عروسة_الهاربة

حلقة الاولى

#مسلسل_العروسة_الهاربة
#من سلسلة
مسلسلات_العنف
#الكاتبة_زينب_عبدالقدوس
صلو علي النبي

ــــــــــــــ(حلقة الاولي)ـــــــــــ

اللهُم لا ضياع ، ولا إختيارات خاطئة ، ولا طرق مؤدية للهلاك ، اللهُم دُلني وخذ بيدي ، يارب أرح قلبي ، براحه تُغنيني عن كل شي ، وأبعد عني خيبات الحياة ، وتعبها ، سُبحانك إنك على كُل شيءٍ قدير تمتمت بصوت واطي الدعاء لي ديما نررددها في اوقات حزني ومسحت دموعي لي رافضين يجفوا
حسيت في خطوات جايين لجهة الدار من برا قلبي بدا يخبط بقوة وعرقي نازل لين الشخص وقف برا الباب وشوية فتح الباب
وانا مرعوبة نبحت
خش شاب في وسط العشرينات طويل وشعره كيرلي ولحيته خفيفة ولونه مش ابيض ابيض ولا اسمر وعيونه خضر مايل للاسود بس من ملامحه عرفت انه هو لانه فيه شبه من بوه صاحب بابا بس الغريب في الموضوع انه مش لابس بذلة ولا من شكله كان باين انه عريس شكله كانه كان كيف نايض من نومه كان شخصيته عادية جدٱ وفجاة راح الخوف والتوتر لي كنت نحس فيه لان ملامحه كان هادي وواضح انه انسان هادي وطيب علي نياته
انا الشيء الوحيد يلي نعرف عنه هو اسمه فقط (مصطفى) لانه هو علي حسب معرفتي من اختي انه مش نوع لي يحب يهدرز في تلفونات ولا يحب يطلع لقاءات معاها عشان هك مكانش فيه تواصل مع اختي نهائي وانا معنديش عنه معلومات غير اسمه
طال نظراته يبحت فيني حسيته مندهش فيني لانه المكياج ذايب مختلط مع دموعي واكيد الكحل والرسم العين عاملين عار ف وجي
قال كلمتين وطلع لا سلم ولا بارك ولا شيء
قالي غيري وانزلي للمطخ
وطلع
صوته غليض ويخوف و مش منطبق مع شخصيته نهائيا
قعدت متوترة نرعش علي بعضي امته ينتهي الكابوس هاذا وعلاش هيام دارت هكي وحطتني في موقف هاذا نزلو دموعي من جديد نتذكر في ملامح بابا وقدايش كان معصب ياريت لو يفهم إني انا مليش ذنب من الشيء يلي دارتها اختي
نرجعو للخلف ونفهمو كيف تم الموضوع كلها
.
.
.
صرخت معارضة الموضوع . كيييف يعني نلبس الفيلوووو هيام وينها وعلاش انا نلبس الفيلو امتاعها
بابا رفع يده يبي يضربني بس خويا موسى مسك يده
موسى. اهدء يابوي طول بالك
انا معش تمالكت روحي وعبو عيوني بدموع فوق ماني مش فاهمة حاجة يبو يجبروني نلبس فيلو اختي
بابا يفنص فيني وقال وهو يزر علي سنونه بغضب ملحوظ قسم بالله قسم بالله يا ريهام ندبحك انتي وياها ديري لي تقولك عليه مسعودة فيسع
وخرت مفجوعة ودموعي نزلوا قلبي ينط بقوة
صدام معش تحمل النقاش اكثر وطلع اسلاحه معصب وعيط عليا بتهديد . ديري يلي تقولك عليه مسعودة فيسععععععع منبيش نسمع حسك منبيش نقاش هيااااا فيسععععع
تجمدت من السلاح وعمتي انرعبت ومسعودة تدخلت بسرعة
مسعودة. اهدا صدام متتهورش نزل السلاح وهياااا انتو اطلعو انا نحكي معاها
انا في وقت هضا انهرت كليا معش قدرت نمسك دموعي وخشيت في نوبة بكاء هيسترية وكنت مرعوبة نرعش
طلعوا بابا وخوتي "
ومسعودة حكتلي القصة كلها وانها اختي هيام هاربة والكل معصب من شيء يلي دارتها وحاسين بأحراج ومش عارفين كيف يتصرفو و يبوني انا نلبس الفيلو ونطلعلهم علي اساس انا هيام عشان ينسترو من الفضيحة والعار يلي هما فيها وعشان سمعتهم ما ينخربش"
.
.
باهي انا شنو حيصير فيني؟؟؟؟
هدي حياتي معقولة عشان غلطة اختي دارتها ينخرب حياتي وانا نتحمل عواقبها ؟؟؟؟
هدي عرسها !!!!!
والعريس عريسها !!!!!
انا ملياش علاقة بيها!!!!
.
.
صرخت عليهم وحلفت منلبسش لا الفيلو ولاني طالعة
خشت امي وكانها كيف سماعة بيه القصة خشت منهارة تبكي
ضيعتنا وطيحت سمعتنا وهربت الله لا يسامحها الله لا يسامحها كيف دارت هكي ياربي هدي تربيتي وتعبي وسهر اليالي عليها هدي جزاء تعبي عليها اهئ اهئ
انا ومسعودة حضناها وهديناها شوية
فجاة عمتي ثريا قالت. اهدي ووطي صوتك يا سعاد وخلينا نديرو يلي طلبها منا خويا خميس ونجهزو رهام نحطوها بدل هيام

انا هزيت راسي نبكي بحرقة. مستحيل نتزوج عريس اختي لاااا ماما بالله عليك فهمي بابا شيء لي يدير فيه غلط
بس فجعتني رد ماما بعد انهارت من جديد وبدت تقولي لو تبي نسامحك الدنيا والاخرة ديري يلي قالك عليه بوك
الدنيا قعد اسود قدامي معش في مهرب امي حطتني قدام خيارين يا انا يا هي هكي قصدها

وافقت بغصب ورضيت بيه الموقف لي انا فيه وتوكلت علي ربي عشان ماما وعشان سمعت بابا وخوتي
جهزوني ومرت خويا دارتلي مكياج ومكانش مكياج عروسة كان مكياج عادي وعشان الوقت كل شيء صار بسرعة حتي بعد طلعوني في الكوشة مطولتش نص ساعة ورجعوني داخل
والبايخ اكثر في الموضوع يلي رفعني خو العريس مش العريس هو
عمتي ثريا ومسعودة مسيبونيش بروحي جابوني للحوش وواسوني وقالولي عرم كلام بس من القهر والوجع والبكي مش متذكرة ولا كلمة من الشيء يلي قالوه ليا
مكنتش نعرف انه هدي بداية معاناتي مكنتش نعرف انها هدي بداية جحيم حياتي مكنتش نعرف انها هذم اسوء ايامي "
.
.
.
.
.
#تابعونا_في_حلقة_التانية"
#العروسة_الهاربة
#زينب_عبدالقدوس