كازابلانكا || Moroccan

¹

وقفات الطوموبيل فوسط حي شعبي، دور عينيه بين الناس والديور نزل زجاج د طوموبيل وصله الصداع الدراري صغار لي كيلعبو فالزنقة، والصوت الضحك لي جاي من رباعة ديال دراري فراس الدرب..

تنهد ورجع شاف فخوتو لي ناعسين براحة ، مد يدو حطها على شعر ختو الصغيرة..

-ندى! ندى نوضي الحبيبة ديالي وصلنا

بصوت هادئ كان كيفيقها وملي حلات عينيها ، تحلات الباب من طرف خوهم الكبير "أنس" لي بدا يفيق فيهم ويقوليهم شنو خاصهم يديرو...

-كل واحد يهوز حاجة واخا هيصغيرة ، باش نساليو قبل الليل..

هز سامي راسو وخرج حتى هو كيهز الرحيل ديالهم مع خوه وماماه ، علا عينو للدار لي متكونة من طابقين، بسيطة ووسط حومة مكتظة بالناس، دار لي مجاوش ليها من سنين هو وخوتو  ، فقط ماماه لي كانت مرة مرة كطل عليها حيت دار واليديها ..

يلاه هز الباليزة اللولة ولي جاتو تقيلة ، دور عينيه وطاحت على مجموعة ديال الدراري كلهم كيشوفو فيهم ، وفيه تحديدا ...

تنهد مرة اخرى وهو غير راضي على الحالة، أخر حاجة كان باغيها هي يخلي حياتو كلها فطنجة وينتقل لكازا..

-البراني فالدريبة!!

جا صوتو الغليظ لي بلا خاطرك كيخليك تنتابه ليه وتركز معاه، غير على طوله وجسمه العريض والمخدوم بشكل رياضي، والوشوم لي فأغلب المناطق المكشوفة من جسده..

-سي عصام!! على سلامة

نطق واحد من دراري وهو نايض من الكرسي الوحيد المتواجد حداهم، ومسحه بيديه قبل ما يدفعه بشوية قدام عصام..لي جلس بلا ميجاوبو...

-تبغي نعرفو شكون هما؟

-خليهم دابا...تا يستاقرو ونعرفوهم على لي كيحكم هنا..

قال عصام وهو كيحط رجل مطوية فوق ثانية ويده مدلية مع كارو مشعول ومرة مرة كينتر منو..

عينيه جات على الجسم النحيف بشكل مقبول وشعر الطويل لي كيوصل لعنقه، وهو كيحاول يجر جوج بوالز فدقة وحدة...

_____

هاي!!

اخيرا جاء الفرج وغندخلو تا حنا فروايات البي ال طول والعرض، مهم موجدة ليكوم داكشي لي كيعجبكم ، الكثيرة من الغيرة والإثارة، الا عندكم صحابكم كيقراو هاد نوع د روايات بارطاجيو  معاهم باش نشطو القضية...

الأبطال تقدرو تخيلوهم كيما بغيتو ولكن انا كنتخيلهم هكا:

هادشي لي كاين ،، باي♡♡♡♡🇲🇦