افطاركم شهي (((عسل مر))) البارت الخامس
علي... ثاني يوم جان جمعه كعدت بلعشره ونزلت جوه لكيت امي بلمطبخ تطبخ غدا وريحة الاكل تارسه البيت
صباح الخير امي
....هله بهل صباح تعال ابوسك ولله البيت وحش من دونك
...ابوي طلع
...اي من الصبح وكال لاتكعدينا خلي نايم
...اريد ريوك حتى اروحله وهو يرجع يتغدا ويرتاح
...اي هسه احضرلك احلى ريوك
حضرت امي الريوك واني كاعد يمها واسولفله على الرحله مالتي واشوفها الصور
خلت الريوك على ميز الطعام واني كعدت وبدت اتصبلي جاي
جان طلعت عسل من غرفته
واجت للمطبخ
لابسه قميص وبجامه ستن وردي فاتح
اني راسا درت وجهي وكحيت بصوت عالي
جنت متوقع ماتدري بيه بلبيت وسويت هاي الحركه
حتى تنتبه وتروح تلبس غير هاي البجامه
لان الصراحه احنا البنات اقاربنا كلهن محجبات ولبس مستور
لابسات
بس هي اجت وصبحت علينا وكعدت على ميز الطعام
الضاهر كاعده قبلي وجانت تغسل وجها
اني استغربت رديت عليها السلام وكعدت اكمل اكل
وهي كعدت تتريك كدامي
ليلى عسل اني طبخت دولمه غدا اذا تردين شي ثاني كولي حتى اطبخ
عسل لا ماما شكرا اصلا الدولمه من ريحتها مبينه طيبه
ليلى الف الف عافيه
عسل اني محتاجه كم شغله وردت انزل للسوك
بس ما اعرف انزل للسوك وحدي
ليلى خليها للعصر ونروح اني وياج لان هسه اني حيل مشغوله
لو اخوج ياخذج للسوك
عسل نزلت حواجبي اخوي
علي اني جنت اكل رفعت راسي وخزرت امي
ليلى اقصد علي ياخذج هسه تشترين الي تريدي ويرجعج
واذا رفض اني اروح بس شغل البيت كله يبقى على علي
علي اني اريد اروح للمحل ماعندي وقت
ليلى ابوك بلمحل وبعدين مابقه شي ويرجع للبيت
علي يمه انتي اخذيها العصر
ليلى يمه اني اذا رحت وياها لليل مانرجع نضل نفتر
واليوم عندي هواي شغل
اني غير يوم واخذها
علي من ورا خشمي يله خل تبدل بسرعه
اني راح اصعد اغير ملابسي وانزل
علي صعدت فوك ابدل
عسل ماما تكولين علي حباب شدعوه هلكد مامتحملني
ليلى ماكو اطيب من كلب علي بلدنيا بعدج ماشفتي المقالب والضحك
هسه تتعودين علي
علي بدلت ونزلت لكيت امي بلمطبخ
احجي بصوت ناصي
علي يمه بعد ممنوع تكولين طلعها اني عندي شغل ما فارغ الها ابد
