((((عسل مر)))) البارت السادس
ثاني يوم الصبح امي كالت وصل اختك للدوام وبعدين روح للمحل
بين ما نشوفله خط وتتعرف على البنات
ابوي كال اني راح اروح كدامك للمحل وانت من توصل عسل
تعال وراي
كملنا ريوك وصعدت بدلت وهي دخلت تبدل
لازم نصعد الخط مرتين ونوصل للجامعه
طلعت لابسه سيت كامل رصاصي ستره وبنطرون وقميص ماروني وجنطه وحذاء ما روني
ومسرحه شعرها والعطر يسطر
بشرفي لو اليه حكم عليها جان لبستها حجاب
طالعه تجنن
طلعنا اني وياها
علي ... بعدا راسج يوجعج
عسل ... لا راحت العنجوره
علي... همزين خفت لاتكعدين فاقده الذاكره
عسل ... لا مو الهلدرجه هي عنجوره زغيره
صعدنا بلخط
علي.... انطيني رقمج خاف تطلعين لوما تندلين خابريني تبادلنا الارقام
اكو واحد كعد كدامنا بلجهه الثانيه شافها من انطتني الرقم بس همزين هي ماردته اليه
اخذت تليفوني وسجلته ونطتني رنه
هذا الولد كل شويه يالتفت علينا اني بلبدايه سكتت بس هو حيل طوخها
كام يأشر ويسوي حركات وياشر اله على رقم التليفون
عباله اني ما افتهم
بعد مابقه عندي اي صبر طفرت علي ولزمته من ركبته وعصرته
وكمت اصيح علي
انت ليش ما تحترم نفسك لا انزع الي برجلي واخلي بحلك
هو دفعني يريد يخلص روحه وعسل تسحب بيه تكلي عوفه
خلي يولي
السايق وكف والناس صارت بينا
واني اصيح
صار ساعه ساكت واكول جلب وينبح ردتك تحس ماكو بس انت مايفيد وياك الكلام اله اهينك واطيح حضك
نزلت ايدي وضربته بوكس هو عدل نفسه وراد يضربني
بس الناس صارت بينا
اني راسا سحبت عسل من ايدها ونزلنا
واني اكول انعل ابوكم لا ابو الي يصعد وياكم سفله
عسل ... على كيفك انت ليش هلكد عصبي
علي .... التفتت عليه وكتلها عصبي لازم عاجبج كلامه
ليش ما تنطيني الرقم
عسل ... انت شكاعد تكول تخبلت
علي سكتت وكفت اشرت التكسي صعدنا اني كدام وهي ورا لمن وصلنا الجامعه هي نزلت بدون اي كلام واني
هم ما حجيت لان دمي يفور من برودها
طلعت بتكسي نفسه للمحل وصلت واني معصب
بديت ارتب بلغراض على الميز واني ساكت
بعدين طلعت الماسحه ومسحت المحل وكعدت على الكرسي
واهز برجليه صار ساعه والعصبيه ما طلعت من عندي
الساعه بلوحده ابوي كال خل نسد المحل نروح نتغدا ونرتاح ونرجع
اني ما جايب دراجتي لان وصلت عسل للدوام والدراجه بقت بلبيت
علي... بويه انت روح للبيت واني اروح اجيب عسل لان بعدها ماتندل البيت
ابوي صعد بلخط وراح واني اجرت تكسي ونزلت باب الجامعه واتصلت عليها
عسل كاعدين بلحديقه اني وكم بنيه واسئلهم على عنوانهم حتى نسوي خط خاص بينا
ودك التليفون باوعت علي
مارديت بلبدايه لان زعلانه منه
عصبي ومآ يتفاهم ابد
رجع دك مره ثانيه
رديت بعصبيه وكلت نعم خير شكووو
