عروسة_الهاربة

حلقة الثالث

#مسلسل_العروسة_الهاربة
#من سلسلة
مسلسلات_العنف
#الكاتبة_زينب_عبدالقدوس
ــــــــــــــــ(حلقة3)ــــــــــــــــــ

مشيت نجري لدار يلي كنت فيه خشيت وقفلت الباب مفجوعة حاطة يدي في قلبي مزال مش امصدقة يلي شفتها معقولة لااااااااا منبيش نتخيل مجرد خيال مسكت راسي بيدي لتنين وبديت نبرم يمين يسار يمين يسار
مسحت دموعي باااابااا لازم نكلم باتيييي بس تذكرت انه نقالي مع مسعودة
كييييف ندير ياربييييييي
قعمزت علي السرير نهدي روحي ونبكي انا لو ما اتطلقتش منه حنموووت اكيد حنموووت
فجاة ضرب الباب بقوة بكراعه. افتحييي
انا خلاص تيبست
قعد يخبط ويقولي افتحي ويتفلسف في الكلام مش مفهوم
ربع ساعة وهو يخبط لين تغير نبرة صوته وحركته وحسيته تعب وزهق
عم الهدوء إلا صوت شهقاتي يلي مقدرتش نسيطر عليها مسحت دموعي ونبحت للباب لين غفيت بدون ما نحس علي روحي

هيام فقت علي صوت عياط بيبي صغير فتحت عيوني بصعوبة نحس في جسمي كله متكسر وتوجع فيا اول ما فتحت عيوني وتذكرت اني كنت مخطوفة شهقت برعب ونضت قعمزت نبحت يمين يسار كنت في دار اصغير والحوش باين انه قديم واجد حتي الزواق الساس قديم و متقشر والصقف فيه شقوق وبقع اميه امدايرا خريطة
بحتت علي يدي و الحبل يلي كنت مربوطة فيه امدايرلي علامات حمرة
نزلت من السرير بشوية ومشيت للباب فتحت الباب بشوية وطلعت اول ما طلعت وطل عليا عزوز كبيرة رافعة ولد صغير ترضع فيه برضاعة
العزوز اول ما شافتي وتكلمت. صباح الخير بنتي كيف حالك حمدلله علي سلامتك
انا توترة في الاول. الله يسلمك من انتي وعلاش انا هنا؟ من جابني هنا
العزوز قبل لا تجاوب علي كلامي سمعنا صوت راجل كان جاي من برا يتكلم في تلفون خش عليا داخل
الراجل اندهش اول ما شافني بس بعدها نزل راسه وحط شكارة خبزة جنب الباب وطلع
العزوز.انتي يا بنتي لقيناك قدام الباب ملوحة انتي بنت من ومن عيت من
معرفتش بشن نجاوبها لاني حتي انا منعرفش شن صار قلتلها انخطفت وحكيتلها القصة وطلبت منها عبايا ووشاح
العزوز قعدت تقنع فيا نفطر وبعدها ولدها يوصلني بس اصريت نمشي لبست العبايا والوشاح وطلعت من عندهم مشيت مسافة شوية وسمعت العزوز اتنادي والراجل طلع من الحوش يلبس في جاكته وجاي لجيهتي
وقفت نبحت لين الراجل جاء قريب وقال نوصلك
متكلمتش وبديت نمشي وراه وهو ماشية بمسافة من قدام وصلنا لشارع الرئيسي رفع يده ووقف تكسي ركب وانا ركبت من خلف قتله علي عنوان الحوش ومشينا متجهين للحوش "

عند عيت خميس قلبو الدنيا يدورو علي هيام والموضوع خرج عن السيطرة وشبه طلعت من العيلة وقعد علي لسان الناس
خميس نفسيته تحت الصفر بدي يعصب من ابسط حاجة
والشباب مزال يدور علي اختهم في كل مكان وحالفين لو يلقوها يقتلوها

ريهام فقت نسمع في صوت السيارات يتحركو من برا والشمس خاش من الروشن مسحت علي وجي ومددت جسمي نضت قعمزت نبحت في جهة الباب
خشيت للحمام توضيت وطلعت صليت لوقتها كان كل شيء هادي
مشيت بشوية مسكت المفتاح مترددة نفتح ويطلع هو راقد علي فم الباب ويتهجم عليا
فتحت الباب بشوية نرعش وتوكلت علي الله وفتحت الباب و كان 😳
فاضي مفيش حد تنفست براحة نزلت للمطبخ شربت اميه وسمعت صوت الباب يخبط
طلعت من المطبخ وانفجعت بيه ناز من الدروج بسرعة
وفجاة جاي لجيهتي حسبته بيخش المطبخ بس يلي صار انه مسكني من رقبتي بقوة يفنص عليا
مصطفى. شيء يلي شفتيه امس انسييه ياااااويلك لو تحكي لحد انسيههه ابلعيههه مفهوووم
كنت خايفة واجد قلتله باهي تمام مش حاكية لحد
مصطفى سيبني وبعد عني ولف مشا لي الباب يفتح وانا مشيت رقيت لداري بسرعة لانه منظري مش لائق
خشيت للدار ونرعش علي بعضي هضا مش طبيعي مستحيل يكون طبيعي لاااا
دقايق وفيه حد خبط علي الباب
من؟؟؟
مسعودة. انا يا ريهام
ما صدقتش من الفرح ومشيت نجري فتحتلها الباب وضميتها
مسعودة. شن صار احكيلي
انا بحتت برا الغرفة يمين يسار دخلتها وسكرت الباب وخديتها وقعمزنا علي السرير وطول
مسعودددةة هضا مش طبيعي ياخد في مخدرات 😭😭😭😭
مسعودة انفجعت. كيف ياخد في مخدرات؟؟؟
امس في اليل تصرفاته كان غريبة وفجاة كسر كل شيء في دار يلي جنبنا وبعدها بسرقة قربت نشوف وكان يدخن في مخدارت
مسعودة. شني الوهم لي تقولي فيه شن دراك انها مخدرات؟؟ بالك دخان
وقسم بالله مخدرات ماهو شفته بعيوني يلفها ويولعها
مسعود. وووك علينا وووك بابا كان يندري مستحيل يعطي بنته لواحد يتعاطا
جاني شعورسمح وابتسمت. يعني خلاص بيطلقوني منه
مسعودة. اكيد بابا مستحيل يرضا براجل هكي
وتغير ملامح وجي للعبس وحزن. باهي مزال ما لقو هيام؟
مسعودة . مزال كان تشوفي حالة الحوش وبابا نفسيته صفر يهزب من ابسط شيء ويعارك
باهي علاش هيام دارت هكي بالك وقت عرفت انه يتعطي الحاجات اهما هربت
مسعودة. مش عارفه مش عارفه ربي يهديها ويكون معاها خوتي حالفين لو يلقوها يقتلوها
حتي انا خايفة عليها
مسعودة.نوضي هيا غيري اكيد العرب يجو يباركولك وديري بالك تبينيلهم انك رهام مش هيام
اي عرب؟؟؟
مسعودة. كيف اي عرب!!! عربك انتي هيااا فيسع
هففف اي عكري جوي عكري صحح نقالي وينها
مسعودة خدت شنطتها وطلعت منها النقال وعطتني
لبست فستان مستور سمح علي لون الازرق الملكي ومسعودة حطتلي المكياج
وزي ما قالت مسعودة ساعة ونص وجوني خواته مع صغارهم
قعمزنا هدرزنا وشربنا قهوة