عروسة_الهاربة

بارات الخامسة

#مسلسل_العروسة_الهاربة
#من_سلسلة
#مسلسلات_العنف
#الكاتبة_زينب_عبدالقدوس
ــــــــــــــــ(حلقة5)ــــــــــــــــــ

قربت ووقفت فوق راسه بشوية
ريهام. تريحت توا؟؟  كنت بتموتت من وسخ لي تاخد فيهم
فجاة قعد يبحت فيا وعيونه استقروا ف وجي
توترت ووخرت شوية بس مزال يبحتلي
ناض بشوية وقعمز مسك راسه بشوية وكأنه حاس بصداع
مسح وجه وناض وقف وطاح منه لمفتاح
طبس خداها نحسابه يفتح الباب بس رجعها في جيبه
مقدرتش نمسك لساني وتكلمت
افتحلي الباب نمشي لهلي
بحت فيني ومطولش نظراته وخش لي الحمام
هففففف ياربي شنو الراجل هضا الله يصبرني
توا شن استفاد من وسخ لي ياخد فيه غير قريب روح روحه منه
وباهي طالما يبي يدوش علاش ما فتحلي الباب وخلاني نمشي
قعمزت علي السرير وبديت نبحت في للغرفة يمين يسار وفجاة جاني فضول ومشيت رفعت الفازة امتاع الحبوب بس مش مكتوب عليه شيء نضت قربت نبحت من الدروج كان فيه حبوب  فازوات لقيت كم ورقة خديتهم سمعت صوت الباب يطق طول خبيتهم في لبسي
مصطفى طلع من الحمام لابس تشامبر بحت فيني لاني كنت مبتسمة واضحة اني مدايرا شيء قرب مني وسكر الدرج بقوة
مصطفى. امشي غادي
ريهام. كيف نمشي غادي؟؟ غير افتحلي باب اصلا ماشية لحوش هلي
عيط عليا بصوت خلاني نبعد بسرعة
وقفت جنب الروشن نبحت فيه مضايقة ومعصبة يحساب روحه من بيش يعيط عليا
خدا لبس من الدولاب ورجع خش لي الحمام
قعدت واقفة دقيقة وطلع فتح الباب وطلعت نجري مشيت خشيت لداري وقفلت الباب وطول طلعت الاوراق نقرا وهنا كان الصدمة
كم مرة ننصدم مزالللل ياربيييييي

هيام طلعوني من المخزن وحطوني في داري وجابولي ممرضة بس الممرضة قالتلهم ضروري ما ترفعوها للمستشفى ومرات عندها كسور ونزيف داخلي طلعت الممرضة ونتذكر بابا خش عليا
ووراه خوتي كلهم خشوا عليا دفعة وحدة وكلهم بدوى يهددوني واحد واحد عشان يبوا يرفعوني للمستشفى واحتمال الامن يبرموا عليا يسألوني من شن تعرضت للاعتدا ولو إني قلتلهم خوتي السبب تكبر القصة وهما طبعاً خايفين من الحبس
مسعودة وناهية لبسوني وساعدوني ورفعوني لسيارة
دقيقة وجاء خويا فوزي وجهاد ومشينا للمصحة خاص
كانت نحس بوجع مش طبيعي في كل جسمي من المطبات الطريق والسيارة ماشية بسرعة بعد ربع ساعة
وصلنا للمصحة نزلوني من السيارة وطول التمريض جابولي البريلا وحطوني فيه ودخلوني يجروا
من وجع معش نتذكر شيء إلا بعد كم ساعة فتحت عيوني لقيت روحي في حجرة واختي مسعودة امقعمزة علي الكرسي جنبي ومودة وناهية امقعمزات علي الصالون اول ما حسو فيا وعيت جن يحضنوني ويطمنو عليا
مسعودة. حمدلله على سلامتك
مودة. حمدلله انه معندكش كسور ولا نزيف داخلي
ناهية. حمدلله على سلامتك هيوم خوفتينا عليك
هيام. مالا علاش حاطينلي الجبس علاش
مسعودة. اهدي حبيبتي الجبس لانه عندك شق بسيطة ان شاءالله اتنحيها بعد ثلاثة اسابيع او اقل
ريهام نزلوا دموعي. قسم بالله العظيم مظلومة انا مهربتش مع حد انا جتني رسالة طلعت من باب المزين وبعدها مش متذكرة إلا ولقيت روحي مربوطة ونسمع في اصوات رجالة يتكلموا وبعدها الله اعلم شن صار وعيت لقيت روحي راقدة في دار طلعت من الدار طلعتلي عزوز قالتلي لقيناك طايحة قدام باب الحوش
مسعودة. رسالة من من؟؟؟
هنا تذكرت موضوع الرسالة بما انه مصطفى هو لي بعتلي الرسالة معناها هو عنده يد بي الموضوع !!! وينها اختي ريهام؟؟ وشن صار في العرس من الفاجعة يلي تعرضتله نسيت كل شي
مسعودة مسكت يدي. يلي صار انه بويا غصب علي ريهام تلبس الفيلو وتطلع و
هيام. يعني ريهام ومصطفى تزووجو
مسعودة. هضا لي صار
حسيت بأحباط وحزن اكثر من لي كنت نحس فيه فوق ما فقدت احترام الكل فقدت حتي شخص يلي رسمت معاه احلامي وخططت نعيش معاه زي ما نبي يعني اختي تزوجت خطيبي تزوجت من شخص يلي من المفترض ايكون راجلي انا
بس شن حيصير لو الشخص هضا نفسه ايكون مسؤول عن تدمير حياتي
هزيت راسي بنفي ودموعي يقطروا قطرة قطرة مستحيل ايكون مصطفى وراء اللعبة هادي كله مستحيل هو اصلا ميعرفش اكثر من اسمي وعمري ومسمعش صوتي إلا مرة وحدة علاش ايدير فيني هكي!!!
مسعودة. فشن تفكري
ها لا منفكرش في شيء بس انا ضروري نشوف مصطفى
مسعودة. لا هكي تفضحينا الله يخليك هو مزال ميعرفش انه تزوج ريهام ومش هيام وانتي خلاص سكري علي القصة كله
من بعد اليوم ان شاءالله  يتغير حياتك لاحسن واحسن
هيام.  كيف يتغير للاحسن وانا تعرضت للظلم لسبب مجهول ومنعرفش ليش صار معايا هكي اصلا
ناهية.  برأيي مسعودة عندها حق خلاص فوتي كل شيء وراك وعيشي حياتك والراجل مشاءالله مش حيقصر عليك
هيام.  اي راجل واي سلطة هو تزوج اختي يعني راجل اختي مش راجلي
مودة. اهدي حبيبتي مضايقيش روحك
مسعودة.  يا هيام هي تحكي علي
هيام.  تحكي علي شنو؟
مسعودة. فيه واحد جاء طلبك اليوم وبابا وافق وبكرة يقروا فاتحتك وبعد خمسة ايام يجي ياخدك
هيام انصدمت لدرجة جسمي رعش بدون ارادة
كيف يعني جاء واحد وطلبني وبابا وافق منهو اصلا وعلاش يطلبني وانا نقول علاش عمتي كشفت عليا وعلاش جابولي ممرضة وخايفين عليا اتاري مواعدين واحد وخايفين يصيرلي شيء