كازابلانكا || Moroccan

⁵

متنساوس تعليقات بين الفقرات ♡

-تعلمت منضيعش الفرص، حيت يقدرو ميتعاودوش..

نطق عصام وعطا تيليفون ل سامي لي فتحو ورجعو ليه باش يكتب نمرتو...

-خود...ودخل غنشوف عندي شي دوا هنا باش متوليش الضربة زرقة

خدا سامي تيليفونو، وهبط عينيه يشوف النمرة لي قيدها عصام وكتب عليها 'بابا'

ابتسامة خفيفة ترسمات على وجهو ودخل يجلس فالفوتوي لي فوسط الصالة...

شوية ورجع عصام، هاز سينية فيها كاس ديال الماء وبومادا..

حطهم ، وجلس على ركابيه فالأرض باش يوازي معدة سامي...

-هز تريكو ديالك ندير ليك دوا!

شاف فيه سامي ونفى براسو..

-لا...غا خليه من بعد نديرو انا

تنهد عصام وبان عليه انه معندوش الصبر ، ولكن هضر بنبرة هادية وحنينة...

-هز ابابا بلا عناد الله يرضي عليك...

استسلم سامي وطلع تريكو ديالو من بعد ما تكى بضهرو على فوتوي، وعينيه مركزين على عصام لي بدا كيدهن البومادا فالبلايص لي مضروبين ...وكل مرة كتحط صباع عصام على جلده كيبورش وجلده كيترعد...

شاف فيه عصام ويديه كتدلك جزء من كرشه..

-خايف؟

-لاء ، غا يدك باردين

جاوب سامي بلا ميفكر كثر،حيت بصح مكانش خايف من عصام، العكس تماما..كان مرتاح فحالا كيعرفو من زمان...

-صافي ابابا ، خود معاك هاد لعيبة وديرها كل ليلة باش ميبقاش ليطراس على لحيمة ديالك واخا!؟

سوله عصام بأسلوب طفولي فحالا كي قنع شي دري صغير ...ناض عصام وجلس حداه على فوطوي ملاصق معاه وحاط يديه الفوق على فوطوي فحالا معنق سامي، لي بقا مسترخي فبلاصتو ومتحركش...

-كتعامل معايا فحال شي عايل ستيتو!

بإبتسامة صغيرة هضر سامي وهو مدور راسه جيهت عصام، لي ضحك تا بانو انيابه لي بارزين...

-حيت راك بصح دري صغير قدامي، معرفتش علاش ولكن كنحس بلي خاصني نحميك ونرد ليك البال...

بقا سامي كيشوف فيه، كيفاش كيهضر بجدية وصوته الخشين والبحة الحنينة لي فيه، عينيه الكحلين لي كيبريو...