عروسة_الهاربة

بارات السادسة

#مسلسل_العروسة_الهاربة
#من_سلسلة
#مسلسلات_العنف
#الكاتبة_زينب_عبدالقدوس
ــــــــــــــــ(حلقة6)ــــــــــــــــــ

.
.
.
.
.
.
.
.
مر علينا 5 ايام وقروا فاتحتي ومشيت لحوشي يلي انصدمت انه املصق علي حوش اختي ريهام
كان كل شيء ماشي طبيعي غصب عني بس موضوع الرسالة مش قادرة انطلعها من راسي ونبي نسال مصطفى علاش دار فيني هك وخرب حياتي وانا شن درتله بيش دار فيا هكي
بس الوقت مكانش مناسب والحوش معش فضا من الضيوف يلي يجو يباركولي

ريهام. من بعد اختي هيام تزوجت من راجل تاني قدرت نتقبل مصطفى شوية وتغيرت من ناحيته بس الموضوع هضا ميغيرش حقيقة انه هو مريض نفسي وديما يفجعني بجنونه
اختي هيام ساكنة بجنبي بس مش قادرة نمشيلها عشان قصة زواجي من خطيبها مدايرتلها عقدة وتعاركني بدون سبب بس مهما كان نحنا خوات وتوأم معمرنا اختلفنا في شيء ومتأكدة فترة بسيطة وتسامحني وتتقبل الواقع لي نحنا فيه

هيام. بعد اسبوعين من زواجي حسيت فيه شيء غلط في حياة صدقي ونحس فيه انسان غامض بكل
ويطلع كل يوم في نص اليل الله اعلم وين يمشي ويجي
مرة ونحنا راقدين جاه اتصال تقريبا كان الوقت متاخر الساعة 3 الفجر او 2 خدا النقال ورد وبعدها ناض قعمز وبدا يوشوش وايقول توا انجيك وسكر الخط وحط النقال ع الكومدينة وناض خش لي الحمام (حشاكم)
انا نضت بسرعة وخديت النقال قبل لا يتسكر الرمز وبربشته وشفت اسم المتصل كان مكتوب ادم ولي استغربت اكثر كان فيه 6 مكالمات فائته من خويا جلال وشفت رقم بابا مكلمه مرتين ف نفس اليوم
خشيت في الرسايل وانصدمت انصعقت بعد شفت رسالة يلي علي اساسا مصطفى باعتلي تاريته هو لي باعتها مقدرتش نلحق نشوف رقم الشفرة سمعت صوت الباب ينفتح سكرت النقال وتمددت ودرت روحي راقدة وانا مصدومة نرعش
معناها هو يلي بعتلي الرسالة و مش مصطفى
باهي علاش دار فيني هكي علاش خربلي حياتي وطلعني حقير في عيون هلي؟ انا شن درتله
درت روحي راقدة وهو لبس لبسه وخدا نقاله وطلع
انا قعمزت مصدومة من لي شفته وبديت نفكر علاش دار فيا هك
وقفت علي الروشن نبحت فيه بسرقة ولع سيارته ومشا وانا واقفة في حيرتي "

ريهام. الساعة 10 الصبح كنت راقدة نضت من الكسل محسيتش بيه الساعة نضت علي صوت فجعتني رعشني حسيت قلبي وقف طلعت من الدار نجري مش فاهمة شيء!!!
وشيء واحد يدور في راسي اكيد مصطفى داير في روحة حاجة صوت عياط مصطفى كان قوي
كان الصوت طالع من المربوعة مشيت نجري وقفت علي فم الباب المربوعه لقيت بو مصطفى ماسك من رقبته ويخنق فيه ملصقه علي الساس ويقوله انت متنفعش لشيييي ياريتك متت انت وعاششش خوك
انا تجمدت كرعيا خلاص الدم وقف في جسمي
عبدالله اول ما شافني وسيبه وقالي بكل برود صباح الخير بنتي وبدا يسلم عليا طبيعي
مصطفى طلع من المربوعة ماسك رقبته وعلي وجه ملامح الوجع ويتنفس بقوة ويعرج في كراعه مفهمتش شيء
بس واضح من وضع المربوعة امكركب انه صار عركة مش طبيعية
انا سلمت عليه وصوتي متقطع من الخوف والصدمة وبعدها خشيت نجري رقيت لعند مصطفى بس كان قافل الباب علي روحه دقيت عليه مبش يرد او يفتح سيبته وخشيت لداري بس المنظر يلي شفتهم فيه هو وباته معش فارق تفكيري معقولة اب يتصرف مع ولده بهل وحشية وفوقها مريض
تدوشت دوش سريع وطلعت نزلت للمطبخ جهزت ضيافة ورفعتها للمربوعة بس بوه مش قاعد شكله روح!!!
خديت صفرتي ورقيت لدار يلي فيه مصطفى خبطتت الباب مبش يفتح
حطيت الصفرة لوطة وقلتله حطيتلك الصفرة جنب الباب خودها ومشيت نزلت للمطبخ نحط غدايا "