيك بقوة
انا خديت نفس بقوة وانرعبت منه
بحت فيني ضام حواجبه شكله كله تغير كانه راقيلة
ناض وبرم مشا طلع من المطبخ 
انا قعدت مصدومة شن يلي صار توا؟؟؟؟ معقولة حتي هو مغصوب من الزواج هضا
فجاة جاني شعور سمح
توقعت اني بعد نحكيله القصة يطلقني ويخليني نمشي علي سبيلي وهو يمشي علي سبيله

.
.
.
.
.

كانت مربوطة يدها وكرعيها وحاطين لصقة علي فمها وعيونها مربوطة بي الطرحة وطايحة في مكان معزول ومظلم مفيش ولا ذرة نور
خش عليها واحد فاتح فلاش النقال قرب منها وطبس حط يده علي رقبتها يحسبها دايخة ولا فاقدة الوعي هيام انفجعت وتحاول تعيط بس فمها امسكر دموعها بدو ينزوا بدون حول ولا قوة 
وقف الراجل يبحت فيها لثواني وبعدها قال سامحيني بصوت واطي بينه وبين نفسه وبرم طلع برا  كان فيه ثلاثة رجالة واقفين يهدرزو وواحد سمين يدخن
جاء الراجال يلي كان داخل وقال (معش في حسابات بينا) قالها وركب علي سيارته ومشا
خشو الرجالة الزوز رفعوها حطوها في السيارة والراجل السمين ركب علي السيارة ومشا بيها
هيام كانت مرعوبة ومتعرفش شنو اللي ايصير معاها لي تعرف انها جتها رسالة من رقم مصطفى يلي تواصل معاها مرة وحدة قبل العرس بأسبوعين وكان يسأل فيها لو تبي حاجة ولا ناقصها حاجة "

طبعا هيام بعد خشت علي اساس ماشية الحمام طلعت من باب الحوش
المزين اصلا عبارة عن دار امدايرينه مزين وعنده بابين باب الرئيسي وباب  ينفتح داخل الحوش ومن خلالها تخش داخل الحوش
وهي بعد خشت داخل الحوش طلعت من باب الحوش علي اساس تشوفه وترجع بس بعد طلعت بعدها مش متذكرة شن صار
فجاة لقت يدها وكرعيها وعيونها مربوطات وحاطين لصقة علي فمها
.
.
.
.
.

من جهة التانية العيلة كلها شاعلة فيها النار يدورو في بنتهم الهاربة وخميس برمته حلف انه لو يلقاها يقتلها بنفسه لانه يلي يخرب ويطيح سمعته بنسباله مزال ما انخلق علي وجه الارض ويلي دارتها بنته معندش اي تبرير إلا عبت وإهانة بسمعته "

بينما كنت أبحث عن الراحة النفسية، تعلّمت أن الاستغناء عن الأشياء المادية يؤدي إلى الرضا، وأن الرضا هو جزء من الإيمان.

سمعت صوت عياط هستري وحاجات ينكسرن كأنه في عركة في دور التاني طلعت من المطبخ بسرعة رقيت لي الدروج بسرعة وقلبي يخبط بقوة فجاة الصوات اختفو وعم الهدوء وقفت لدقائق نتسمع بس مفيش رد فعل مشيت بشوية لجهة يلي كان طالع منه الصوت كان الباب مفتوح علي اخر قربت بشوية وبحتت داخل بسرقة و😳😳😳😳😳😳😳شفت شي خلاني نتيبس في مكاني
لااااااااا اكيد نتخيل لا مستحيل 
هضاااا لااااا

#تابعونا_في_حلقة_الثالثة"
#العروسة_الهاربة
#زينب_عبدالقدوس