عروسة_الهاربة

بارات السابعة والاخيرة

#مسلسل_العروسة_الهاربة
#من_سلسلة
#مسلسلات_العنف
#الكاتبة_زينب_عبدالقدوس
ــــــــــــــــ(حلقة7)ــــــــــــــــــ

هيام انصدمت بعد طاحو مني اصور خوتي واحد واحد وحتي صورة باتي
وكل صورة مكتوبة عليها من الخلف (مهمة) بخط احمر وتحتها تاريخ(2009)
قعدت نبحت محتارة شن مخبي الراجل هضا وعلاش خش في حياتنا فجئة معقولة متعارك مع واحد من خوتي ويبي ينتقم منا كلنا
نضت ندور علي نقالي ملقيتاش معش عرفت وين عزقتها بس ضروري نكلم بويا بكل شيء صار اليوم ضروري يوصل الكلام هاذا لباتي ضروري بابا يعرف بكل شيء
مشيت نخبط الباب بقوة ونصرخ عليه يفتحلي "

ريهام. تعشينا وبديت نغسل في الصحون ونغني....
كملت اصحوني وطلعت كان الساعة تقريب 12 وكم دقيقة
رقيت علي الدروج واول ما طل عليا الممر ولقيت مصطفى طايح جنب باب داره مشيت نجري مش فاهمة شيء طبست نكلم فيه بس كان في وضع تشنج جسمه كل يرعش
خشيت نجري داخل الدار وفتحت الدرج يلي فيه الفازوات الحبوب خديت فازة ومياة طبيعية كان محطوط داخل الدرج وطلعت بيهم نجري رفعت راسه حطيته علي كراعي وتبتها بصعوبة قدرت نعطيه الحبوب ونشربه المياة
وحطيت يدي علي جبينه وبديت نقراء اية كرسي لعله يطيب بسرعة
قعدت نقرا ونقرا وهو خلاص راح منه التشنج بس جسمه معش عنده حيال لشيء قعد يبحت فوق لصقف وخلاص
وانا قعدت نمسح علي راسه وشعره ومستمرة نقرا فيه الاية لين خلاص طاب

صدقي فتح الباب ولقى الدار عجينة وانا من التعب قمعزت نلتقط انفاسي من كثر ماهو صرخت معش عندي حيل لشيء
وحنجرتي وجعتني من العياط
اول ما خش صدقي وقربت منه ماسكة الصور. هادم علاش معاك في شنو تخطط انت احكييي وشن علاقتك مع عيلتي
صدقي بعصبية.خدا مني الصور ومسك من يدي بعنف وفنص عليا. متخليش نجن عليك فيسعععع ضمي الدار
فكيت يدي من يده بعنف وبديت نسب ما سيبتش كلمة حقيرة وما قلتله
صدقي بلحظة غضب قال حاجة خلاني نصعق في مكاني

مصطفى قعمز ومد يده خدا الفازة وناض وقف و خش لداره
وانا مديت يدي وخديت الشيشة المياه الفاضية ونضت نبحت لدار يلي خش منه
مشيت نزلت للمطبخ كبيت كاس اكبير مياه ورقيت دقيت الباب مردش عليا خشيت وسمعت صوت الدوش ما يدل انه يتحمم
حطيت المياه علي الطاولة وطلعت
خشيت لداري وسكرت الباب طول توجهت لسريري وطحت عليه بتكسل حياتي قعد مملة اكثر ماهو كان ممل مفيش شيء جديد غير القهر كنت نبي نكمل دراستي وندير حفلة تخرج كبير ونعزم كل صحباتي وزميلاتي وبعدها نفكر في الزواج ومش من اي حد لااا من ولد عمي مهند كنت نتخيل روحي عروسته وماسكة يده ولابسة الفيلو يلي ف خاطري ويزفني لحوشه ونعيشوا احلة ايام
بس بلحظة انخرب كل شيء بلحظة لقيت روحي لابسة الفيلو وعريس غريب ولاغرب من هكي انه خطيب اختي وفوقها مجنون هفففففف
كملت كلامي وطول فيه حد فتح الباب "
كان مصطفى ماسك تليفوني حطها علي الطاولة وبحتلي وكان مضايق واضح من ملامح وجه قالي اي صح مجنون وطلع وقربع الباب وراه
انفجعتت قعمزت حطيت يدي ع فمي. حييييي معقولة سمعني ياااربييي
طلعت من داري ودقيت ع باب داره مبش يرد فتحت الباب ودخلت راسي نقصقص لقيته راقد ع سريره ويبحت لي
ابتسمت من الاحراج وخشيت سكرت الباب ولصقت ظهري ع الباب وقلت. انت فهمتني غلط ا انا مكنتش نقصدك بكلامي
مصطفى. اطلعي وسكري الباب وراك
ريهام. علاش نطلع ونسكر الباب ليش مش انا مراتك؟؟؟
قعد ساكت يبحتلي
مشيت قربت من السرير نضغط علي اصابعي
ريهام. عادي نرقد جنبك ولا ممنوع
متكلمش بس ملامح وجه تغيروا لهدوء
بعد عيونه وقال. لي يريحك
مديت يدي رفعت الورغان وتمددت جنبه نبحتله. علاش تعاملني بغرور ليكون كرهتني قبل لا تعرفني
بحت فيني بستهزاء. صح انا مجنون علي قولتك بس مش هبل لدرجة منعرفش نفرق بين خطبيبتي واختها واضح انه في لعبة لعبتوها انتي مش هيام انتي اختها التوأم
كأنه مياه باردة انكبت ع راسي انفجعت وقعمزت نبحتله يااا عليك احراججج مقدرتش نزيد نكذب ونمثل دور اني هيام مكانش ورايا حل تاني غير الهروب
طلعت نجري خشيت لداري وسكرت الباب قعدت دقيقة واقفة نكلم روحي. هو من امته عرف؟؟ وحطيت يدي علي فمي ياا عليك احراج ياربي شني الموقف لي انحطيت فيه
صح مفروض صارحته من الاول
اصلا كل شيء صار غلط من الاول
هو خطب هيام مش ريهام لو كان يبي يخطب ريهام را خطبها بس هو كان يبي هيام هاذا علاش خطبها مسحت دموعي ومشيت تمددت علي سريري بقهر عليك عار كيف قدرت انديرها اختي هيام عندها حق كان لازم نمنع الزواج هضا حتي لو كلف الموضوع نقتل روحي بس انا هبلةةةة هبلةةةة وقعدت نبكي
مصطفى فتح الباب رافع مخدته ورد الباب وخش
رفعت راسي نبحت فيه لين جاء تمدد علي السرير
قعدت نبحتله مقدرتش نزيح عيوني
مصطفى. خير علاش تفنصي
بعدت عيوني نمسح دموعي
مصطفى. علاش درتوا هكي؟
ريهام. خايفة نحكيلك وتزيد تكرهني وتكره عيلتي
مصطفى. احكي
حكيت كل شيء عسى يسامحني ومياخدش انطباع غلط فيني "
كملت كلامي ومطلعش منه رد فعل او كلمة
قعدت ربع ساعة ع الحالة هادي لين حسيت ظهري تشنج تمددت ومزال قلبي محروق من القهر
بس فجعني ايدين مصطفى يلفوا حوليا ويسحبوني لعنده حضني حضن نساني كل شيء عشته كأني انخلقت من جديد
واضح انه كان محتاج يحضن ويفش غل يلي في قلبه
وانا عكسه كنت محتاجة حد يحضني ونشكيله ونغرقه بدموعي
ونحنا علي الحالة هادي سمعنا صوت عياط مراة تصرخ وصوت راجل كأنه فيه عركة قوية
مصطفى ناض طلع بسرعة بعد عرف انه الصوت جاي من حوش ولد عمه وانا طلعت وراه بعد خديت عبايتي ووشاحي كان الحوش قريب خطوتين بس قربت من الباب وخفت نخش وهيام تديرلي قصة وتزعل مني بزيادة بس صوت صراخها خلتني نخش بدون تردد
هيام كانت تصرخ وتلوح كل شيء قدامها لدرجة كسرت مزهرية علي راس صدقي وبدا ينزف وصدقي جن جنانه ورفع يده عليها بعد لوحلها كلام نار وحقائق مخفية كان لازم تعرفها من البدايا

مصطفى مسك صدقي وخداه معاه لحوشنا وانا مفجوعة مشيت لاختي ضميتها ونهديها بس هي دفتني وقالتلي بصوت مفجوع. كذاااب حقير تعرفي شن قاليييي الكل.... ب ولد....الكل...ب
مستحيللللل هضا كذذذاب للااااا اكيد كذذذابببب كل يلي قالها كذب في كذب وانا علاش انصدقههه علاااااششششش نبي نمشي الحوش
ريهام. ليش شن قالك هو؟؟
هيام. كذابببب
ريهام. باهي احكيلي شن قالك
هيام. تبي تعرفي شن قال الكل.ب ولد الح.. رام
ريهام. اهدي هيام واحكيلي بشوية
هيام. قالي انه بابا يتاجر في البنات يبيع في بنات اصغار لخارج الدولة وخوتي يتاجرو في المخدرات وعرم كلام كله كذب وتشويه السمعة وتعرفي شن قال ههههههههههه خوتي باعوني لتاجر المخدرات عشان اشوية عركة صار بينهم وعشان يسكتوه التاجر باعوني بدم بارد وانه هو لي ساعدني وهربني منهم
اتصلنا علي خويا جهاد وجاء بياخدنا بس صدقي كان يهدد فيا لو طلعت من الحوش نعتبر روحي طالق
وفعلا مدورتش وركبنا ومشينا للحوش
كان الكل راقد خشينا ورقدنا في ديارنا
جاء الصبح وحكيت لبويا كل شيء بس الغريب ف الموضوع انه بابا توتر وخويا جلال هزبني وطلب من خويا جهاد يرجعنا لحواشينا
وفعلا رجعنا وانا قعدت محتارة علاش ما تكلموش ولا دافعوا ع رواحهم
كان الساعة ال10 قريب 11 خش صدقي لقاني امقعمزة عيط عليا وهزبني وفي النهاية قالي انتي طالق بثلاثة ومعش توريني وجك
ما وجعنيش موضوع الطلاق بس خوتي مستحيل يخلوني لو يعرفو يقتلوني مشيت عند ريهام حكيتلها كل شيء واتفقت معاها نقعد فترة بسيطة لين ما اوضاع الحوش تهدء بس اتصال مسعودة كان صدمة بنسبة لينا
مسعودة كانت تبكي واتقول الشرطة داهموا الحوش ومسكوا خوت و باتي
مشينا للمخفر وصدقي كان غادي لابس زي الضباط الرسمي ومخلاناش نخشوا نشوفوهم
بس مصطفى قدر يقنعه وخشينا شفناهم بس مقالوش حاجة ولا بررو رواحهم
ومن خلال كلام صدقي لمصطفي فهمنا انه بابا كان صح يتاجر في الاطفال بس مكانش عنده علم بتجارة المخدرات يلي متوطين فيه خوتي وتحكموا عليهم حبس 25 سنة

طبعا انا هيام قعدت فترة شهرين عند امي بعدها صدقي رجعني وتصالحنا

اما ريهام ومصطفى سافرو لتونس لانه بوه ديما يعاركه ويديرله مشاكل والسبب انه في عمر ال17 دار حادث ومن خلالها تسبب في موت خوه لي اكبر منه بسنتين وهو طبعا جاء ضربة قوية في راسه و مرة مرة يفقد اعصابه ويجيه حالة عصبية وبوه من وقت الحادث وابوه من طفولته يعذب فيه لين كبر ومزال يعاقب فيه علي ذنب معندش فيه قصد