كازابلانكا || Moroccan

⁴

تعليقات بين الفقرات♡

دازت يومين على أخر مرة شافه فيها، ولي خلاه خارج لزنقة كثر من مرة فنهار على أنه يشوفه ، ولكن ما بانش، ماكانش عصام جالس مع دراري ومكانش الأثر ديالو فالحومة...

كانت العشية ولبس  حوايجو هز تيليفونو ، وخرج وهاد المرة مقرر يلقى عصام ويهضر معاه ويطلب منو سماحة ، حيت حس براسو غلط فحقو..عصام ما شاف منو تاحاجة ديال العيب ولكن مع ذلك كان كيعامله فحال شي وحش كيخوف انطلاقا من مظهره..

حس سامي بتأنيب الضمير ، خصوصا فاش مبقاش عصام كيبان...

قرب لجماعة ديال دراري لي اغلبهم كانو كيكميو ، مخدمين أغاني ديال راب وكيهضرو بالجهد...قرب من واحد فيهم...

-سمحلي نسقسيك...كدعرف فاين نقدر نجبر عصام؟؟

شافو فيه كلهم ، وبداو كيضحكو ، توتر سامي واحساس خايب احتل صدره بعد خطوة وحدة منهم..

-اجي لهنا...اجي

قاله وهو معلي يديه وسامي كيشوف فيه بتردد ، وملي قرب عنده جر سامي من شعره، حتى خرج منه صوت يدل على الألم...مد سامي يده وحطها على يد الأخر لي كتجر شعره...

-جاي كي القحبة، وعاد كنطق سميتو حرفية؟؟ ، واش عارف الا سمعك شغيوقع؟؟...ولكن ما عليكش حنا نتكلفو بيك..

-أههه

دفعو بالأرض، طاح سامي وما جا فين ينوض تا حس بضربة فكرشو، ركلة مجهدة جات فمعدته...

-بعد...بعد مني

غوت سامي بالجهد وهو كيحاول يحمي جسده من الضرباا لي كيجية من الدري لي ما عرفش علاش كيضربو بهاد العصبية كلها...

ملي شاف سامي مبقاش قادر يتحرك نزل لعنده وقلب جيوبه، ملي طلعات يديه تلفون ديال سامي لي كان ايفون ١١  ، ضحك بجهد

-منين ضبرتي عليه ارطيطب هااا...يالاه نوض قود

دار تيليفون فجيبو ورجع يضرب سامي..

-هييي، مالنا شواقع هنا، ولا غا كيغبر عليكم كتضسرو..

على سامي عينيه ، وبصعوبة شاف صاحب الصوت لي كان نفس دري لي وصلو للحانوت داك المرة..

-خويا سيمو!

نفس دري لي كان كيضرب سامي قبل ثواني، نطق بهدوء واحترام...

قرب سيمو وشاف فسامي، قرب عندو وسنده باش يوقف وملي شاف سامي ما قادرش، رجع يخنزر فداك دري لي كان سميتو معاذ..