((((عسل مر. )))) البارت العاشر
عسل..... صعدت وكعدت ابجي مستحيل الي يصير وياي بابا عندا الشهاده اهم من سعادتي
مو مهم اني شنو احساسي اهم شي يكولون بنته دكتوره
ثاني يوم ما اكدر ارفع راسي من البجي
بقيت نايمه ما رحت للجامعه
علي .... الطريق كله ساكتين حرامات واحد مثل هذا بهينا
ويقلل من كرامتنا
كعدت بغرفتي واتصلت بعسل ماكو ما اجاوب
اتصلت بيها خمسين مره وماكو اي جواب
امي حضرت العشى ومحد قبل ياكل
تعبت حيل ونمت
كعدت الصبح بلسبعه جنت متوقع الكاها مخابره او دازه مسج
بس كلشي ماكوووو
اتصلت بيها وماكوووو خفت عليها من ابوها
رحت للمحل والتليفون ما وكع من ايدي اتصل وماكووو
عفتلها عشرين رساله
....عسل وين صرتي
....حبيبتي ليش ماتردين
...خوفتني صاير شي
...حبيبتي مشتاق اسمع صوتج
...كلش قلق عليج
....لاتضوجين اني مراح استسلم ابد
...حبنا اقوى من كلشي
...اذا قريتي رسالتي ردي عليه
تعبت من المكالمات والرسايل وهي ماترد كلش كلش قلقت عليها
ثاني يوم نفس الشي وهي ماترد ابد
كتلهم اني راح اروح البغداد اطمن عليها لان كلش قلق ماترد عليه ابد
ابوي ماقبل بس امي كالت روح خاف ابوها سواله شي
لو حبسها
عسل ... هذا اليوم الي ما داومت بي زوجت ابوي هجمت عليه غلط وحجي واهاين
ساعه تكول ربعج المتخلفين اجو وراج
ساعه تكول ماتفتهمين جايبه واحل متخلف وتريد تزوجه
نوب تكول امج شكد وكحه هسه عرفت ابوج ليش عافها
ترجع تكول اتخرجي وخنشوف راتبج شعدج مستعجله على الزواج
واني ساكته لان اعرف المجادله وياها مابيها نفع ابد
واذا احجي راح تزيد عليه
وتندمت لان ما رحت للدوام وبقيت بلبيت
ثاني يوم بدلت وطلعت للدوام واني ماليه خلك ابد
وصلت ومادخلت اول محاضره
ولا المحاضره الثانيه كاعده برا بلحديقه والدنيا طالعه من عيني
ما اسمع اله صوت علي وراي يصيح عسل
بس شفته دموعي نزلن
علي... قربت عليها وكامت تبجي ليش تبجين ياعيوني انتي
عسل .... تعبانه علي البيت جحيم كلشي ضدي
علي.... لاتبجين اكيد راح نلكه حل اكعدي وخل نفكر اني وياج
هم تعرفين احد يأثر على ابوج
لا ابوي عصبي وماعنده اصدقاء هواي
علي ... وعمامج
... عمامي عندا خلاف وياهم علمود الورث
ابد ماشفت احد منهم اجا زارنا من انتقلنا لليوم
