((((عسل مر)))) البارت التاسع
قرب الدوام يبدي وخابرتني عسل كالت اني وبابا راح نجي للكوت علمود النقل
يريد ينقلي البغداد
اريدك تجي حتى اعرفك على بابا
بليل رحت للحلاق وعدلت نفسي
وثاني يوم مارحت للمحل ولبست قاط رسمي
أمي وصتني اذا اكدر اعزمهم للغدا حتى تشوف عسل
وصلت قبلهم ودزيت الها رساله
كتبتلها اني انتضرج باب الجامعه
وصلو واني جنت مستعد للمواجهه وجنت متئمل خير
هي شافتني وابتسمت اني تقدمت عليهم وكلت السلام عليكم ومديت ايدي اسلم على ابوها
نزل حواجبه ومد ايده وهو شكله منزعج عليكم السلام
عسل بابا اعرفك هذا علي ابن خالي
سحب ايده
لزم ايدها وكال يله بابا امشي اتاخرنا
علي من رخصتك عمي اني حبيت اتعرف عليك
امنيتي تقبل عزيمتي وتتفضل وياي البيتنا
....باوع عليه وكال شكرا ماعندي وقت
...بس عمتي تريد تشوف عسل مشتاقه اله
....باوع عليه واشر باصبعه بلغة التهديد
بلغ عمتك تنسى عسل نهائيا
وعافني ومشى وهو يسحب عسل من ايدها بقوه
هنا دك جرص الخطر بداخلي عرفت ابوها قافل من جهتنا
وكلبي وجعني حسيت عسل راح اضيع من ايدي
بس ما استسلمت وبقيت واكف باب الجامعه انتضرهم لمن يطلعون
ساعتين وثلث يله طلعوووو
تقدمت عليهم وكلت
علي بس من رخصتك عمي ليش ترفض عزيمتي
...بابا افهم ماعندي وقت وأريدك تفهم شي ثاني
اريدك تنسى انت وعمتك عسل نهائيا
وتشيله من خارطة حياتك
سحبها وابتعد واني احس روحي تتهدم
عرفت ساعتها اني واكف كدام انسان ضالم
ومآ كو بكلبه رحمه
اصلا ما يقبل ينطيني مجال ابد اتفاهم ويااااا
رجعت للبيت واني هموم الدنيا فوك راسي
عسل ضجت حيل من موقف ابوي بس حسيته عصبي ومآ اكدر احجي ويااا
صعدنا بلسياره ومشينا التفت عليه وكال
...عسل انتي عندج شي ويه هذا الولد
....لا بابا بس هو ابن خالي وعايش ويه امي بنفس البيت
وساعدني هواي من جنت عدهم
...زين اريدج تقطعين كلشي بينكم وتنسين هاي الايام الي عشتيها هنا
ذوله الناس مو مستواج انت راح تصيرين دكتوره
وهذا سمل واحد مخلكن واكيد خال عينه على شهادتج وراتبج
ذوله الناس مو مستوانا لذالك اني طلكت امج
ذوله الناس ياخرونج مايقدمونج
عسل.... كلش ما اقتنعت بكلام بابا بس جنت متامله ويه الوقت يغير رائيه ويتقبل علي
وصلنا ودزيت رساله العلي كتله اني اسفه كلشي صار بسببي اني جبرتك على هاي المواجهه
